ام الدانه شوفي اختي اول شي تقولين لصديقتك هذا زوجك يعني شي تمتلكينه ولاتفرطين في شي لك ولاتتنازلين عنه لااحد غيرك ولاترضين تكونين الخسرانه واللي يكلمها هي الرابحه هذا شي. يكلمها من شهر العسل يعني كان يعرفها من قبل يعني لوكان يبغيها ماتزوج صديقتك ولو كان يبغيها ماتمسك بزوجته سنتين .يعني هذي هي اللي تلاحقه وتبغي يترك زوجته بس مش قادره . وهذي نزوه وبيتركها بس لاتجلس تناجره في الداخله والطالعه تحاول تتجاهل شوي وتهتم بنفسها ونفسيتها بعد لانه ممكن مع النجيره يطفش ويسير عند اللي ماتناجره ............!
تصبر وتحتسب انه اللي يسويه زوجها ابتلاء وتدعي له بالهدايه وتعلمينها هذا الدعاء ( اللهم سخر لي زوجي اللهم احفظ لزوجي بصره وبصيرته )
ولاتحاول تدخل احد في المشكله لانه بيعتقد انها تخوفه بااهلها مثلا.
لاتترك بيتها وكل يوم تروح بيت اهلها خله يحس انه في احد في البيت ينتظره لانه اكبر غلط تترتكبه الوحده كثرة ترك البيت . تحاول اذا كان طالع تتطلع معاه حتى لو بيتمشى في السياره .
اذا كان بيسافر تسافر وياه . في الليل لاتنام قبله
لانه شوفي هذا واحد مدمن تيلفون وهي تحاول تعالجه لما يتعود عليها بينسى التيلفون !!!!!!!!!!!!!!!
تفتح معاه مواضيع حلوه نكت قصص اخبار سمعتها بهذي الطريقه بيكون فيه امل انه يتعلق فيها ويرجع ويتوب وينسى اللي في التيلفون اما بالضرابه والمشاكل صدقيني مابتنحل المشكله وبعدين الشيطان شاطر يفرق بين المرء وزوجه .
وخلها تتمسك بزوجها ولاتشمت فيها الاعداء !!!!!!!!!!!!!!!!!