موضوع واقعي يحتاج النقاش !!!

مرحبا بنات حواء
اليوم ابطرح موضوع يمكن كلنا نعيشه والبعض يتضايق منه
الا وهو الاستعارة او الشحذه
يعني مثلا قريباتك يستعيرون منك شنطه - بلوزة - جزمه - اكسسوار - تنورة - استشوار - بنطلون 000 الخ
وانتي ماتبين تعطينهن ومستحيه تقولين لا
لاسباب اولا يتاخرون بترجيعها لك
ثانيا يرجعونها لك غير نظيفه
ثالثا ماتبين اغراضك تندمر من كثر اللبس
وحده اشتكت لي تقول اني عروس ماكملت شهر وبدت الاتصالات تهل علي
عمتي تبي مني ملابس بلايز وتنانير وانا ماودي اعطيها بس استحيت منها وعطيتها
وودي اتهنى فيهن اول واحللهن وامل منهن بعدين عاد يمكن اعطيهن
وبنات عمتي اذا بدا الدوام بالكليه كل يوم يبن يتصلن ويقولن ابي بلوزتك الفلانيه وتنورتك العلانيه
والمشكله مايرجعنها نظيفه ويتاخرن بترجيعها
ووحده ثانيه تقول اخوات زوجي دايم ياخذن استشواري وانا استشواري جديد وماابيه
يحترق مثل مااحرقن استشوارهن
والكثير الكثير
انا لا اطلب منكن الحلول لان الظاهر مافيه حل لانهن تعودن على الاستعارة
فقط اطلب منكن وجهات النظر اكيد البعض مؤيد والاخر معارض لموضوع
الشحذه او الاستعارة
مارايكن هل تتضايقين اذا طلب منك احد اغراضك الخاصه باستمرار ؟؟
انا اقول اذا اول مرة طلب ميخالف لكن اذا زاد عن حده احس اني ازهق
واقول هذا ماعنده احساس :D
يالله اشوف ارائكن :27: :27: