السلام عليكم
حبيت انقل لكم تجربتي
هذي اول مره اعتني بنفسي صح
وقت الدوره
وحصلبت نتايج حيل
حلوه
خن اقولكم شنو سويت
اول شي لبست سروال طويل ودلاغي على طول برجلي ما انزله ولا امشي حايفه بالمطبخ او ممرات السيراميك الا بنعال عزكم الله
اول 3 ايام من الدوره
كنت اشرب بابونج
ويانسون
ودارسين بالجاي
وكنت ابعد عن المعكرونه والحمضيات
وكنت اتريق بيض واحط فوقه فلفل اسود وملح
والاجبان والالبان ما اشربها عدا الحليب
له طريقه بعد شوي اقولكم
كنت اكل خضره بس خس وجرجير وجزر
اما طمام لاااا وهم المعكرونه والملوخيه والشيات اللي رخويه شوي مو زين ترخي الرحم
وكنت اسوي شاي اعشاب مكون من
بتلة يانسون
بتلة بابونج
بتلة نعناع
حبتين قرنفل
وكسرة دارسين
احطهم بكوب كبير فيه ماء مغلي واخليهم جذي عشر دقايق ربع ساعه
يصير لونه مثل الشاي المشروب واشربه
البابونج زين للامساك والهوا وهم اليانسون مهدئ للاعصاب والقرنفل يخفف عوار الدوره والدارسين يمشي الدم زين والنعناع هم حلوو
المريميه ابعدت عنها تماما لان فيني تكسيات وهرمون التبويض عندي مرتفع وبعدين هي ممكن تختلف بتاثيرها على الناس في ناس تنشط مبايضهم وفي ناس العكس تضعف مبايضهم
طبعا بالليل قبل لا انام
اسوي حليب ساخن نصف دسم واحطه بكوب واذر فوقه شوية زنجبيل مطحون
وشوية فلفل اسود
واحليه بسكر واشرب
والله يريحني حتى نوم انام ويدفي الجسم
وهم وقت الدوره ما سبحت كلش
وقعدت على التمر كل ساعه اكل
معمول تمر
وتمر بخلطه ( رشاد وكمون وحبة حلوه وحبة سمر مع سمن غنم )
طبعا كل هالمكونات مطحونه ومو مكثره منها
احس صج قواني
والنتيجه
استمرت الدوره 5 ايام حتى اخر شي قام يطلع شي اسود عزكم الله
وسادس يوم سبحت وحفيت ورحت الصالون وسويت حمام مغربي
وحفيت المنطقه الحساسه بشيره ونعمتها
واستخدمت غسول البابونج
موجود بالصيدليات
النتيجه اخر شي
حسيت اني حيل صرت ضيقه من تحت
انا قبل كان يطلع من رحمي هواء باوضاع معينه بالجماع ويسبب لي احراج
الحين الهوا راح وصرت ضيقه
لدرجه زوجي استانس
صار يجيني مرتين و3 مرات باليوم
وصرت اتحمل الوضعيات اللي قبل كانت تعورني وتسبب هوا
فعلا التمر يمكن يقوي الرحم
والبسكوت بعد
كنت اكور التمر واغمسه بفستق مطحون او جوز هند او بسكوت مطحون
يعني صج مفيد
اذا صارت عليكم الدوره
حيلكم بالدوره
الحمدلله ياربي
من اول شهر كان يطلع هوا من الرحم اتفشل قدام زوجي الحين الحمدلله افتكيت
وحبيت افيدكم
ترا صحة المراه وقوتها
تبدى من اهتمامها وقت الدوره
وموفقين يارب
و****لله استفدتوا
__________________
دعوتكم لي
اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
وجميع المسلمين
وصل اللهم على محمد وال محمد