والله يا فتون انه الاخوات يحاولون بشتى الطرق .... وان شاء الله خير ...تعرفين بعد ما يستوي بدون اعلانات ...اتخيلي ما حد يعرف عن المعرض

خلونا نتكلم بحدود المتواجد حالياً

- نتفق مع منتدانا بانه يرسل اعلان لجميع العضوات عن طريق الرسائل الخاصة
- نتفق مع المنتديات الثانية بالتعاون معاكم
- تنزلون اعلان بسيط جداً جداً باللون الابيض واسود في الجريدة عشان ما يكلف وايد
- ترسلون خطاب رسمي للتلفزيون برعاية الحدث
- رسالة لدبي اف ام او غيرها من الاذاعات
- المدرسات: يتعاونون معاكم يعلنون عن المعرض وتوزيع البرشورات على الطالبات والمدرسات
- طباعة البرشورات وتوزيعها على الصالونات ..

بعدين ماشاء الله المنتديات صارت اسهل طريقة لتوصيل الاعلانات

فكرتج وايد حلوه اختي فتون
واللي فيه الخير الله بيجدمه ان شاء الله

انزين القاعات احيدها مجانيه ليش صارت بفلوس.............
اوكي لو انا سالت عن قاعة في العين وطلعت ارخص شويه
بتسوون المعرض في العين ؟؟

حبيبتي الغلـا شكلهم ما صدقو ...شافو حد بيسوي عندهم معرض قالو نبط بيزات....اتخيلي هم في البداية قايلين 200 درهم على كل طاولة و الدعاية عليهم ...بعدين لما شافو انه عدد الطاولات وايد ياهم الطمع و قالو 10000 درهم بعدين ردو قالو 12000 درهم ...ولمل شافونا بنهون ردو قالو 10000 درهم و الدعاية عليكم