اختي العزيزة sms انا ضد فكرة الاخوات بقطع علاقتك معاها مهم كان السبب حتى لو هي طلبت هذا الشي الصداقة كنز لازم تعرفي سبب تخليها عنك فكري يمكن جرحتيها يمكن بتمر بازمة في اكتر من سبب رايه انك تكلميها بصراحة وتفهمي الموضوع حتى لا قدر الله لو صممت على موقفها لا تقطعي علاقتك بها نهائيا خليكي انتي الاحسن كلميها العشرة ما تهون على احد والله اعلم لك كم سنة متعرفه عليها الله يعينك، على فكرة قبل ثلاثة ايام يوم ما قرات موضوعك دخلت المنتدى على اساس اكتب نفس الموضوع اللي انتي كتبتيها لاني في نفس اليوم كلمت اعز صديقة لية وطلبت اني اقطع العلاقة او ما اعرف ايش كان فيها كلمتها تاني يوم والا بعده واليوم الثالث فهمت منها الموضوع ورجعنا زي ماكنا والله يعينك وصدقيني انا حاسة بيكي وقلبي معاكي الله يوفقك ويختار الاصلح

اختي helm4ever
مافيه أحد مقرب لنا مع بعض فيه وحده يعني أحياناً تكون معانا تتكلم بس صديقتي هذي ماترتاح معاها وإذا كانت موجوده إحسب لكلامي ألف حساب وأخاف إا قلت لوحده أثق فيها تزعل ما أدري شاسوي

أختي العزيزه زين الحياء
شكرا على إهتمامك بموضوعي يعني إحنا في نفس المشكله بس صديقتي معرضه عني بشكل ما تتصورينه كل ما أتصل عليها ماترد تخيلي حتى لما اتصلت على جوالها خلته يدق مرتين وبعدين سكرت الجوال..
اما إني أكون جرحتها ما اعتقد لأن إذا صار بيننا شيء كنا نصارح بعض وكنت لما أغلط عليها تصارحني وتقلي إش اللي مضايقا و مزعلها بس كمان اليوم بأحاول معاها وبأشوف إش النتيجه مع إني واثقه إنها مابترد علي