موضوع مسوي حاجز بيني وبين خطيبي

هاي عالم حواء
بعرض عليكم مشكلتي وأبي تشورون علي
أنا مخطوبة وللحين أدرس بالجامعة، وخطيبي (خريج حاسب
ويسوي بحوث للطلاب) المهم أنه قالي إذا أبي أي بحث بس أقوله
َوهو يسوي لي كل شي، الكلام هذا جاء منه من باب مساعدته لي،
المهم في يوم وبعز ضغوطاتي الجامعية والبحوث والاختبارات
وقلة خبرتي بتطبيقات البحوث قالي (ترا تعبت ذا أخر شي أسويه)
وأضطريت أسوي كل شي بنفسي (فعلياً أنضغطت ذاك الوقت)
وأنا أساساً شخصيتي حساسة، يمكن تقولون أنه دلع، لكن لا مو كذا الموضوع اللي زعلني أني من البداية أعتمدت عليه وبعدين لقيت
نفسي لحالي، من ذاك اليوم بطلت أعتمد عليه بشي أحسه بيخذلني (يعني كل شي في حياتنا تمام لكن ماقدرت أتجاوز الموقف وكل ما أبغى أطلب منه شي أتذكر أنه خذلني)
مدري كيف أتجاوز الموضوع، هو يقول أنه ماكان يقصد وأنه
كان مضغوط بس أنا (لاتاخذون موقفي بتفاهه أحس الموضوع
مسوي حاجز بيننا من ناحية اني أطلب يساعدني بشي أو اعتمد عليه بشي)