الله يشفيه لك شفاء لايغادر سقما
ويحلل عقدة من لسانه
انا ولدي متأخر ومتأخر المدرسه رفضوه
قالوا صعوبات تعلم
صعوبات ايش ؟!
الولد كذا عاجبته اني افهم عليه واعطيه اللي يبي
بدون كلام
قريت موضوع عضوه قالت جابت اخصائي نطق لبيتها
خلاه يتكلم بالمعاند يصارخون على بعض
انا جربتها شوي بس ما طولت فيها
شلته ولفيت فيه كل مكان
اخصائي قال
هو ما يبي يتكلم عشان يخليكم تهتمون اكثر فيه
وشايلين همه
قمت اطنشه هو يعرف الاشياء واسمائها
وسويت طريقة وحده قالت عاندي يأشر لا تعطينه
خليه ينطق
كلمة ابي مويه ابسط شي
يقول يايا جلست قويت قلبي ما ارد ولا التفت الا لما قالها شبه صحيحه
مره على مره بإذن الله يتكلم
الان متبعه العلاج بالقران دكتورة اطفال قالت لي
حفظيه قران راح يتكلم
شريت مصحفين جزء عم
افتح على السور القصيرة
الفاتحه والاخلاص والناس والفلق
السور اللي فيها حرف ( ل ) كثير
يقوي عضله اللسان
وكمان استفدت من عضوه
قالت ان نشيك على اللحميه لانها تسبب مويه خلف الطبله
ماياخذ الحروف بنطقها الصحيح
وعضوه اخرى قالت ان تحت اللسان الجلد اللي لما ترفعين لسانه تشوفينه
عند بعضهم قصير تروحين للطبيب يشوفه وعمليه بسيطه مجرد قص ويتحرك اللسان بكل حريه


انا رديت عليك وحبيت افيدك
لان مابقلبي عليك شي
ولاني حاسه بمعانتك والحرقه
يوم ولدك يجي متحمس يقول سالفه انتي فاهمته
بس الثانين قدامه ولدك وش يقول مافهمنا
هو يزعل يمشي
بس تاكدت مشيته هذي غلط
صرت اجيبه واقوله قولهم لما يقول كلمه انطقه اياها
عشان يفهمونه واعطيهم ذيك النظره
ويسكتون
وحده قالت عنده فرط حركه
قلت بسم الله عليه فال الله ولا فالك اعوذ بالله
وسكتت وماعاد فتحت الموضوع ولو فتحته هبيت فيها
خلاصه الكلام
ولدك انتي مترجمه لا احد يجرحه لا تقولين ما فهمتك
لا تعلمي لغته عشان يتعلم لغتك
عشان لو مثلا قال يايا قولي مويه ابي مويه كرريها لين ينطقها


ترا ولدي المفروض يقول سالفه طويله وهو ما يقول الا كلمه
بس ربي مو كاتب له
وموقنه ايقان تام بإذن الله بيتكلم ويطلع احسن من غيره
ويحفظ القران ويصير امام مسجد


رديت بفيدك وبفيد البقيه
انا لازلت اعاني بس ما انساه بسجودي
والقهوه كويسه ناديه يتقهوا معاك
التمر جدا مفيد اشتري عجوه جايز اللي بولدك نفس او عين
عجوه ومويه زمزم

الله يشفيه

حروفه اجل وش اقول انا ووش اخلي بس
ولدي عمره ١٥ سنة ما يقول ولا كلمة
حتى ماما ما سمعتها منه
رضيت الحمد لله بالقضاء والقدر نسيت او اتناسى
قلبتي علي المواجع يختي

أسأل الله ان يشفيه لك يارب

الله يشفيه ويجعل ربي يعطيه النطق واللسان الطلق ويخليهً لك يارب