موضوع مهم جدا لكل النساء

حبيت اتكلم معاكم في موضوع والله مهم جدا واحنا او كثير منا نهمله وهو موضوع عمل مساج للجسم او التدليك لكل امراة تريد الحمل او خارجه من ولاده او تعاني من اي تعب في جسمها وعضامها
وهذا يكون عند وحده عندها الخبره بهذا العلاج لانه يساعد كثيرا المراه علىان تكون قويه ومحافضه على رحمها من الخراب .وكمان الي تبي تحمل ممكن يكون للتدليك دور كبير على حصول الحمل
وانا ماقلت هذا الكلام الا بعد تجربتي الخاصه لي ولاختي الي حملت بعد ماعملت تدليك او مساج عند جاويه من بعد ماخلصت الدوره عملت عندها المساج لكامل جسمها وبعدين منطقة البطن مرختها وقالت لها ان شاء الله قريب فيه حمل والحمد لله والله كانت اخر دوره احملت بعد اربع سنوات ولله الحمد اما انا فتجربتي معها بخصوص الالم الي اسفل البطن والظهر زال الحمد لله بعد جلستين والحمد لله وكانت هذه الجاويه الي تعمل المساج او التدليك تقول لي انه الحريم مساكين عندكم مايسوون تدليك لجسمهم علشان كذا هم دايم تعبانين وعند الدكتور .وتصدقون ان وحده من رفيقاتي كان الدكتور قايل لها فيك كيس فوق الرحم ولازم عمليه راحت للجاويه تستشيرها وعملت لها مساج ثم مرخت بطنها وقالت لا مولازم عمليه كله انتو فيه عمليه ؟والله راحت اليوم الثاني للدكتور مو مصدق الكيس غير موجود
وارتاحت من العمليه .حبيباتي لا تهملون انفسكم دوريا اعملو مساااج لاجسامكم عند وحده تامنونها ومعروفه بخبرتها وشطارتها وراح تدعون لي ترا موكل شي عند الطبيب بالعكس الحين صرنا نخاف من الاطباء من كثر مانسمع بالاخطاء الطبيه وكل شي عمليه.حبيت افيدكم واسفه على التطويل