موضوع مهم لازم نوضحه للي ....

خبيبتي انا على وجه زواج والله يوفقني والجميع
بس اتوقع ان الحب يبين من اول ليله
والا انا غلطانه
مو ضروري يكون حب بس يكون فيه قبول بين الاثنين
وان ما كان فيه هذا القبول مستحيل تستمر الحياة
اما بالنسبه للمكالمات فاتوقع انها لها دورفي زرع الحب بين الزوجين لان البنت بطبعها عاطفيه وتتاثر بسرعه
يعني اللي يبي يكسب خطيبته قبل الزواج لا يقصر لا بالهدايا ولا المكالمات لانه كذا راح يملكها
وترى عمر البنت له دور لانها اذا كانت صغيره راح تحسب الزواج كله غزل ورومانسيه وحب وهالاشياء
ولما تجي للواقع تنصدم
واتوقع هالبنات اللي تقولين انهم تطلقوا علشان هالسبب اعمارهم صغيره والا انا غلطانه

ونشوف راي الاخوات

شكرا على مشاركتك اختي
طبعا الي تتزوج لازم يكون في قبول اجل كيف بتاخذه
بس بعد الزواج
لازم بتشوف اشياء مابتعجبها
تصرفات ماتعودت عليها
يعني ايام الملكه والخطوبه غيييييييير عن الزواج
كل شي بيتغير
انتي بتصيرين ست بيت ولك مسؤوليه والزوج بعد
يعني شوي شوي تدخل مشاكل
ولازم بيصير مناوشات
عرفتي كيف ...وفي ناس مايتحملون على طول بينهارون

اما البنات الي قلت عنهم والله كلهم تعدو ا22
يعني ماعليهم
حريم وفاهمات

انا الي صغنوطه مابعد كملت العشرين

شدعوى محد رد
ولله كنت اعتقد موضوع مهم
بس يالله
كويس على الاقل انكم قرأتو
بس برضو مصره على مشاركاتكم اخواتي

السلام عليكم
اتفق معاكي على وجود حالات طلاق لاسباب تافه
والغريب ان المراه تكون السبب بعض الاحيان
وكانها لا تدري انها الخاسر الاكبر من الطلاق لان الرجل يسهل عليه الحصول على امراه اخرى خاصة اذا كان على قدر من الاخلاق والدين لكن المراه غالبا ما يصعب ان تجد زوج اخر على حسب ما كانت تتمنى
فنصيحتي لاخواتي عدم الاستعجال والصبر في الشهور الاولى
ولا تنسونا الدعاء

اللي تقولين عليها تطلقت عشانها ماحبت زوجها...مو بس ماحبته... هذا شي اسمه ..ماتوفقت معه ... وهذا شي بديهي صدقيني اغلب اللي ماتوفقوا في زواجهم يبين من اول اسبوع وحتى احيانا من اول ليله مثل ماقالت اختي ياس ولاتقارنين امي وامك بحالنا الحين ... ترا احنا نحمد ربنا وقتنا وقت التفتح والعقلانيه والتفاهم ... الحرمه اول مسكينه مايمديها تقول شي لانه كانت ضعيفه والرجل هو الحاكم الاوحد وياويلها تناقشه.
الزواج مو حب والا اعجاب والا مشاركه وبس... الزواج توفيق من رب العالمين ... عشان كذا لاااازم الوحده تصلي صلاة الاستخاره مره وثلاث وخمس وسبع لين ما تحس انها متاكده نوعا ما
وفي شي مهم ابي اقوله : ان اغلب البنات اللي يتزوجون هالوقت يستعجلون.. ايه يستعجلون بكل معني العباره ... ياكثر اللي اعرفهم تزوجوا وهم مايدرون بالضبط وش يبون ومن شهر والا شهرين يتندمون على استعجالهم.. مدري وش في البنات هالايام مطافيق على العرس؟!! اللي كاتبه ربي بيصير بس بعد اعقلها واتوكل
والله يرزقني وباقي الغير متزوجات الرجل الصالح اللي يخاف الله فينا
واقول قولي هذا واستغفر الله لي ولكم