موضوع يخصني💔

بنات انا تغيرت شخصيتي صرت وحده ثانيه مو انا ولااعرف وش الي عندي اكتئاب ولا حاله نفسيه😓
اذا خرجت الصاله وشفت عيالي وابوهم جالسين اروح عنهم واجلس لحالي واذا جو بنفس مكاني اقوم واخرج غصب عني مو بكيفي😭
لما عيالي يكونون على جوالاتهم بالغصب اطلع الصاله عشان اشوف لايكون يتفرجون اشياء ماتصلح لعمرهم لانهم صغار وخايفه عليهم بس قاعده اضغط على نفسي وذا الشي تعبني ويجيني ضيق تنفس واخذ فونتلين مع ان صارلي فتره طويله ماتجيني الكتمه قلت بروح واغير من شكلي يمكن تتغير نفسيتي وقصيت شعري مابقيت منه الا شوي قصير مره ولاتغير شي 
مااعرف وش الي فيني بس احس ودي اطلع من هالبيت 
كل هذا الي يصير وزوجي شايف كل شي ومو معبرني انا بموت من القهر والحسره انهلكت من كل شي 
ياليت ابوي يحن علي ويخليني على راحتي مو انا اول وحده بتطلع من بيتها ولااخر وحده وربي احس شي خانقني من رقبتي وودي ابكي وزادت الحاله عندي لما سافر زوجي قبل يومين كل مايسافر اتعب مع ان زمان كنت انبسط واقول باخذ راحتي مع عيالي من غير مااصحى بدري واطبخ بس انا احس حياتي كلها غلط بغلط من لوين نعرف اكل المطاعم متصورين فطور غدا عشا اسوي وجالسه بين عيالي وصجتهم يبون الملاهي قلتله يودينا قال في فايروس منتشر قلت خلاص مرضو وطابو قال بيرجعلهم وعيا يودينا قلتله خلاص ودني انا الكوفي وروح اذا انت ماتحب ابي اغير جو قال سخافه قبل 4 سنوات قلت خلنا نسافر وداني ابها بعد مااستاجرنا قال ليش احنا هنا! قلت ليش وشفيها بنتمشى زي الناس وسوالي مشاكل وخلاني ابكي بدال ماانبسط كان اي مكان يوديني يستكثره علي ويسوي نفسه يحبني ومايستغني عني واذا خرجنا يودينا مكان بر مهجور مافيه احد يكره يروح اي مكان فيه ناس احيانا بالسياره يورينا البحر واذا قلت بننزل نصور يودينا مكان الي فيه ظلام وكتمه ولاننبسط ابوي كان كذا يابنات ولما خطبني انبسط قال هذا متشدد ووافق بدون ماياخذ رأيي حتى 
والله ماكان ودي انزل اي موضوع لان قلت خلاص اللحين ماتطرقت لبنته بأي كلمه 
اتكلم عني انا وبس..بعد ماكنت احب اجلس مع زوجي نفرت منه بس متأكده هو السبب لما تتزوجين واحد اكبر منك ب15 سنه عقله وتفكيره غير عنك مصيبه بس صار غصب عني 
افكر في ولدي ومدرسته واحنا على اخر ترم اقول لو رحت والله محد يهتم فيه وبيرسب😞