السلام عليكم ورحمة الله وبركاته
حيا الله بنات حواء كلهم اخباركم عساكم بخير
نزولا عند رغبة الكثير من الاخوات بتنزيل صور الكثير من اطباقي مره ثانيه
حبيت افتح هالموضع واجمع فيه مواضيعي اللي طارت صورها ويكون مرجع للجميع
لان بصراحه يضيق صدري اذا طارت الصور وانزلها بين الصفحات بس مع ذلك تجيني طلبات بالصور
لان البعض مايفتحون جميع الصفحات فصرت اتعب فيها كثير ومالي حل الا هالطريقه
واي موضوع حابين اعيد صوره اطلبوه ومن عيوني انزله من جديد في هالموضوع بالخطوات والصور
ان شاء الله وابأبداء بخبز الصاج جتني عليه طلبات كثيرررره على الخاص وعلى العام
فوعدتهم ان لو حصل فرصه اعيد الصور وانا عند وعدي
وهذا اقتباس الموضوع مع اعادة الصووور
&&&&&&&&&&&&&&&&&&&
بسم الله الرحمن الرحيم
السلام عليكم ورحمة الله وبركاته
هلا والله بكل من دخل الموضوع حياكم الله اليوم عندي لكم طريقه لخبز الصاج رهيييبه
ومضبوطه ولييينه مره حلوه وجربوها ماراح تندمون تنفع مع النواشف لذيذه وخفيفه
وتنفع على الجوع مع الجبنه السائله ياسلام وتنفع لساندوتشات الشاورما او الكودو
او اي حشوه حسب رغبنكم
وممكن بعد خبزها وبعد ماتبرد تتفرزن ووقت الحاجه تطلع تذوب او تسخن لان مقدارها كبير
وممكن تسوون نصف المقدار على راحتكم
يلا نبداء المقادير والطريقه
مقادير عجينة خبز الصاج :
4 كاسات دقيق ممكن ابيض او بر حسب الرغبه انا استخدمت الابيض الكويتي
كاسين ماء دافي
نصف اصبع زبدة
فنجال سكر
رشة ملح
ملعقة خميره
5 ملاعق حليب بودره
الطريقه :
توضع جميع المقادير في الخلاط ثم تصب على الدقيق وتعجن حتى تكون عجينه متماسكه
ولينه نوعا ما يعني ماتكون قاسيه وتترك تتخمر نصف ساعه او ساعه الاربع
وهذا شكلها بعد ماتخمرت انا كنت عاجنه نصف المقدار
ثم تكور لكور بحجم البيضه تقريبا او اصغر شوي
يرش سطح نظيف بالدقيق ثم تفرد عليه قطعة العجينه
توضع العجينه على الصاج بعد وضعه على النار ويدهن بالقليل من الزيت ويمكن الاستغناء عن الزيت
ويكون الصاج حار والنار تميل للهادئه علشان مايحترق الخبز
وهذا شكلها بعد مابدأت تتحمر وقلبتها للوجه الثاني
وهنا شكلها وهي نافشه نفشه بسيطه
وهنا بعد ما انتهت وقدمتها مع نواشف القهر يوم صورتها كنت ناويتها لنواشف
لكن لو سويتها قريب ساندوتشات نزلت صورها
وهنا اقرب شوي
وهنا اقرب واقرب علشان تشتهونها وتسوونها
ملاحظه : ممكن لاحظتوا اني كثرت الدقيق عند الفرد لان العجينه راح تكون لينه مثل ماقلت لكم
علشان كذا كثرت الدقيق علشان ماتلصق في الطاوله وممكن تفرد باليد بعد دهنها بالزيت
الله يعطيك العافيه