ماادري من زمان ماحسيت بفرحة العيد
اجهز له ملابس وبيت وعيال بس المشكله عندي زوج كاتم الفرحه مايبغى يزور احد ولايقابل احد كل الشغله على خفيف وانا احب الاجتماعات بس هوه يعقدني
احس كل عيد فرحتي مخنووووقه

كل سنه وانتووو بخير وسلام للامه الاسلاميه

انا ها السنه غيررر اول مره باعيد لوحدي بالغربه انا وزوجي وبناتي وربي من بدا العد التنازلي للعيد وانا كل ليله دمعتي غصب عني علئ خدي والله مو بيدي وماودي اضيق صدر زوجي عشان الدراسه

بس كل سنه وكل ليله عيد لها طعمها
من بعد الفطور انا وخوات زوجي بنات عمي <<:)
نبدا كل وحده ماسكه مكان في البيت من والئ
وبعدين نخلص شغل علئ الساعه 8 او 7
وبعدين عمتي الله يحفظها تمسك في واحد من الشباب وتعلقنا برقبته وعلئ الصالون
وعلئ طول ماتشوفين الا اللي لابسات العبي ومتجهزات للروحه وركض للسياره
وبعد التشقير والحف والقص والنقش
نرجع للبيت ونتحمم واللي ناقصها شي تجيبه من السوق واللي مثل حالتي ام بنات علئ ابو ريالين من شنطه لربطه لاكسسوار لازم اشرئ لهم اللي يبون الله يحفظهم لي ويرزق كل متاخره
وطبعا حاطين التلفزيون علئ القناه الاولئ <<<<اغاني واناشيد العيد احلا فيها
وبعد الساعه 2 الفجر تبدا رحله شد وتلوي الشوشه
طبعا انا دايم اللي استشور شعور بنات عمي حمواتي يازينها من قعده
وانا اشد واهاوش عشان استشور
واللي شايله عليها بخاطري امعش شعرها علئ ابو اني استشوره <<<<هههههههههههههههههههههه ابرد حرتي
وايه ماتحلو القعده الا وانا منومه بنوتاتي وابوهم
وعمتي كل ساعه تطل علينا ماخلصتووو واحنا لا لا لا لا <<<<واغلب القعده سوالف او علئ المسن مع خواتي
وبعدين نخلص ونطلع فوق السطح نشوف الزراااق يالبئ الريحه ولا الجووو يرد الروح
وبعدين اصحي بناتي وابوهم وعمي وعمتي ونروح صلاه العيد
ونرجع البيت ونفطر وريحه البخوررر تعمعم
وضحك ووناسه الله لا يحرمني من ها الايام واهلها
وبعدين يجون اهلي وجلسه وسوالف ونروح بيت جدتي
وكل ذا واحنا مواصلين حنا البنات وبعد الساعه 2 الظهر نهز روسنا بس نبي السرير
وننام ونصحئ الساعه 9 او 10 في الليل ونكمل باقي زيارتنا ودايم يانسهر ببيت اهلي كل العايله او ببيتنا <<بيت عمي ابو زوجي
الله يحفظهم لي والله لا يغير علينا جمعتنا
والله يردنا سالمين لهم
ادري طولت عليكم بس حبيت تعيشوو اللحظات معي

ودمتوووو بحفظ الكريم وكل سنه وانتو بخير

اكون مجهزه البيت قبله بيوم والحلويات وكل شي و في الصباح اصلح القهوه والشاي
واروح اجهز نفسي وولدي وخلاص

انا هذا العيد في غربه يعني لا اهل ولا شي يادووووب نصحى ا لفجر واجهز اولادي بنت وولدين الله يحفظهم وكيل شي جاهز من الليل

واسشور بنتي ونروح المسجد نصلي صلاه العيد ونجلس شويه مع اصحابنا اللى من بلدنا واللى من بلاد عربيه اخرى ونروح البيت وهات ياااااااانوم وخلاص خلص عندنا العيد.<< اه ياعيد بلادي ووسط اهلي واحبابي موضوعك احزنني ودموعي ماوقفت>> جزاكي الله خير

موضوعك راااائع بس للأسف المزاج موب رايق

أقراه وأنا أحاول أمسك عبرتي

الله يفرج لي وكل مهمومة