صباح الخير لكل السهرانات<<<<اولا وش مسهركم!!!
لا تقولون اللي سهرك لاني توي قايمه...
المهم ما علينا....
موضوعي المهم>>>>
بما اننا مقبلين على موسم زواجات...حبيت انبه الجميع لشغله...
امس رحنا نحجز قاعه...وقلنا للمدير >>اخر الليل تجي جمعيه خيريه تاخذ الاكل...
قال الجمعيه ما تجي لزواجات الحريم...
عاد حنا طارت بوهتنا...ليش !!!!
قال بصراحه وش ياخذون مطاريس الحريم???!!!!
والله انه صادق الله لايلوم الجمعيه...
قلت طيب وش تصلحون بباقي الاكل قال الفاكهه والمشروبات ناخذها والباقي نكبه
تكبونه!!!!!!!!!!!!!!!!
والله يا بنات اللي يصير في عروسنا شي حرام الوحده تجي تعبي صحنها الين يصير كنه جبل...وبالاخير تاكل لقمتين وتقوم....
الله يهديهم....
يابنات نبهو اللي حولكم لهالنقطه....
وكل وحده تجي تنكب تتذكر هالفقراء اللي يتمنون ربع صحنك...
انا ما اقول لا احد ياكل....بس انكبي لك وان حسيتي انك ما زلتي جوعانه ارجعي انكبي ثانيه ترا والله عادي ما فيها شي بالعكس طريقه حضاريه...
والله اني اشوف بعضهم في الزواجات...تلقينها متكشخه وعلى زنكة عشره وصحنها استغفر الله بس الله لا يبلانها...
اصلا الشكل موب حلو.....
الله يهدي الجميع بس....
بس من جد يابنات....كل وحده تحاول ثنبه اللي حولها....
وكل وحده في زواج تجي تنكب تتذكر انه ينكب في الزباله...
لان بعد مو معقول يجي واحد ياكل كبه عليها شوي تبوله ومنفغصه في الحمص..ونصها رابص في المرق<<<<وهي ما انلمست.....
ياليت تاخذون موضوعي جد وانشروه ولكم اجر انشاء الله....
والله امس شفت برنامج كسر خاطري....والله اطفال افريقيين قسم بالله انهم جلد على عظم...
وتجيب امه قطعة خرقه تغطها في مويه وسخه..وتعصرها في فمه...
الله تعافيهم ولا تبلانا....والحمد لله على النعمه....
انا عارفه نصكم يقولون وش دخلنا بس على الاقل اذا مابقى في صحنك شي يقدرون يودون النظي والمرتب للجمعيات...
اسفه طولت عليكم بس والله الموضوع مهم....
وسلمتو كلكم..:)
الله يهدينا ان شاء الله :(