موضوع مضايقني مرة وحلوله عند الشباب والبنات

السلام عليكم
الموضوع مضايقني له فترة وحبيت اطرحه عليكم لانه صار شي قبل يومين خلاني اكتب هالموضوع

وهو النظرة الدونية من بعض اهالي مناطق المملكة لمناطق ثانية
يعني وحدة من صديقاتي خطبها واحد وهو معجب باخلاقها عن طريق اخته ويوم درى انها من الشمال رفض ليش هو عيب بالبنت منطقتها وكذا يصير بعد مع شبابنا من اي منطقة انت حتى لو كان له منصب واخلاقه عالية يرفضونه عشان النظرة الدونية (والموضوع لايقتصر على الزواج لا ولكن تعدى حتى للتعامل والصداقات)يعني اشياء ثانية كثيرة
وانا بسأل الاعضاء
1- ماهو شعورك لو كنت مكان هذا الشخص سواء (بنت او شاب)
2- هل تعاملت بحياتك الواقعية مع ناس من هذي المناطق أو حصل امامك موقف على كذا
3- هل تقبلون اني انظر لمنطقتك بهذه النظرة واني احكم على كل ناسها بنفس الحكم
وكل منطقة فيها الزين والشين وفيها الطيب والردي بس ليش التعميم على الكل انهم شينين وردين وما يتصادقون وما يتزوج منهم وتنقطع كل العلاقات فيهم اذا واحد غلط ترى كثير ناس ماترضى بالغلط ومثل ما عندكم ناس محافظة وعوايل كبيرة ترى حتى حنا عندنا مثلكم
وانا شفت ناس كثيرة عانت من هذا الموضوع ومن بينهم اخواني وانا اقول الحق والله انه مو الكل ينظر هذي النظرة في ناس تعاملهم راقي ولا يلتفتون لهذي الامور بس الغالبية يتعاملون بهذي النظرة
فلقيت اني اعرض هذا الموضوع والمشكلة الكبيرة في منتداي الغالي عالم حواء لانه صديقتي صار فيها انهيار والسبب هذا الموضوع
فلذا طرحت المشكلة واتمنى القى تفاعل وحلول لها
وطولت عليكم

يعطيكم الف عافية