>>كلام صحيح<<

جزاكم الله خير لكن بصراحه انا وحده من هولاء الناس الي نطعنت ونجرحت من اقاربي صارت حياتي معهم سوال وجواب فقط صرت متحفظه جدااا على اسراري لكن جيرانك يسالون عنك يتلهفون على رويتك يحبون لك الخير يدعون لك ولاقارب تحتكي معهم فتره الا اكتشفتي بلاويهم الله يعين عليهم

اي والله انك صادقه ماادري ليش هالكره والحسد انا والله صارت علاقتي محدوده بس بأهل زوجي طبعا هم عيال عمي بالاصل واهلي امي وابوي واخواني وزوجاتهم اما الباقي يااااااااالله اتصال من الشهر للشهر بس حتى ماادخل في فئة قاطعين الرحم ونتقابل بالاعياد والمناسبات وبس وليتنا بعد نسلم الله المستعان ياختي نفوس الناس تغيرت اسأل الله السلامه

طبعا اكيد مو قصدك تعممين على العالم كله بس نسبه كبيره زي ماوصفتي
حسد ونميمه ولو تقولين كلمه لو مزحه وصلو السماء من الزعل وعتاب وبغض
اما علاقت الناس مع الصداقات والجيران وناسه وضحك وحشيمه ويتحملون بعض مزح ثقيل خفيف
وسنين علاقتهم ماتنقطع مدري وش السبب
انا قبل فتره حصل معي موقف وحده من قرايبي نقلت عني كلام عاد مدري وش الصيغه الي نقلته بها
والله اني اتحسب عليها للحين الكلام كان عادي جدا لوها سمعته مني مازعلت بس لانه جاها من غيري
كبر في خاطرها ولاعاد تبي شوفتي وتحكي علي عند الناس مع اني ما احب احد يوصل لي كلام على لسان غيري
بس انحرج اصد احد

صراحه عجبني موضوعك وكتبت مرتين حتى في اداء الواجبات والده او مريضه
زيارتهم لك واجب ثقيل اما لغير القرايب تعالي شوفي وش ياخذون معهم وش يسوون
اذا راحو لهم
وهذا مو كلامي لحالي كلام كل الي حولي من قرايبهم
حتى العيال والبنات علاقتهم باصدقاهم احسن من علاقتهم باقاربهم