السلام عليكم و رحمة الله و بركاته
اخواتي ابيكم تساعدوني ، وتشورون علي بصراحة حاسة اني مو قادرة أفكر ...
من أول الكورس هذا خذيت مادة عند دكتور وانا عارفة ان مو زين بس كنت مجبورة لان محد منزل هالمادة غيره ، وموادي الثانية كلها متوقفة على هالمادة ، توكلت على الله وخذيتها ...
طبعا الدكتور هذا الله يهديه الكل يقول عنه (( مغازلجي )) وأغلب اللي ياخذون عنده بنات Free ، يعني يسولفون معاه ويضحكون ولا كأنه دكتور ، طبعا انا ما احب هالاسلوب و ليمن انا اتكلم معاه اتكلم معاه باحترام وما آخذ و اعطي معاه ، أسأله السؤال اللي متعلق بالمادة و يجاوبني على قد السؤال و اذا مزح معاي ما اعطيه ويه وكم مرة طنشته وجد افتشل ...
المهم قبل شهر قالي يا ...... ليش انتي دائما بروحك بالمحاضرة و ما تمزحين معانا ؟ قلتله ما يعجبني هالاسلوب ، هو عصب وما بغى يبين لي هالشي بس لاحظت عليه ، قالي تعجبيني ويعجبني اسلوبك ، طبعا هو حاول يجرني بالكلام بس انا قلتله دكتور لو سمحت عندي محاظرة و تركته ومشيت وهذا اللي خلاه يتنرفز و يعصب ...
في اليوم اللي بعده كان يمزح مع البنات وكل نظراته علي ، بصراحة ما كنت مرتاحة كان ودي اطلع ، فقلت له دكتور تبي تشرح و الا لا ، اذا ما تبي تشرح خلنا نطلع ، طالعني بنظرة استحقار و قال شوفوا المحترمة مو عاجبتها محاضرتي ، قلتله انا ما قلت ان مو عاجبتني محاضرتك بس انت مو قاعد تشرح وقاعد نضيع وقت على الفاضي ، قالي عيل ليش ماخذه عندي ؟ طبعا ما بغيت ارادده سكت ، قالي تقدرين تطلعين اذا انتي متضايقة من المحاضرة ؟ انا عرفت ان راح يسوي حركة اذا قعدت و راح يقول كلام لي يخلي الكل يضحك ، خذيت اغراضي و طلعت ، وانا طالعة قالي تتحديني ؟!! بصراحة نرفزني قلته بهدوء انا ما اتحداك لكن شوف معاملتك مع البنات وشوف معاملتك معاي ، قالي لو تصيرين مثلهم راح اغير معاملتي معاكي ، طبعا ما قلته شيء وطلعت من المحاضرة ....
ومرت الايام وهذي حالتنا رغم اني احترمه و اكلمه بأدب واحترام لكن ما يبي هالشي وانا مستحيل اني اكون مثل ما يبي ... فكرت اني اشتكيه عند ادارة الجامعه بس قلت حرام اقطع رزقه ، و ما قلت لابوي ولا لامي عنه لاني عارفة الوالد الله يحفظه اذا عرف راح يقلب الدنيا ... بس قلت لاخوي الكبير قال طنشيه و اذا ضايقك أكثر انا اتصرف ...
المهم كنت اسكت عنه و ما ارد عليه ولا اعطيه ويه ... المهم قبل اسبوع قالي تعالي المكتب ابي اتكلم معاكي بموضوع ، طبعا خذيت معاي صديقتي ورحت ، قالي ابي اكلمك بروحك قلت هذي مثل اختي و ما اخبي عنها شيء ، قالي يعني راح آكلك ، قلت لا بس انا ارتاح اذا معاي احد ، طبعا قالي ممكن نتكلم بصراحة ، قلته ايه تفضل ، قالي انتي ليش جدية وايد ؟ رغم اني اشوفك تكلمين دكاترة ؟ قلت انا عادية اتكلم مع دكاترتي لكن حدود الاحترام وكلهم اعتبرهم آبائي و اخواني الكبار واحترمهم واقدرهم ، قالي وانا ؟!! قلت انت بعد دكتوري وبمقام أخوي الكبير واحترمك لكن انت ما تعاملني باحترام ، طبعا سكت وقالي شرايك اعطيكي A ؟ قلتله شنو المناسبة ؟ قال اعتبريها هدية أخوة ، قلتله مشكور بس احب آخذ الـ A بمجهودي طبعا هني حسيته ما اتحمل كلامي وقال شرايك اعطي F هدية !! انا انصدمت بصراحة قلته على اي اساس تحط لي F اذا انا علامتي كاملة ، قال أقدر ، قلته اذا حطيتها راح ارفع عليك تظلم عند ادارة الجامعه ، ضحك قالي أكثر شي يعجبني فيكي هو تحديكي ، قلتله الله لك وطلعت وانا ابكي ...
باقي على امتحان هالمادة اسبوعين و انا مو قادرة ادرس ، كلما اتذكر اني درست وشديت حيلي عشان ارفع معدلي اللي كلما ينزل من الظلم اللي اشوفه من الدكاترة ، تضيق فيني الدنيا ... كل البنات يدافعون عن حقوقهم حتى بالدرجات يروح للدكاترة ويكلمونهم ويتهاوشون معاهم و يزيدونهم إلا انا لاني هادية مو راعية مشاكل ولساني مو طويل ..
وربي يا بنات صار لي اسبوع ما رحت الجامعه كثير من المحاضرات طافتني غير الغياب ، وربي اني مقهوورة و مخنوقة ، والله صار لي ثلاث ايام ما ذقت النوم ....
وكل يوم امي تسألني ليش ما تروحين الجامعه اقولها تعبانة بعدين صارت تقولي حاسة ان فيكي شي ، احد مسوي لك شي بالجامعه احد مضايقك اقولها لا ما فيني شي بس ما عندي شيء في هالاسبوع ، ودي اقولها بس ما أقدر يمكن لان الحواجز اللي بينا تمنعني ، رغم اني بنتها الوحيدة لازم اكون قريبة منها ، بس وربي حاولت ما اقدرلانها هي ما عودتني احسه ان صعب صرت اكذب واقولها اي شيء عشان كلما تسألني ، وربي تعبت عمري ما كذبت وانا اكره شي عندي الكذب ، وهذا اللي ضايقني اكثر ، امس رحت بكيت في حظنها و قلت لها يمه سامحيني وهي ما عارفة شفيني ... ما ادري اقول لاخوي الكبير ؟؟ يا جماعة قولوا لي شنو اسوي وربي مليت وضايقة فيني الدنيا ، وربي مو مرتاحة باللي قاعدة اسويه قاعدة اكذب على امي وهي قلبها يتقطع تبكي احاول اهديها تقولي اكيد احد مسوي لك شي وما تبين تقولين ، وغير الجامعه محاضرات مهمة قاعدة تطوفني و غير الغياب المتراكم ... تعبت من الجامعة قولي لي شنو اسوي ؟؟؟
*مرآة نفسي* @mra_nfsy
عضوة شرف عالم حواء
يلزم عليك تسجيل الدخول أولًا لكتابة تعليق.
معقووول هذه ( *مرآة نفسي* ) العاقلة الفاهمة تشكي مشكلتها وهي حلالة المشاكل ؟؟
عموما .. مشكلتكم بالكويت هي الاختلاط بالجامعات او تدريس الدكاترة الرجال لكم مباشرة بدون دائرة تلفزيونيه وهذا سبب مشاكل كثير للطالبات ومنها مشكلتك اختي الكريمة الاّ ما ندر من بعض الطالبات اللآتي يعجبن بهذا الشكل من الاختلاط والحريه فيه ! ! ..
هذا كلام منتهين منه ومفهوم و واضح للجميع
اختي
انت كل اللي عملتيه هو الصح وعين الصواب ويجب ان تعرفي ان الله لا يضيع اجر من احسن عملا ،،
حافظي على كرامتك وطريقك اللي تمشي عليه الان وحاولي ان تتحدي الصعاب وتقهريها وتقاوميها رغما عن انف جميع الدكاترة ..
انتي بتوفيق الله اولا ثم بمجهودك ومثابرتك ثانيا تستطيعين النجاح والتفوق بدون الحاجة لكلام معسول لدكتور ما حتى ترفعي معدلك ..
استمري بمنهجك السليم ولا تهتمي لأي دكتور طالما انك واثقه من مبدئك الصحيح حتى لو لم تتفوقي ..
اذا ضلمك الدكتور بشيء لا تستحقيه فله من الله ما يستحق في الدنيا والاخره .. و اما اذا نجحتي وتفوقتي فلا للدكتور اي ( منّة ) ولا جزاء في ذلك انما تفوقتي بمجهودك وحدك دون مساعدة من اي دكتور اخر ..
احب ان اضيف نقطة مهمة ..
عندنا في الدول الخليجيه خاصه والعربيه عامه الدكتور له سلطة على جميع طلابه اكثر من سلطة مدير الجامعه نفسه ! ! تخيلي ذلك ! !
صدقيني .. دعيك من شكواه لادارة الجامعه .. حتما سيعتبرونك انتي المخطئة وهو الصواب .. وربما يلفق اي تهمة انتي بغنى عنها وتؤثر على مستقبلك ..
اذا الشكوى لادارة الجامعه لن تفيد وهو يعلم ذلك شخصيا ..
اليك مثال .. صديق لي في جامعه الملك فهد للبرول والمعادن بالظهران .. بعد نهايه الترم حصل على درجاته ومعدله وتقويمة في المواد الذي اجتازها .. ولكن المفاجأة الكبرى انه وجد ان لم ينجح في اختبارات احدى المواد مما سبب انخفاض معدلة التراكمي .. ولكن في الحقيقة انه لم يأخذ هذه المادة ولم يسجلها اصلا في هذا الترم ولم تتدرج في موادة .. الا انه رسب فيها ..
اشتكى لمدير الجامعه ولم يفعل شيء .. ذهب لشئون الطلاب ولم يفعلوا له شيء .. وقالوا جميعا طالما ان الدكتور جعلك ( راسبا ) في هذه المادة فيجب عليك بالاخذ في كلام الدكتور وهذا يعتمد عندنا .. قال لهم ( اصلا لم اخذ الماده ولم اسجلها عندي ) قالوا له ( حتى ما لنا اي ذدخل في ما عمله الدكتور لك )..
انظروا قرار الدكتور اهم من قرار الامم المتحده ..
اخيرا ..
اهتمي بالامتحانات ولا تنظري لما يفعله الدكتور وان ( تمادى ) في تحرشاته بك وزادت تصرفاته الهمجيه عليك بالاغ اخوك الكبير او والدك ليقوما باللازم للحفاظ على ابنتهم ولحفاظ هذا المجتمع من هذا الدكتور ..
اتمنى من الله العلي القدير ان يوفقك في امتحاناتك والا يؤثر عليك هذا القلق في اي شيء انه سميع مجيب .. وتعوذي من الشيطان واذهبي للجامعه وكأن شيئا لم يحصل ..
امل ان توافيننا بالجديد
عموما .. مشكلتكم بالكويت هي الاختلاط بالجامعات او تدريس الدكاترة الرجال لكم مباشرة بدون دائرة تلفزيونيه وهذا سبب مشاكل كثير للطالبات ومنها مشكلتك اختي الكريمة الاّ ما ندر من بعض الطالبات اللآتي يعجبن بهذا الشكل من الاختلاط والحريه فيه ! ! ..
هذا كلام منتهين منه ومفهوم و واضح للجميع
اختي
انت كل اللي عملتيه هو الصح وعين الصواب ويجب ان تعرفي ان الله لا يضيع اجر من احسن عملا ،،
حافظي على كرامتك وطريقك اللي تمشي عليه الان وحاولي ان تتحدي الصعاب وتقهريها وتقاوميها رغما عن انف جميع الدكاترة ..
انتي بتوفيق الله اولا ثم بمجهودك ومثابرتك ثانيا تستطيعين النجاح والتفوق بدون الحاجة لكلام معسول لدكتور ما حتى ترفعي معدلك ..
استمري بمنهجك السليم ولا تهتمي لأي دكتور طالما انك واثقه من مبدئك الصحيح حتى لو لم تتفوقي ..
اذا ضلمك الدكتور بشيء لا تستحقيه فله من الله ما يستحق في الدنيا والاخره .. و اما اذا نجحتي وتفوقتي فلا للدكتور اي ( منّة ) ولا جزاء في ذلك انما تفوقتي بمجهودك وحدك دون مساعدة من اي دكتور اخر ..
احب ان اضيف نقطة مهمة ..
عندنا في الدول الخليجيه خاصه والعربيه عامه الدكتور له سلطة على جميع طلابه اكثر من سلطة مدير الجامعه نفسه ! ! تخيلي ذلك ! !
صدقيني .. دعيك من شكواه لادارة الجامعه .. حتما سيعتبرونك انتي المخطئة وهو الصواب .. وربما يلفق اي تهمة انتي بغنى عنها وتؤثر على مستقبلك ..
اذا الشكوى لادارة الجامعه لن تفيد وهو يعلم ذلك شخصيا ..
اليك مثال .. صديق لي في جامعه الملك فهد للبرول والمعادن بالظهران .. بعد نهايه الترم حصل على درجاته ومعدله وتقويمة في المواد الذي اجتازها .. ولكن المفاجأة الكبرى انه وجد ان لم ينجح في اختبارات احدى المواد مما سبب انخفاض معدلة التراكمي .. ولكن في الحقيقة انه لم يأخذ هذه المادة ولم يسجلها اصلا في هذا الترم ولم تتدرج في موادة .. الا انه رسب فيها ..
اشتكى لمدير الجامعه ولم يفعل شيء .. ذهب لشئون الطلاب ولم يفعلوا له شيء .. وقالوا جميعا طالما ان الدكتور جعلك ( راسبا ) في هذه المادة فيجب عليك بالاخذ في كلام الدكتور وهذا يعتمد عندنا .. قال لهم ( اصلا لم اخذ الماده ولم اسجلها عندي ) قالوا له ( حتى ما لنا اي ذدخل في ما عمله الدكتور لك )..
انظروا قرار الدكتور اهم من قرار الامم المتحده ..
اخيرا ..
اهتمي بالامتحانات ولا تنظري لما يفعله الدكتور وان ( تمادى ) في تحرشاته بك وزادت تصرفاته الهمجيه عليك بالاغ اخوك الكبير او والدك ليقوما باللازم للحفاظ على ابنتهم ولحفاظ هذا المجتمع من هذا الدكتور ..
اتمنى من الله العلي القدير ان يوفقك في امتحاناتك والا يؤثر عليك هذا القلق في اي شيء انه سميع مجيب .. وتعوذي من الشيطان واذهبي للجامعه وكأن شيئا لم يحصل ..
امل ان توافيننا بالجديد
ألف شكر لكم ، رفعتوا لي معنوياتي ...
اروح اصلي ركعتين تهديني واروح الجامعه لان عندي محاضرة متأخرة بعد شوي ، واذا جيت ارد عليكم ان شاء الله
ادعوا لي يا جماعة الخير و الله مالي نفس اشوفه بس الله كريم ...
اروح اصلي ركعتين تهديني واروح الجامعه لان عندي محاضرة متأخرة بعد شوي ، واذا جيت ارد عليكم ان شاء الله
ادعوا لي يا جماعة الخير و الله مالي نفس اشوفه بس الله كريم ...
يابعد عمري يامرآة...ماتستاهلين اللي يسوية فيك..وربي ماعرف قدّرك..الله لايقدّرة..
ياقلبي....أنسي هالدكتورووجودة..ولا تحطين لة أي أعتبار..ترى فشلك نجاح لة..
لاتخلينة يستمتع ..ذاكري وأجتهدي وأهتمي في نفسك..
وربي ماراح يضيعك أبد..وراح يعطيك على قدّر نيتك..
راح أدعي لك في صلاتي وماراح أنساك..بس أوعدينا تطنشينة..
يالله ياربي تشغل هالدكتور في نفسة وتوفق أختي وتفرحها بدرجات عالية..
وتوفقها دنيا وآخرة
ياقلبي....أنسي هالدكتورووجودة..ولا تحطين لة أي أعتبار..ترى فشلك نجاح لة..
لاتخلينة يستمتع ..ذاكري وأجتهدي وأهتمي في نفسك..
وربي ماراح يضيعك أبد..وراح يعطيك على قدّر نيتك..
راح أدعي لك في صلاتي وماراح أنساك..بس أوعدينا تطنشينة..
يالله ياربي تشغل هالدكتور في نفسة وتوفق أختي وتفرحها بدرجات عالية..
وتوفقها دنيا وآخرة
الصفحة الأخيرة
اختي العزيزه مرآة نفسي..
لايضيق صدرك عمري انت انسانه مثاليه وشخصيتك قويه ..
واخلاقك رفيعه فلاتخلي اي احد مهما كان ينال من نفسيتك او شخصيتك ويخليك تتنازلين...
اول شي امك المسكينه فهميها الموضوع لأنها والله اعلم مهولته في ذهنها..
واكيد قاعده تفكر انك متعرضه لشيء مخيف ومهول ..
بالنسبه للدكتور اللي ذكرتيه الله يكفيك شره بما شاء..
وياكثر اللي مثله ياأختي..
انت ذاكري وابذلي جهدك واستعيني بالله وماراح يخيبك ربي..
واذا طلعت النتيجه وطلع ظالمك فيها ..فأحسن حل انك تقدمين شكوى
عليه للاداره واحسن مافي الموضوع ان زميلتك حضرت الموقف وتقدر تشهد معاك..
وبعدين وشو تقطعين رزقه؟؟
هذا خطر على بنات المسلمين وفصله يمكن يكون فيه راحه لناس كثير..
والله قلوبنا معاك وبندعيلك لكن انت ارجعي مرآة نفسي القويه الصامده وتحدي كل
الظروف والله يوفقك..
ملاحظه:
امانه قومي علمي امك قلبي يتقطع عليها..