موضوع وحدة من البنات طلبت مني أنزله

السلام عليكم ورحمة الله وبركاته

اشلونكم خواتي عساكم بخير

هذا موضوع يخص وحدة من العضوات طلبت مني أنزله تبغي رايكم ونصايحكم فأتمنى ما تبخلون عليها بنصايحكم

وهذي هي مشكلتها على لسانها :



المشكله من البدايه انا متزوجه اربع سنين اول

تسع شهور من الزواج كان رومنسي بزياااده ماينادي اسمي الا بدلع

يصبح علي وقت جلستنا على التلفزيون كان يجمعنا الحب

عكس الحين تغير فجأه بشكل مو طبيعي مو من ناحيه التعامل والطلبات

لا بالعكس ماتغير حبوب وطيب لكن صار جااااااف بزياده

والمشكله من قبل لا أولد عشان ماتقولون مع التربية انشغلتي عنه

تخيلو الحين اسهر احيانا يومين كامله اتعرفون معاناة التربية والله ويكون راسي

خلاص بينفجر دايخه ومع كذا ماانام قبله لا اسهر معاه لين ينام وانام

لكن مايقدر التعب


ليش اول احس بحبه لي اذا احتاجلي ونسهر ليله كامله على دلع وغزل

والحين كأني جدار


هذي فطره بكل بنت مافيه وحده تقول والله عادي مو لازم

يقولي كلام حب زوجي اهم شي يحبني خلاص

والله لو من اول كذا عادي عندي طبعه وشلون اغيره لكن ليش الحين تغير

كله كوم والهدايا كوم ثاني

واذا اجتمعت مع خواتي احزن لما اسمع كل وحدة تتكلم عن زوجها واللي يسوي لها

وانا دمعتي على خدي ؟؟

لا هديه اهداني وانا كل مناسبه اهديله

ولامسجات يرسل وانا دايما ارسل

ولا سفره من تزوجنا وهو فاضي دايما وميزانيته تسمح

كل ليله تصير هالسوالف مع خواتي اروح وادور اي سالفه عشان ارسلها

له واتهاوش معاه واجي للبيت ويجني كره له اقول لو يحبني صدق ومحتاجلي

ليه مايعبر لي بواحد بس من هالاشياء هذي كلها ..!!

لاتقولون خواتك يخربون عليك انا هذا طبعي رومنسيه واجهز له الشموع

واللبس واتكشخ لو اني بقمه التعب ومع كذا مايبعد عني فتره طويله

لا لكن صاير على الصامت

زهقت ابي اسمع منه كلمه حلوه ابي يفاجأني بهديه ابيه يحسسني بحبه

لكن مافيه امل

مدري وش هالتغير المفاجئ لكن ممكن كثير يقولون اول الزواج رومنسيين

وبعدين لا لكن ماتوقعت انها توصل لدرجه هذي اتشحذ الكلمه الحلوه

منه غصب


الحين وش اسوي احس اني طفيت ماعدت مثل اول اهتم بشكلي

واجهز له حلى ووو يوميا وصارت جلستنا ممله

احس ان الكره بدا يتسلل علينا وكل مااقوله يقولي هذا طبعي

ياليته يتابع برامج اجتماعيه مثل فوزيه الدريع او طارق الحبيب

كل مااسمعهم اصيح اقول ياليته شاف البرنامج واقوله تابع يقولي مااحب