موضوعك رااااائع ياالحبيبه
وبصراحه انا مهتمه جددددا بالموضوع بس للاسف ماعندي اي طريقه موثوق فيها ....
واتمنى احد يساعدني

هلا والله بـ هوى العين دار الزين
يعني تأكدين على سالفة المشيمة.... بس انتي معاي انها مستحيلة
تصدقين انا اشوف دم الوطواط اهون!!! بس عاد وين نحصل الوطواط؟؟
اما الرماد... فاللي اعرفه اظن انه تستخدمين الرماد دوم الين يخف الشعر... بس ما كنت اعرف انها لليهال
مشكوة عالمشاركة

الغالية ميلودي
الحين فهمت.... يعني نشتري هالمناديل ونخليهن على طول في الحمام (عزكم الله) ونخلي البنات يستخدمونها دووم... صح
بالنسبة لخلطة ام راكان ... وانتي صاجة
تعرفين بحاول اعدل المشاركة ... واضيف تنبيه انها لليهال الكبار شوي .... فوق السنتين
ما قصرتي فديتج

هلا عيوني سبائك العسجد
نورتي الموضوع عيوني
زين والله اكدتي سالفة البرد؟؟؟ بس سؤالي ..... الثلج ما ينفع؟؟
يعني انا دوم افكر ... ان اهل اول ما كان عندهم ثلاجات ولا فريزرات يعني ما عندهم ثلج..... يعني ما يعرفون غير البرد
يمكن لو جربنا الثلج ينفع ..... ولا شو تقولون؟؟؟
اقول نجربها عالاولاد.... علشان لو فشلت.... no problem !!
مشكورة سبوكة عالمشاركة القيمة
وعسى نلحق نحن اللي فاتنا
وان شاء الله نعوض في بناتنا اللي بعدهن ما وصلن!!


الواحة الخضراء
مشكورة على التحذير
بس انا اشوف ان الرضع ما نحطلهم شيء..... غير وصفات منع الشعر هذي استثناء
لكن العناية بالجسم ولون الجلد يبدا بعد ما يصيرون اليهال يلعبون ويراكضون...... هني لااااااااازم ولااااااااااااابد وحتما يبدأ الاهتمام
مشكورة

هلا وغلا ام انوش ((من صدج الحين أنوش))
حبيبتي اسمحيلي استفسر منج
نييب نخالة العيش... يعني العيش نفسه ولا شو...... وبعدين نسويها مرة وحدة او نتم عليها فترة؟؟
بعدين على طاري الاندونيسيات
يوم سألت شغالتنا وهي شعرها خفيف.... قالت هم اصلا يحبون الشعر ... تعيبهم الوحدة اللي فيها شعر =====> عافانا الله
ومشكورة الغالية على التنبيه والمشاركة

pink_rose
مشكورة عيوني ما قصرت....
وامحيلي بعدني بثقل عليج....
يعني يسوونها طوول الاربعين... او اقل... او اكثر؟؟
ماشاء الله عليهم الباكستانيين
شكله كل الناس عندهم طرق يريحون عيالهم من هالهم الا نحن.... حليلنا

صافيناز2000
مرحبتين الغالية
وجودج في الموضوع كافي...... ومشكورة على رايج في الموضوع
ونحن قصدنا نفيد ونستفيد من بعض

الشعر
من مشاهداتي الواقعية
فيه بنية صغيرونة يوم انولدت كان شعرها ملولو بالقو..... ولونه باااااااهت ....تقولون رمادي مب اسود
شو سوت يدتها (الله يعطيها العافية) كل يوم كل يوم تدهن شعرها بالصبار
والصبح تسبحها وترد تدهنه على طول وتعقصه (يعني تظفره)
ويوم خلص عليها الصبار حولت على النارجيل يوميا على هالحال
بس ما شاء الله على شعرها..... صار الطول والكثافة واللمعة صايرة البنية عسل

والا شو رايكم؟؟؟؟

الرموش

هذي المعلومة خذيناها من حرمة ماشاء الله عليها راعية خبرة
قالت لنا: يوم تقصون رموش البيبيات وهم بعدهم في الاربعين تطول....
ومو تقصينها مرة وحدة...... اتمين تقصينها طول الاربعين... واذا بغيتي بعدها عادي..... وانا شايفة رموش عيال بنتها ماشاء الله ما عليهم كلام

قمنا نحن جربناها في بنات اخوي الثنتين
والنتيجة

رووووعة
الاولى ما شاء الله رموشها غدت طويييلة وسميكة وحلوة
الثانية ...هه اقل من اختها بس بعدهن اطول من المعتاد في بيتنا

المعلومة الثانية
هذي خذيتها من نجلاء (( اكيد كلكم تعرفون نجلاء===> NAJALA ))
قالت انهم من يوم صغار يدهنون رموشهم بزيت الخروع المخلوط مع نوى التمر
بس نوى التمر يكون محروق في الفرن ومطحون نااااعم

وسلامتكم هذا اللي عندي
واذا لقيت زود اكيد بخبركم

سمعي أختي حبيبتكم..
بالعكس اسالي على راحتج.. انا كأختج.. ما ثقلتي على ولا شياته حبيبتي :)
سمعي هاي القصه.. .. .. ..
ولد خالتي يوم انولد كان شكله اتقولين خروف مب ياهل.. جسمه مليان شعر.. وحتى ويهه.. وهذا الشي غير طبيعي.. فقامت يدتي (الله يرحمها) بعمل هاي العجينه نسيت اقولج العجينه مكونه من ( طحين رقم 1+ حليب+ شوي السمن) يعطني قطعتين.. وهاي الطريقه.. يبالها شد حيل وقوه.. فقامت ودلكت جسمه وادلك وادلك.. وعلى فكره اذا استخدمتو هاي الطريقه على الوجه أمي تقول لا ادلكون العجينه للتحت يعني مب اتشدين الويه لتحت لانه مع الايام الويجه بيكون نازل ( مدلي) لازم اتشدينه لفوق.. يعني شد شد بقوه.. عشان تجيبين نتيجه.. مب اتشدين وتكسريله عظامه؟؟
لحظه بسال امي كم يوم يباله....




















أممممم اتقول لج..
4 او 5 او 6 وأحسن ان طالت المده ل 8 تشهر.. حتى يصير عظام الياهل قوي..



وخبرتني شي غريب قلت بخبركم عشان تستفيدون..
1- عشان تخفيف ظهور الشعر في الاماكن الحساسه والباط.. اول ما يولد الياهل ( أول ما ينزل من ثدي الحرمه من حليب يكون لونه أصفر) تنظف فيه هذي الاماكن..
2- وتقول في فترة الحمل يجب على الام أن تكثر من شرب حليب طازج+ تكثر من الفواكه والعصاير الطازجه= تكون حالت الطفل والام حاله صاحيه..
3- من فتره الشهر التاسع تمشي ساعه او نص ساعه= يسهل لها الولاده ولا تتعب كثير..
4- في ال40 يوم تبتعد الام عن الروب+ عدس+ غازات+ دجاج+ بصل+ ما بارد..
5- تشرب الماء وهي جالسه وتشرب ماء دافئ..

وادري في بنات بيستغربون من كلمة الياهل او اليهال بترجم هههه يعني طفل اطفال..


شكلي طلعت من الموضوع الطفل ودخلت في موضوع الام ههههههه المهم الكل يستفيد وامي تقول كتبي لهن هذا الكلام عشان يتسفيدون :) أدعو لامي ولي بعد لا تنسوني ههههههههههه ( طماعه)