موضوع مهم ممكن تدخلون ....

بسم الله الرحمن الرحيم


السلام عليكم ورحمة الله وبركاته ....

كيفكم يا عالم حواء ....


حبيباتي انا بدخل بالموضوع على طول وبالعاميه عشان الكل يكون سهل الكلام ....


انا بنت عمري 23 سنه ....انا حبيت اقولكم عمري عشان ماحد يحسب الموضوع الي بتكلم عليه اصغر مني بكثير لااا هو حول عمر ي وعمر كثير بنااات ...


موضوعي عن بناتكم وخواتي وصديقاتي ومرحلة المراهقه ....


انا عندي بلاك بيري وعندي اضافات كثير وطبعااا اكثر الاضافات من فئة المراهقه يعني صغار ...

بسس والله العظيم يا بنات ان كثير كثيير كثير ...امهات مايعرفون عنهم ابدا وخواتهم ابداااا ....


الي الحب بين البنت والبنت الكل يعرف ماجبت شي جديد بسسس ال بجيبه لكم ابغ بس تلاحظون كيف وصل مرحلة الحب بينهم لدرجة ان الوحده تجرح يدها بابره واذا سالتيها قالت عشان اثبت للي احبها اني فعلا اموت فيهاا


اقسم بالله يابنات كثير بنا عندي اتعمد اسالها اذا شفتها حاطه صورة يدها مجروحه اقولهااا سلامات تقول الله يسلمك اقولها ايش فيك ...تقول ولا شيء انتي تحبين ..اقولها لااا ...لان ماحب اهز عرش الرحمن ...

قالت : اهاا عشان كذا ....وداىما اناقش كثير باللسته عن الموضوع هذا ...وبالنهاية بنااات كثير يقتنعون بكلامي


يعني وحد والله الذي لا اله الاهو ...ذاك اليوم تراسلني تبغى تستشيرني قلت نعم وسالتني عن عمري قالت حلو اكبر مني لان صغيره هي ...

المهم قالت وش رايك بالحب وبديت اسولف معها عن الحب اذا كان بين زوجين وبالشرع حلووو اما بغير الاطار هذا مو حلوو وااقشها باسلوب يناسب عمرهااا

قالت انا ابغى احب بنت مو ولد ....وقلت لها وش تستفيدين بنهاية الحب الا شيء واحد هزيتي عرش الرحمن واغضبتيه ....وهل في احد يستاهل وقلت لها انا ترى مو ملتزمه ولا شيء ...بس في اشياء بالعقل وفي اشياء لها حدود يعني احب بنت ليش ...ليش ما تصير صديقتك ...قالت ماينفع قلت ليش ماينفع تراها بنت مثلها مثلك ...

والحمدالله قلت لها حطي ببالك شيء هز عرش الرحمن مو شيء سهله وطلبت منها تروح تستشير صديقاتها

واذا رايهم احسن من راي تعالي قولي لي ...قالت طيب ...وانتظرت شوي رجعت ..قالت ماقدر ...قلت لهاا انتي ماشاءالله فيك خير والدليل انك مانتي قادره تتجرءين وتصلحينهااا بالعلم ان صديقاتها كلهم كذا ....

ووشوي قالت انا من مكه قلت اجل انتبهي اكثر واكثر انتي بيت الله الحرام ...والحمدالله اقتنعت

الشاهد من القصه هذا هذا وحده ضحية شافت صديقاتها قالت بطبق يعني شيء يحزن والله ...


موقف ثاني هنا انا والله ثم والله انصدمت ....اختي بالمتوسط ومعها مجموعة بنات صديقاتها الحمدالله فيهم الي كذا وفيهم الي كذا ....

من ضن وحده من صديقاتها اضفتها عندي ....ومع الايام شفت صورها بالبي بي ...قمت نصحتها ...واقتنعت وصارت ماتحط ..

مو هنا المشكلة المشكله مع الايام ....اتفاجاء اختي تجيني تبكي وهي كانت تتراسل بجوالي مع صديقاتها
واختي هذا مشكلتنا معها انها كتومه مرره ماتقول بسرعه ...الا لوحده من خواتي بسس ...

ذاك اليوم اعترفت قالت ان صديقتي الي اضفتيها عندك ان هذا ثانيه مره بالمدرسة قامت قطعت يدها للبنت الي تحبها ..لان الي تحبهااا قبل جاءت واعترفت لصديقتي عن حبها وصديقتي رفضي بالبداية قامت البنت وقطعت يدهااا والحين صديقتي تبغى ترجع لها ولازم تثبت لها لان هذا رفضت ..وتقول اختي كانت قريبة من العرق ...

وهذا مو كلام اختي بس لااا انا صديقات اختي معي اشوف يوم يرسلون مع اختي ( صحح اكثركم يشوف ان حركتي لقافه او شيء غلط ادخل على محادثاتهم بسس للامانه انا مقصدي احب اشوف اختي كيف ومع مين لان الزمن يخوف )

المهم بعد يومين من المشكله اكتشفت ان البنت صديقتي اختي بنت مدرسة كانت تدرسني ايام المتوسط وكانت هذا المدرسة وش اقولكم عنها قمة الاحترام والاخلاق والدين مرسة ماشفت مثلها خاصه انا يعني كان لها اثر بحياتي وقفت معي مره بمشكلة خاصه فيني ...عشان كذا اعزها ...

وانا انصدمت رحت اسال اختي فعلا هي بنت الاستاذه الفلانيه قلت طيب تدرين عنهاا قالت لااا قلت كيف قالت هي تخبيء عن امهاااا وقدام امهاا ولا شيء قلت ويدها مومعقوله ماتشوفها قالت اختي تقول انها تخبيهاء بالملابس ...


يالله يعني مدرستي الغاليه ماتدري عن بنتها شفت ان مو اللوم على الامهات والاباء لااا والله يكونوا في غفله والبنات يتغفلونهم بعد ...

ومواقف كثيره كثيره تصير ...انا ماطلع نفسسي انا وخواتي وان احنا افضل شي ء لا والله بسس انا اشوف الي حولي ...

بس جد والله نفسسي كل ام او مو شرط ام كل اخت لان الاخوات اقرب لبعض ...يفهمون لبعض تشوف اختهاا خاصة المراهقه والله هم بغفله بس يحتاجون توجيهه ...

ما اقول بس فئة المراهقه حتى معي بالكلية اشوف بنات وكذا البويات ...بسسس مانقول الا اللهم نسالك الثبات لان الواحد مايعرف ايش يصير بكره ممكن اانا اكون مكانهم ...

ومن ناحية الميول الي طايحين فيها للكوريين ...وتقليد اعمى مممرره ..ومن ناحية الصور الي تنعرض في البي بي ...

والله صار موقف ذاك اليوم من ضمن اللسته كان وحده يلعبون لعبة الي هي اللسته ترسل صوره لوحده وتحطها بالعرض حقتهاا واللسته حقتها يبدون رايهم فيهااا ...وهي تتكتب رايهم بالبرسونال حقهااا ...

والله اقسسم بالله منظر يحزن يحزن ..لان وحده من الصور كانت بنت وراها امها واضح مو عارفه احسس ...

وحزنت ممممره ..وارسلت انا وصديقتي للبنت هذا الي جالسه تلعب اللعبة هذا على فكره عمرها 15 لحظتوا الاعمار ...ان تر بتنشر الصور وكذا حرام قالت لا تخافون انا كاتبه ماحلل


والمهم مرت الساعات اقسسسم بالله اشوفها كاتبهاا يابنات بليز الي حفظت الصور ترجعهاا ولا تجلس تهددني فيها ..ارسلت الله يصلحك هذا الي كنت خايفة منهم صور البنات انتشرت على للستتك ...صح الغلط مو منك منهم....بسس الله يحفظهم ويحفظك ...

والله معي باللسته ماشاءالله بنات مراهقات بسس عقول ماشاءالله احسها اكبر مني لدرجة استحي منهاا تذكير بالصلاة وحتى صورهم محترمه جدااا ...

يعني والله صار الموضوع جداااا عاادي ...لدرجة يجيني بي سي ..ان لوسمحتوا انا ابغى خويه مواصفاتها كيوت نعمومه بيضاء وجميلة ...واقسم بالله صار بالطلب ...

وكثير وكثير والله لو اكتب بسس الي اشوف باللسته حقتي ماراح يكفي بالموضوع ...

من غير صور العرض الي مليانه قلة ادب وحياء والاهم انها حرام ....ومن غير والله اشياء وكلمات تخدش الحياء ...

يعني صديقتي ذاك اليوم تراسلني مصدومه بقوووه ...تقول مسستحيل الله يصلحهااا وارسلت لي الي ارسلته وحده باللسته عندهااا ....

كاتبه بنات انا في واحد معي باللسته بس بينا كلمات وصباح الخير ومساء الخير وتعيق على البي سيات وهو انسان محترم وذوق ...وانا بديت اعجب فيه ....

وفي واحد ثاني احبه واموت فيه واعشقه واشوف (تقصد ان قريب لهم ) بسس هو مايدري عني ويعاملني عادي جداا ولا حاس بالي فيني

وفي واحد لا هو يمووت فيني ويعشقني بس انا معتبرته صديق لااكثر ولا اقل ...وش رايكم اختار مين من بين الاثنين الاخيرين ....

(انا قلت لصديقتي ممكن تستهبل ...قالت لاا جد لان انا اعرفهااااا ....للعلم عمرهااا 16 ...هذا الي خلاني اعرف انها تشوف الي تقول تحبه لان سنة مراهقه )


وبعض الصديقات موضوع الصور عادي جدااا عندهم تطلب صديقاتها صورتها ترسل حتى لو ثقة لاحد يرسسل بكره زعلت عليك ولا شيء

بتروح تهددك بالصور ...انسرق جوالهاا ...اخذ جوالها اخوها ذاك اليوم ....خلي انتي جوالك لاتصورين فيه في كاميرات ...وتنحفظ بالبيت ...بس الجوال لاا

والله وحده اعرفهاا معرفه شخصية وعمرها 37 كبير تقول ذاك اليوم امشي عند البنك معها شنطتهااا وفيها 3 جوالات ماشاءالله تقول كلهاا صور لي ولخواتي وبنات اختي ...وتقول يجي واحد بالدباب مره بقووه سحب الشنطه ..وتقول رحت بلغت وعلمت اخواني لان هي مومتزوجه ...وتقول الله يستر بسس ...

والله انا هدفي من الموضوع الكل ينتبه بس يراقب مراقبه بسيطه لان اوقات يحزنون يحتاجون استشاره يضطرون يرسلون للسته ...

او يرحون لصديقاتهم او او ...

اتمنى اسلوبي مايكون ضايقكم ...انا حبيت اكتبه لان فعلا صرت احزن على البنات وماقول الا الله يثبتنا ويصلحنااا يارب

انتبهوا انتبهوا حاولوا تقربون من بناتكم تفهمون وش يقولون لكم ....يعني في نظام حلوو تعالي قولي لي حتى لو خطاء قولي ...يعني خليهاا تقولك الي بخاطرهاا حتى لو خطاء لا تبدين تهاوشين وتصارخين عليهااا

قولي اهاا ايووه لااا ....حسسيها وهي تقول السالفه عادي ...[بعد ماتنتهي ابداي ناقشيها بهدوء وقولي لها وش رايك بالموضوع الي قلتيه خليها تبدي رايهااا واذا خلصت قولي انا طيب بقول راي ...وحاولي تقنعينهاا يعني دائم اذا جيتي تناقشينهاا

قولي لهاا اذا اقنعتيني لك الحرية ...وانتي حاوريها وناقشيهااا ....بيطوول الحوار بينكم بسس اهم شي بدون عصبيه ولا انفعاال ...معك تتناقش احسن من تتناقش مع صديقاتها او احد ثاني ...


حتى الي بالكلية يعني فيه ابنات الله يهديهمم ..بسس مادري المرحله هذا الصراحه انا ماعرف لان الصراحه اشوف غلط الي يصلحونه بس ماقدر اتفاهم معهم ولا اقولكم كيف تتعاملون معهم الموضوع يحتاج وحده اكبر مناا بالعمر تقدر تقولكم كيف تتفاهمون معهم ...

وموضوع الايمو كثييييير طايحين فيهااا قبل اختي بدت فيهاا قصة غريبة وتبدا تحط على وجهها والاسوار غريبه والاشياء غريبه ....

واحنا ماكنا نعرف ...الحمدالله اخوي من النوع الي يقرا كثير وانتبه وجاء يكلمنا انا وامي وخواتي وقال انتبهوا لاختي ترى تصرفاتها مو حلووه ...صارت تحاول تحط شخصية مو هي شخصيتهاااا ابداااا

يعني صارت تحاول تنعزل ولبسها غريب ...الحمدالله الله يجزاه خير اخوي نبهنا وقدرنا نتحكم بالموضوع من بدايته ....وحاليا الحمدالله ...


تكفون ...بناتكم امانه برقبتكم لبسهم ...جوالاتهم ...عبايتهم ..واحتشامهم الكلام هذا لي قبل لا يكون لكم ....

وبالنهاية لاتنسوون الدعاء للبناتكم وذريتكم ان الله يحفظهم من كل مايغضب الله وحرام ...


واسفه جدااا موضوعي ممكن يضايق الكثير او اسلوبي بسس انا والله ححبيت انبهه الكل لان الواحد يكون مايعرف ...واتمنى ماحد ياخذ الموضوع ان تعقيد وان حرية وان الكل كذا ...


اسال الله ان يثبتنا ويثبتكم ويهدينا ياارب ويحفظنا يارب ...


والسلام عليكم ورحة الله وبركاته