موضوع نسائي .لذيذ ومسلي ودردشه جماليه.

السلام عليكم ورحمة الله وبركاته.وحشتوني يا احلي بنانيت.بقالي فتره طويلة جدا منزلتش مواضيع في المنتدي .كنت يتابع من بعيد لبعيد كل فتره بس زعلانه ان مبقاش في مواضيع مميزه وتجذب زي زمان .يعني مثلا ملقتش مواضيع عن استعداداتكم للوك معين وعنايه معينه للعيد .عندكم افراح ومناسبات في العيد أو غيره وحابين تنوروا اليوم ده وتكيدوا الاعادي هههههههههههههههههه..ان واحده تحكي انها كانت في مناسبه وشافت واحده كانت تعرفها وهي صغيره وكانت سوداء.وشعرها خشن ومش حلوه ومعرفتهاش من بياضها وجمالها وحتموت وتعرف سر تغيرها وتدخل تسألنا وهي متغاظه وتقولنا تفتكروا ايه سر بياضها وتغيرها.والله كلها مواضيع كانت مسليه وتموت من الضحك.بتخلي البنات تفضفض وتطلع الي جواها والبنات يفيدوها بوصفات وخلطات.موضوعي النهارده متنوع .حنتكلم عن ازاي نلاقي حل للكلف بتاع الحمل. والاماكن المتضرره منه .بعد ما كانت الأماكن دي منوره من بياضها والواحده تتباهي بيها بقت سوده ومعفنه ومينفعش معاها حل حاليا عشان فترة الرضاعه.وحنتكلم عن طقوس البنات في العيد لما يروحوا زيارات أو لما يروحوا مناسبات أو افراح ويلاقوا البنات والستات عاملين في نفسهم البدع ومحلويين ومنورين ومتغيريين ويبقوا حيجرالهم حاجه من الغيظ والي تغير في نبرة صوتها وتدعي الرقه والنعومه عشان تنخطب والي تعمل نفسها كيوت .ورسم وتخطيط البنات عشان ينخطبوا أو عشان يغيظوا ويفرسوا بعض.وحنتكلم كمان عن لو أنتي في مناسبه أو تجمعات زي الي اتكلمنا عنها لو رقبتك مثلا فيها كلف ومينفعش دلوقتي تعالجيها عشان متضرش الرضاعه.هل في كريمات تبييض موضعي تندهن بيها الرقبه تعطي ضي ابيض بس مش كريم أساس لانه لو تندهن بيه مكان مسمر بيزرق البشره وبيخليها ابشع وانيل .أنا بتكلم ان في كريمات بشره لما تحطيها تحيي انها مبيضاكي مؤقتا لحد ما تغيبي وشك يرجع للونه الطبيعي .لاني بجد عارفه قيمة الرقبه البيضاء .والله يا بنات أنا كانت رقبتي شديدة البياض .ابيض حاجة في جسمي كنت لما ألبس في بيتي عباية استقبال قدام ضيوف جم عندنا مهما كان لونها كانت بتبقي منوره .والله كانوا يقولولي احنابنحب اللون الاصفر الكناري والفوشيا والروزات والبينكات عليكي .حببتينا في الالوان دي بس يا خساره لما نيجي احنا نلبسها بتخلي رقبتبنا سودا فحم علي الرغم من انهم والله يا بنات بيض بس متحسوش انهم مميزين ببياض رقبتهم.ومش مميزين برسمة رقبتهم.فكنت عارفه أظهر الجميل فيا والمميز فيا وهي دي الشطاره انك تظهري اجمل مافيكي ولو في عيوب أو ديفوهات ازاي تداريها وتخفيها وده برضو حنتكلم فيه.مستنيه مشاركتكم الي اكيد حيكون دمها خفيف .ومستنيه حكايتكوا ومواقفكم الطريفه في الاعياد والتجمعات والافراح.مستنياكم يا بنوتات