موضوع مستفز ني وحبيت اسمع كلامكم فيه

كيفكم حبايبي عساكم بخير جميعا يارب رجعت لكم بعد طول غياب عن الممنتدى ومانسيتكم من دعواتي دائما
اللي خلاني اكتب الموضوع موضوع وحده من الأخوات وامها اللي انجبت بالخمسين وكلام الحريم
ومواضيع مشابهه وحده تقول انا حملت وعندي اثنين وسببولي من حولي نفسيه واستفزتني المواضيع هذي وفيه كثير يطرح مثلها وتذكرت مواقف تمر عليه واستفزازها ليه بوقتها
فعلا الحريم مشغولات في بعضهم وفي مالايعنيهم وفي شي كتبه الله لك يالانسان قبل تطلع على الدنيا
ان حملت الحرمه اشغلوها وان ربي ماكتب لها أكلوها وصارت على كل لسان
تذكرت مواقف اغلب الحريم حولي يوم اجيب أطفالي من اول واحد
قبل تصب قهوتها وهي تقول مسرع حملتي وعيالي الباقين قبل يصبون قهوتهم خلاص لاعاد تجيبين ويكررونها إمرار وتكرار وكأنه بيدي ولا بيدك ياناقصة العقل
ولا اخذه رأيك ولا حملتي عني ولاتعبتي عني
وين عقول النساء وليش التدخل بخصوصيات الناس
لازم نتعلم جميعا وننشر الوعي بيننا ونترك اللي مايعنينا ومضايقة الناس في حياتهم ترا هذي أذيه لهم دليل اللي تقول جتني نفسيه ماحملت واللي تقول سببولي نفسيه يقولون ليش تحملين
وأنتم شوفو كثرة المواضيع هذي كل يوم تمر علينا
ياربي لك الحمد عمري ماسألت احد عن شي مايخصني الا اذا هو يبشرني وافرحله ولا يشكي عليه واواسيه
اليوم اغلب النساء متعلم ومثقف وبالواقع فراغات من الداخل نساء قبل اكثر حياء واحترام
اللي مرت بنفس المواقف كيف تردين ماكنت ارد على من تقولي الكلام هذا غير الله يحفظلي مأعطاني لان الكلام ماهمني وماحبيت اجرح احد بالعكس والله احتقرها من تقوله وتنزل من عيني
دعواتكم ربي يحفظلي من أزهرت حياتي بوجودهم