موضوع مضيق خلقي

زوجي نفسيته صارت تعبانه وعنده خيبة امل من الكل وحس انه محد فيه فايده أبد حتى ابتعد عن اخواني رغم انه ابدا ماعلق بس قال مره مامعاي الا اخوانك وانا خايفه اخواني يفشلوني وتخرب العلاقه بين زوجي وأهلي لان هو بس يبي شهود باللي صار بس عشان تمشي قضيته لان كأنو موجودين وقتها

منتظره ارائكم محتاجه احد يعطيني رأيه

يمكن اللي اعتدوا عليه شرانيين
والناس خايفين اذا شهدوا معه يرجعون لهم ويعتدون عليهم
يعني قولي لزوجك اكيد الناس عارفين انك حقاني ويحبونك
بس خايفين ع انفسهم من الأذى


يوكل امره لله وحده وهو كفيل فيهم
ياخذ حقه له

انا لو مكانهم احتمال كبير ما اشهد مع اني راعية فزعة جدا ولو عند وحدة ضيوف اروح واساعدها ومرات اكلمها وتقول وش تبي واسوي وارسل لو سمعت وحدة من العائلة تبي شي ومافي اخد يوديها ممكن اشوف يوم واقولهارايحة السوق تعالي ما ابي اروح لحالي لو وحدة عندها مناسبة ممكن اخلي اطفالها عندي لو اي اخد بمكان عام يحتاج مساعدة اساعد هذا مو معناه ابدا اني ادخل نفسي بالشرطة والمشاكل اللي يمكن لها اول مالها اخر واعلق نفسي بمشاكل انا في غني عنها ومع ناس معروفين وقريبين مني ومن نفس القبيلة وانا مالي دخل بالمشكلة اساسا يعني جو واعتدو على زوجك وبمكان عام وقدام الناس وش اللي يضمن ما يستفردون باي احد ويعتدون عليه وممكن ضربة غلط تنهي الحياة خذيها قاعدة ما احد مستعد يخلق لنفسه عداوات مع ناس شرانين مايدري وش يمكن يطلع منها وهو ماله دخل. الصالة فيها كميرات والعرس اكيد فيه مصور واحتمال كبير الناس صورو المضاربة مدري الاعتداء بجوالاتهم ممكن تطلبون الصور او الفديوات بس مو معناه انهم ماراحو شهدو معكم انهم قليلين خير وماردو الخير العظيم اللي سواه زوجك وهو يحبهم وهم ما شهدو معه لا هو يحبهم وهو يحبونه بعد الموضوع ابسط من كذا بكثير

من حق زوجك يعطي اكبر سيفون على من خذله حتى لو اخوانك


اسمحي لي المعادن تبين في وقت الشدة إذا ما وقفت معي بشدتي وش ابي فيك بوقت الرخاء و السعه


فمعادن اللي كان متأمل فيهم خير طلعوا بح


جداً متعاطفه مع زوجك خليه يسعى بالموضوع لوحده و إذا مره قفلوا عليه بالشهود يحلف بالقرآن أن هذا اللي حصل و اللعنة على الكاذب منهم و خلاص ينسى و يعيش حياته




و يحط حدود مع اللي خذلوه بلا استثناء


عني عزة النفس و الخذلان بمواقف الشدة خطوط حمراء لا يمكن المساس بها و لا يمكن تجاوزها بسهوله