اسال الله ان يشفيكم

اسال الله العظيم ان يشفيكم وجميع مرضى المسلمين

جزاكم الله خير

1-نوع المرض ومكانه(الرحم 000الثدي0000الخ)
سرطان هودجكن فالغدد الدرقيه فالرقبه فالجهه اليسار
2-في اي مرحله
في المرحله الاولى
3-العلاج المستخدم لحالتك
الجراحه وهي استئصال جزء من الورم وتحليله
و الكيماوي 6 جلسات كيماوي وبين كل جلسه والتانيه اسبوع
والاشعاعي 21 جلسه اشعاعي
4-في اي مستشفي ومدينه
مستشفى الحرس الوطني جده
5-اسم الدكتور المعالج
دكتور احمد سالم السعيد ودكتور عبده
6-ماهي التحليلات اللي عملت لك
كل التحليلات الازمه للمرض وكل مره اروح للمستشفى ياخدو مني عينه دم
7-ماهي الاعراض
مافي اي اعراض حمد لله غير انتفاخ فالرقبه جهه اليسار بدون الم او اي شي
8-كم من الوقت وانتي تتعالجي
سنه تقريبا وانا اتعالج
وعدت سنه اخرى حمد لله بدون علاج :)
9-من خلال(العلاج )ماهي الاثار اللتي عانيتي منها وكيف تغلبتي عليها(سواء كيماوي-اشعاعي-جراحه)
الجراحه: كان بس اثرها الم فالرقبه وعده غرزات واختفت بعد اسبوع تقريبا وكانت الجراحه فالششه فمكه
الكيماوي : غثيان والم فالعظام وتعب اغلب الايام وتساقط الشعر وتغير طعم الاكل والم وقت بلع الاكل
الاشعاعي : سواد فمنطقه الرقبه وحرق فيها وشعور بالحكه وعدم الارتياح وتقشر الجلد
10-هل استخدمتي خلطات من الاعشاب وماهي
استخدمت وقت الحروق حقت الاشعاعي خلطه اخدتها من وحده فالمنتدى هنا تبيعها وكنت احط منها كل ما اطفش او احس برقبتي تحكني او لما اشوف رقبتي فالمرايا والحمد لله
كلها كم اسبوع وراحت وراح اللون الاسود مره ^_^
11-انواع معينه من الاكل ساعدتك في العلاج والتخلص من التعب
شرب مويه زمزم كل يوم باستمرار والحبه السوده والعسل
وكمان القسط البحري والهندي والتلبينه وحليب الناقه مخلوط مع بول الابل وانا ما كنت ادري انو مخلوط بس بابا وماما وزوجي وعمتي كان يخلطوه ومايبينولي عشان اشرب
12-نصيحه فادتك؟
انو اخلي املي بالله كبير وان ربنا كريم وربنا ما يبتلي احد الا يحبو ويبغى يخفف ذنوبو واني اتفائل وما اتشائم مره
واخلي نفسيتي حلوة عشان اهم شي فالعلاج النفسيه الحلوة والضحك وماتشيلي هم شي لان العلاج بيد الله سبحانه وتعالى ثم النفسيه الحلوة والتفائل
ولا تفكري فشكل ولا فأي شي كلو يتعوض ويرجع حمد لله ويرجع احسن من اول كمان
ملاحظه :
انا دحين ليا سنه مغلقه علاجي واتزوجت حمد لله وجبت بنوته حلوة صغنونه :)
الله يديم عليا الصحه يارب وعليكم كلكم ويخليلي زوجي يارب لانو اكتر واحد ساعدني فوقت الكيماوي والاشعاعي ووقف معايا ويخلي ماما وبابا يارب ويحفظهم وعمتي كانت تجي فكل جلساتي وما تخليني لوحدي
واتمنى انو كل الي معاهم المرض يتعافو يارب وما يشوفو اي شي مو طيب فأي احد يحبوة والله يديم عليهم الصحه والعافيه والسعاده يارب
^_^

الله يشافيكم يا حبيباتي ويعافيكم ويجعلها في ميزان حسناتكم يا رب