موضوع مقابل لموضوع الخيانه عند الازواج

السلام عليكم بنات


وبالاخص الحريم المتزوجات ..

بما اني وحده منهم كلنا عارفين شكثر خوف المراه على زوجها وعيالها وودهم لو تحميهم بحصن مو ببيت بس


نجي لموضوع خيانات الزوج ومكالماتهـ .. مع بنت ثانيه

الحين موقف الزوجه لما تعرف تثور .. تنجن .. ماتوسعها الوسيعه من حيرتها وتصير قذائف من الالفاظ الوسخه ويتصكر عقلها للاسف عن كل حل ممكن يكون بطريقها وتزيد الطين . بله


صار لي موقف اليوم مع اني ابسنت عن الجامعه فـ مارحت


شوي تتصل علي زوجه ومن اول اتصال ياذيك السبع التحاسيب والحكي والسب والدعاوي ياربيييييه

فهميني


شصاير ابد مافيه .. انتي اللي تكلمين رجلي وانتي وانتي .. يابنت الحلال اي رجل تتكلمين عنه


وهاتك ياتحاسيب


فهميني ابد .. مافيه

والمشكله اقولها اهدي يمكن في سوء تفاهم بس اسلوبها اقل مايكون من التربيه


انا ماانكر ان فيه رقم مزعجني .. ودوم الدوم يتصل .. وياكثر ماهاوشه زوجي .. وياكثر ما تلاعنواا .. والرقم الحين مبلغ عليه .. وصارت سالفه كبيره


يعني في المقابل ..


انا كان يزعجني ( عشان ) يكلمني بينما ماعطيته وجه

بينما ( يكلم ) غيري من البنات وماادري كم العدد


فـ بالتالي كلنا رحنا بكفه وحده البنات المنزعجين والبنات اللي يكلمهم


طيب

انا شذنبي .. تجيني هالتحاسيب .. هي تقولي انا مظلومه .. وبالمقابل انا مظلومهـ ..

والجاني زوجها الله يهديه ويبعد شرها عنه


فـ ياليت من كل مره زوجها يخونها او شكت او لطشت لها كم رقم تتاكد هل هي بالفعل يكلمها وعلى علاقه

ولا ازعاج مثلي

يعني لو هالحكي والاتصال صار قدام زوجي .. انا شـ موقفي .. تتكلم وكاني عاشرته مو كلمته بس ..

يعني مو عشان تحمين بيتك تهدمين بيوت ثانيه

الله فوق الجميع ويحاسب كل الناس وهالبلاء ادعي الله وبالحكمه وشوي من سحر الانوثه ممكن يروح

بينما لاتتبلون بنات الناس الثانين

خبرت زوجي باللي صار وكانت بتصير سالفه ماتردها الا المحكمه :44:

لولا اني هديته وقلته فخار يكسر بعضه حنا شعلينا ..


بس هل تعتقدون انه ماراح يدقق .. ماراح يسالني عن كل اتصال .. الرجل ان دخل فيه الشك ولو غلط ولو كنت بريئه تظل ..

والكل يعرف طبيعه الرجل




ياليت يالمتزوجات لاتخربون بيوت غيركم عشان تحافظون على بيوتكم


وهالتحاسيب ابعدوا عنها هابين فيها هبهـ .. كنهها شي سهل .. وكلوا الله وقولو الله حسيبها

مو حسبي الله عليك وجعلك بالشلل وجعلك بالماحي وجعلك بالعمى والخ




عيب ياجماعه عيب حنا مجتمع مثقف - وقبل نكون مثقف راعي دين وفيه باسلامنا شي اسمه الاحسان


تكفون ياحريم ..كبروا عقولكم - كثير من حكم المجتمع انتم السبه فيه


انتم خليتوا المطلقه شينه
اللي ماتزوجت عانس وياربي فيها عيب
الولد احسن من البنت
البنت همها للموت ونصك عليها
وغيره وغيره ..


غباء الجاهليه