أهلين وسهلين ببنات حواء الحلوين
أخباركم ... علومكم
موضوعي راح يتكلم عن فصل الشتاء وراح اقسمه لمقتطفات اوكي
اول شي عنايتك بنفسك في فصل الشتاء
وثاني شي طقوسك في فصل الشتاء
1 _ اول شي راح ابدا فيه العنايه وبما انو احنا البنات نستمتع بهالمواضيع مهما عدناها وكررناها مامليناها
وراح اقسمه لثلاث نقاط
أ_ عنايتك بجسمك
زي منتم شايفين اننا ندفن نفسنا تحت كومة ملابس خبركم بردنا اقشر
وزياده على كذا تزيد الشهيه عاد أكل الشتاء مايحتاج وبالتالي نسمن ونسمن ونسمن ومايجي الصيف ونشيل هالملابس الا ونتفاجاء بأطنان الشحوم اللي كسبناها بدون مانحس
فأول شي لازم تسوينه يكون عندك ميزان مضبوط أول ماتصحين وتروحين للحمام توزنين نفسك وياليت بملابس خفيفه اذا امكن وبكذا
تكونين على درايه بكمية الكيلوات اللي زدتيها وتحاولين تنقصينها
وبعدين هي زي البهارات تخليك تاكلين وتاكلين من دون ماتحسين انك شبعتي لانها تعطي نكهه حلوه بالأكل
وحاولين تشربين شاهي اخضر كثير منها يهضم ومنها يزيد مناعتك ضد امراض كثيره خطيره وأهمها الجلطات
وبين الوجبات لو جعتي كلي شي يشبعك ومايزيد وزنك انتبهو مانبي نسمن
مثل شابورة بر تغمسينها في كوب حليب قليل الدسم واستمتعي بالطعم ولو بغيتي تحلينه حليه بعسل طبيعي تراه لذيذ
بليز ابعدو عن السكر الابيض تراه المرض بعينه يكفي انهم مكررينه كثيرالين طلع لنا بهالشكل
وعادة في الشتاء تكثر الجمعات ولمة الاهل الحلوه خاصة عند المشب
او حتى عند الدفايه
ومايكمل هالجلسات الا المشروبات الدافيه مثل الزنجبيل والحليب بالفلفل والاسود وغيره
واكيد مايخفى علينا فايدة هالمشروبات استغلوها بنات زين يكفي اننا في هالشتاء نبعد عن الببسي وطقته الي مايجيب الا الامراض
جد أحس ان الشتا يحلي يمكن هنا السر
انتهيت من النقطه جا دوركم بنات
كيف تحافظين على جسمك في فصل الشتاء ووشي الاكلات والمشروبات المفيده واهم شي ماتسمن وتدفي خلونا نتبادل الخبرات من بعض