موضوع يستاهل تعطي رايك فيه!

بسم الله الرحمن الرحيم
اخواتي العزيزات ..بنات حواء..
ابغى رايكم في موضوع جدا مهم..ياريت تساعدوني في اتخاذ القرار
انا طالبة في سنة رابعة جامعة ..تخصصي علوم طبية..وانتو عارفين هذا المجال عمله في المستشفى...اتقدملي واحد يخطبني وما كان فيه اي عيب الا انه ما يبغاني اكون موظفة مع العلم انه عارف ايش تخصصي؟
صاحبتي نفس الشي جوها ناس مره طبين واول ما عرفوا المجال الي هي فيه على طول قالولهم اسفين ولدنا مايبغى بنت في هذا المجال...
يابنااات انا الحمدلله اهلي متفاهمين وماعندهم مشكلة ولما اخترت التخصص هذا اخترته عن قناعه ورغبة..وعندي قناعة انه الوحدة اذا اتزوجت اولادها وبيتها وزوجها اولى لكن اذا توفرت الفرصة وسمحتلها الظروف ممكن تكمل..
لكن ليش صار الواحد ما يتزوج البنت لذاتها...معقولة اغلب الشباب تفكيرهم واحد ..تخيلو يا بنات انه وحدة من صاحباتي من كثر ما احبطت كانت تبغى تحول بعد ما وصلت سنة رابعة..بس اهلها عقلوها...والله يابنات ما تتخيلوا قد ايش المجال صعب ومو بسهولة الوحدة توصل لسنة رابعة الا بعد كد وتعب ويجيكي احد في الاخير يحطمك من اول مرة..انا خايفة الموضوع يوصل يازواج ياتحولين او تقعدي بالبيت.. انا الحمدلله في داخلي مقتنعة انه النصيب ما يكتبه الا رب السماوات والارض وزي ماربي وفقني في دراستي حيوفقني باذن الله في زوج صالح... لكن المشكلة الي قاعدة اشوفه في واقعنا غيييييييييييييييييير........بليز ابغى رايكم في الموضوع والي عندها تجربة ياريت تقولها عشان نستفيد كلنا.......
ومشكورين