انا ما اتفق معاك ... انا تملكت لمدة 6 شهور وكنت اطلع معاه واحيانا يسهر عندي وينام في بيتنا بعد وكانت احلى ايامنا وكل ما نتذكرها نستانس
وبمجرد ما تملكنا على سنة الله ورسوله فأنا حلال له وهو حلال لي .. وحكاية تأجيل الموضوع اياه لبعد الزواج فهذا شي يخص الاثنين
والرجال اللي في قصتك هو الغلطان مو البنت ،،، كيف رجل محترم يخطب بنت ناس محترمه ويملكون عند الشيخ قدام رب العالمين وبوجود شهووود وعقد نكاح وبعدين يجي يقول هذي البنت سهله او متساهله وممكن تعملها مع غيري ؟؟؟؟ يعني الشي اللي نسويه بشرع الله مثل اللي نسويه بالخفا وبالحرام ؟؟؟ عجيب أمره ذالآدمي !!

والزواج ليس اكثر من حفله واحيانا يكون سكيتي بعد .. يعني لا يودي ولا يجيب

هذا رأيي

السلام عليكم ورحمة الله وبركاته
lawsi
شايفه نفسها
beautylady
غادةالكميليا
مشكورات عيوني على المرور،،،،
والعفوا هذا اقل من الواجب


الماسة السوداء
sweetness
خواتي انا احترم وجهة نظركن في هذا الموضوع
ومثل ما قلتي اصابع ايدينج مب وحده اختي الماسه السوداء
يعني هذا زوجج يمكن يكون خمسه من 20 واحد،، والحمد لله ما طلع مثل اللي في القضيه،،،،
وربي الشاهد على كلامي انه اثناء فتره تواجدي في المحكمة تقريبا يوميا مب اقل عن قضيتين يوصلن لنا بسبب مشاكل فترة الملكه مع انها احلى فتره في الحياه الزوجيه اغلب الاحيان
،،،، والله الشاهد انه في احدى القضايا جاي واحد يبغي يطلق اللي مالج عليها اي زوجة،، في الجلسه الاولى من قسم التوجيه الاسري ما فهمنا منه اي شي،،، في الجلسه الثانيه او الثالثه ما اذكر،، عرفنا منه انه زوجتة واااايد متساهله معاه يعني يطلب منها تطلع بتطلع بدون ما تشاور اهلها،،، وبتكلمه وبتيلس معاه عادي بدون اذن اهلها وهذا الشي هو ما عجبه،،،
قضيه ثانيه،،، وحده جايه تطلب الطلاق من اللي مالج عليها،،، وفي الجلسه الاولى ما قالت شي غير انه غلط على اهلها،، وبعد محاولاات منا نحن طالبات التدريب وبدون وجود الموجه الاسري عرفنا منها انه يطالبها بالمعاشره الزوجيه عبر الهاتف(اسفه للصراحة) بس والله هذا اللي شهدناه يعني شو فايده الزواج عيل خلااص ياخذها بمجرد ما يملك عليها،، والله اني انحرجت في هذي القضيه في الذات لااني انا الوحيده كنت متزوجه بين طالبات التدريب :06:
فشللللللللله
المهم يا خواتي انا بس بغيت انصحكم لوجه الله ولاازم تتأكدين من الشخص هذا حتى ولو كان مالج عليج يمكن في البدايه يكون شو حلااااااته بس بعدين يطلع الوجه السي منه
تحياتي
واتمنى محد يزعل مني

أعتقد المسألة تعتمد على المخطوبين نفسهم ..

بتقولون أشلون :

.
.
باقولكم

.
.

المخطوبين من غير عقد .. من غير تفكير إذا شالوا الكلافة بين بعض ومارسوا حياتهم مثل شخصين متزوجين .. فهذا حرام شرعاً .. وبديهي طالما البنت مو معقود عليها والرجال مجرد خاطبها من غير عقد .. عليهم إن يحطون إشارة حمرة في علاقتهم .. لأن مجرد مشروع زواج ممكن يتنفذ وممكن لا .. فلا بد إذا ينتبهون من الشيطان إذا كان بروحهم :30:.. والأهل عليهم إن ما يتركون البنية مع الريال بدون وجود واحد من الأهل .. وهذا طبعاً شيء ما يصير في دولنا الخليج الحمدلله ..

.
.
.
أما بالنسبة للمخطوبين بعقد .. من غير تفكير فهذا حلال إن يمارسون حياتهم كشخصين متزوجين .. لأن هناك عقد .. شرعاً هذا حلال .. وبديهي إن تكون علاقتهم مثل أي زوجين إذا حبوا ذلك .. وإذا ما حبوا بإمكانهم يأجلونه لزواج ..

.
.

بس أحيانا يكون في نوعية من الرياييل عقولهم قاصرة .. البنت تأمن له وتعتبره زوجها وحلالها .. والبنية مثلها مثله لها غريزة .. أكيد بتشوف زوجها يطلب منها مثلاً إن يعاشرها .. تعتبر هذا الشيء أولاً حلال .. تزوجت عشان تخاف الله وتاخذ هالشيء بالحلال .. بس نست إن زوجها تفكيره من العصر الحجري .. ياخذ اللي يبيه ويقطها بدون مراعاة لعلاقتهم اللي أساساً ومعروفة عند الكل حلال .. بس نظرة المجتمع تلوم البنت .. مع أن المبادرة في العلاقة الجنسية غالباً تبدأ من الريال .. ولأنه أهو اللي عنده الشجاعة ان يطلب هالشيء .. ويبدأ في من أ إلى أن ينتهي بـ ي وبعدين يقول هالبنت سهلة أو منها .. (لو يفكر إن البنت سهلة .. خل يفكر إن البنت تعتبر زوجته وحلاله .. وهذا جزء من حقوقها عليه ) .. وأن أعتبر هالنوعية من الرياييل ظالم ..

.
.

على البنت إن تحتاط وتعتبر خطيبها من أي نوعية .. اللي متمسك فيها أو اللي بس يبي يرضي رغباته .. وتحاول قدر الإمكان إن ما تسلمه أعز ماعندها .. ما ندري شنو يصير في الأيام الياية ..

وكلام غزالة العين .. عين العقل .. بس اختلف معاها .. في إن الريال من حقه يختلي بزوجته ويمارسون حياتهم الطبيعية اللي حلله الشرع .. بس إذا كانو مخطوبين بعقد .. بس على البنت أكرر إن تنتبه ..

بصرااحة انا ماتفق معاك سمحينى حنا ايش مشكلتنا
اهم شئ عندنا العادات والتقاليد وكلام الناس وبعديييين اخر شئ نفكر فى الحلال والحرام
يعنى مملك عليها بالعربى هى عند الله زوجته دخل عليها ولا ما دخل زوجته مافى احد يقدر يتكلم حتى لو راحت معاه البيت لوحدهم خلاص زوجته والله شاهد على كدة يعنى مافيها شئ لما يطلعون مع بعض او يجيها البيت

بس طبعا مو معنى كلامى انو يدخل عليها وهى فى فترة الملكة لا بس مافيها شئ لما يطلعون ويقعدون مع بعض
هذا راى حبيبتى :26:

السلاام عليكم
اختي اثير الهمس:
مشكوره على مرورج،،، وانا بعد ما قلت انه مب من حقه ،،، هذا من حقه ومب حرام دام بينهم عقد انا اتكلم عن نيه الزوج،،، وابغي البنت تاخذ حذرها من الشخص هذا،،،،

اختي ميموووونة
عيوني انا ما قلت هذا الشي حراااااااااام ،،، لاا هذا الشي حلااااااااااااااااال دام بينهم عقد،،،
بس ليش ما نهتم في التقاليد،،،، نحن مب عايشين بروحنا نحن عايشين في مجتمع شي طبيعي نهتم بتقاليدنا،،، وبعدين كلام الناس يجرح،،، وانا من الاساس ليش اعطي الناس فرصه انهم يتكلمون عنا،،، ليش ما اصون نفسي وبعدين اي رجل يحب زوجته انه تتغلى عليه مب مره طلبها قالت خلااص حاظرين،،،
ويا خواتي انا ما اتكلم بس عن موضوع الخروج،، مب مشكله الخروج تخرج معها وتتمشى بس مب واااااايد مب تعطيه كل اللي يباه
المفروض الوحد تصون نفسها،،،، وبعدين شو خليا حق بعد الزواج دام انا تمشية معاه في الملكه خلااص يتزوجني ويلسني في البيت بعد الزواج والله له طعم غير الحيا يكون موجود،،،
بس اذا خلااص انا طلعت معاه وتعودت عليه شو بقى حق بعد الزواج ليش ما نخلي التمشي حق بعد الزواج
واتمنى السموحه
:26: :26: :26: