****موضوع هام جدا تغفل عنه الكثيرات****

:21::27::21:
السلام عليكم ورحمة الله وبركاته

أخواتي حبيت أنبهكم لأمر مهم

وهو المبالغه في أسعار الملابس وحتى الأحذيه((أكرمكم الله)) والمكياج.....إلخ وأغراض التجميل عموما

فمثلا أنا حضرت عرس وحده من القرايب العروسه كانت لابسه فستان بـ30 ألف ريال وسوته عند مصممه مشهوره والفستان مو ذاك الزود ومثل تصاميم الغرب طيب ليش كل هذا التبذير فستان لليله وحده بذاك السعر والله30000 تقدر تشتري لها هدوم وذهب وكل إلي تبيه بسعر معقول
لا وإلي مشتريه تنوره لوحدها بـ500 ريال وإلي مشتريه قميص نوم فوق الألف وفستان السهره إلي تزيد قيمته عن 5000 ولا الشنطه إلي بـ 1000ريال والجزمه إلي 1500 وإلي تروح عند كوفيره وترمي عليها إلي تقدر عليه عشان صبغه مصيرها تروووووح وإلي تدفع 500 ريال في مكياج راح ينمسح وتسريحه أول وتالي راح تخرب وغيره وغيره لييييييييييش كل هذا وفي ناس مو لاقيين اللقمه :44::44::44:


تجملي وتسنعي وصيري أحلى وحده بس بأسعار معقوله ممكن يتقبلها العقل

للأسف في ناس يعتقدون إن الأشياء الغاليه هي الحلوه وإن الناس الي يشترون من الأسواق الرخيصه ماعندهم ذوق وينظرون لهم بإحتقار

أنا أعرف ناس مايروحون إلا ماركات عالميه وغاليه لكنها معظم الأحيان تكون أغراضهم مو حلوه أبدا
وناس ماتروح إلا أماكن رخيصه ومع كذا لبسهم هم وعيالهم ماشاء الله يهبل

أنا عن نفسي أشتري بأسعار رخيصه أو متوسطه طبعا أحرص يكون نوعها كويس
وشكلها حلو والحمد لله ملابس السهره عندي ماتزيد عن 500 ريال ودايما تعجب الناس ويسألوني عن مكانها

يعني المسأله في النهايه مسألة ذوق

أسفه طولت عليكم

انتوا إيش رايكم يعني هل تشترون مثل هذولا الناس ولا لأ وإيش رايكم بهذه التصرفات وهل تشترون من أماكن فخفخه ولا أماكن أسعارها معقوله بصراحه تامه رجاء

منتظره ردودكم على أحر من الجمر
:32::32::32::32: