موضوع يخص زوجي....

بسم الله الرحمن الرحيم
السلام عليكم ورحمة الله وبركاته وبعد..
الموضوع بختصار انه زوجي اكتشف انه بنته تتواصل مع شخص وتحبه وما ادري كيف اكتشف قالي كا فضفضه قلت له تأكد قال متأكد وانا راح اطردها من البيت واتبرأ منها قلت له ليش الفضايح ليش ما تواجهها وتتأكد قال راح اتهور وأظربها.. قلت ليه تستعجل يمكن يجي ويخطبها وافق وزوجها وخلاص واستر على بنتك.. قالي هذا اللي راح يصير لكن بعدها لا أعرفها ولا تعرفني..
الشي الي حاز في خاطره انه قال راح اطردها ولا تجيني ولا اجيها انا قلت له ليش هذا ما يجوز وما حبيت فكرته انه يزوجها وقدام زوجها يقولها لا عاد تجي عندي انت طلعتي من قلبي....
وهو الله يهديه يخلط الأمور في بعض يقولي بريحك منها وهيه ما تحبك ولا انتي ترتاحي معها قلت صح لكن انا اخاف من الله واعطيك نصيحه عشان مصلحتي الشخصيه واوقف معك وربي يغضب عليه ليش....
هو اكيد منصدم ومقهور وحزين من بنته ووده ينتفها حاله حال اي اب شرقي يرفض هذي التصرفات..
وانا مقدره له هذا لكن الصبر زين انا لو جلست أزيد النار حطب راح اخسر كثير اخسر سمعتنا واخسر زوجي واخسر ربي وأشياء لا تحمد عقباها...
وهو الله يهديه شايل بقلبه على ويقولي انت ضدي كيف انا ضده حد يفهمني...
بنتك بتني وسمعتها تهمني وهذي اشياء تحصل في أغلب البيوت لكن تعالج بالحكمه والتروي ما ينفع الانفعال فيها أبدا وتسرع...
وان شاء الله يجي هذا الشخص ويطلبها لزواج يارب بأسرع وقت وربي يسهل أمرها..
وحابه أضيف شي انه هذا الشخص سبق وخطبها بس ما كنا ندري انه يعرفها وتعرفه وشاورها ابوها وقالت الي تشوفه لبوها وابوها ما حب الشخص ورفضه.. مادرينا انها تبيه الا متأخر... وهذا الي متعب ابوها يقول ليش ما تقولي من البدايه.. وتخليني انصدم هذي تب تنزل راسي الأرض و يقول انها تبي تهرب معه....
وانا في حيره من أمري ودي اكلمها وانصحها وهو رافض ويقولي لو كلمتيها ونبهتيها راح تخسريني للأبد..
وشكله فيه احد يحرضها ووده انها تهرب ويشجعها على الهروب من قرايبها انتقاما من ابوها وهو الي معرفها على هذا الشخص وربي يجيب العواقب سليمه يارب ويلطف ببوها وتنتهي الأمور بزواج بدون هروب..