مسائكم \\ صباحكم ( ورده )
كيف حالكم ..؟ <فيها شي بكره تجي وحده تقولي ليش تقولين كيف حالكم:hahaha:
قبل ابدأ بموضوعي أحب اقولكم أول مره احس إني خايفة يمكن لأني شايفة إن مواضيعكم خطيرة ورهيبة مره وحاسة مستحيل أوصل لها ماشاءالله
المهم قررت اليوم إني أغامر وأكتب لكم موضوع يعني هو شيء توهقت فية لازم أكتب وأمري لله ورطت نفسي بس اللي مريحني إن ( القلب) فديت قلبي معاي بالسالفة يعني إذا زان ولا شان الموضوع تراه مهو أنا ..خخخخخ
يالله عاد اسم الي بلشتوا تحملو التعبير الخرافي
الحين مهب ازين مننا المسلمسلات التلفزيونه لان التعبير من اخراجنا وتاليفنا وبطولتنا <<وانتاجنا وبرعيتنا
بنت اطيب إنسان+ الفله =صداقه الى الابد <<قلب يدهر حركات ابتدائي
مالكم بالطويلة (<- وش عقبة )
من منا لا يهتم بمظهرة الشخصي ( أووخص يالمقدمة قووية ) أهم شيء نظهر بشكل حلو , صحيح الأغلبية يقولون الشكل مو مهم والأهم هو جمال الروح والجوهر أهم من كل الشكليات والمظاهر أنا بعد مع هالكلام بس بوجهة نظري كلها مكملة لبعض أنا ماراح أتكلم بموضوعي عن الجوهر إن شاءالله الجميع يحمل قلب طاهر وروح حلوة ونية سليمة أهم شيء.
بنتكلم عن المظهر العام في بعض الأحيان يحمل صفات الشخص يعني نقدر نعرف الشخص اللي أمامنا من طريقة لبسة اللي عملية وسبور جينزات وتي شيرتات واللي رسمية واللي غجرية الشعر كيرلي وتلبس طويل وهيك شيء يعني الأشكال كثيرة, وفيه مظاهر كذابة
فاصل...
يووووووه الحين وحده تنقزلي تقول انتي تحشين بالناس...
نواصل....
ماعلينا منهم نرجع لموضوعنا فية ناس تبالغ كثير يتحمسون الله يهديهم تلبس أوفر مررررره خلونا نبدأ حبة حبة بداية من الميك اب اللي لاطختة الشدو تدريج تقل محلوف عليها تحط العلبة كاملة الطبقات من المكياج على وجهها كريم أساس وبودرة ثقيلة وكونسيلر تحت العيون وبلاشر على خدودها فوووووشي الروج غامق الحواجب راسمتها بأسود الإضاءه اللي تحت الحواجب تلمع الضوء الساقط عليها يعكس ألوان الطيف (لاتشرهون تأثير الدراسة
) الإكسسوارات تلبس من هذيك الحلقان اللي الواحد وزنة 20 كيلو طقم مع العقد والخاتم واللبس تنورة طبقة فوق طبقة البلوزة توب وعليها سديري وشالات وحووسة وش كثرها واحيانا يزيد الحماس تلبس قبعة نفس اللون المهم ذا المكس الحلو كلة وهي رايحة عصرية تتقهوى عند صديقتها يعني من الساعة 4 العصر إلى 6 أو 7 المغرب بالكثيير (تخيلوا الشكل بليز ) ثم رجعت بيتها مايسوى عليها وش تلبسين بالعروس إذا كذا بالعصريات ؟!ذاك اليوم رحت الكليه مع اختي<<<مخلصه كليتها من زمان أشوف أشكال رهيبة بصراحة بنفس الوقت أرحمهم يعني كعب دبوس وش طولة وخلخال ولبس دفاشة ومحززق ( يعني ضيق ) وميك اب نفس اللي ذكرناها سابقاً ( أوخص اللي ماتعيد كلامها ) يعني ماشاءالله وش ذا البال عندها تصحى الصبح وتلطخ ذا الاشياء ولا لارجعت الظهر خصوصاً بالصيف اللي من قوة الحر حتى وأنتي بالسيارة الشمس تضربك وعقب المشي في ارجاء الكلية بالكعب ( تخيلوا مرة ثانية هالشكل ) تعب مو طبيعي تشيل مكياجها ولا تحط رجولها بموية وملح ولا تفكك شعرها ولا تغير ملابسها ( <- تحسبين الناس مثلك عجازة ) تعذيب بصراحة واللي يحيرني أكثر حتى بالأختبارات نفس الشيء شكلها
تختم المنهج بدري ( <- حاسدتهم ) خ خ خ خ
ومن زود الهوس ( هوس المكياج والكشخة الخونفشارية ) وصلت فيهم تجيك الوحده حاطه كل زينه وهي رايحه بعزا اجل رايحه لعزا وانتي طاقتن زينتك عندتك مناسبات لطخي بكراسه الرسم حقتك الي تبين الحين هو الواحد فاضي يلطخ هالاصباغ والا يروح يعزي اخيه المسلم<<تراه متعوب عليه هالكلمه
اجل بوه مكياج عزا قضينا من مكياج العروس ومكياج السوق ومكياج الكليه بقى ذا ولا يقولون يمكيجونس بالوان باهته يعني جصه تقل متدربيه بنفود يقال انتس حزينه لاحول ولا قوه الا بالله.....
الوحدة لازم يكون عندها إعتدال باللبس وتعرف تلبس اللبس المناسب بالمكان المناسب بالجامعة أو الكلية مثلاً تنورة رسمية بدون طبقات وكشكشات مع قميص رسمي إذا بتلبس علية سديري أو عادي تتركة لحالة مع شوز سبور حلو ترى إذا صار اللبس رسمي مع شوز مريح سبور لاتقولون غلط رسمي مع سبور يجي عادي ( غصب ) مع حلق حلو مناسب صغيرون الشعر مرتب موب حركة قطة وقذلة يقالها تسريحة , الميك اب أنا ما أفضل أحط بس كحل وقلوس بس اللي تحب تحط بودرة مضغوطة بدون كريم أساس كحل جوا العين بلاشر خفيف الوان ترابية أو برونزية وقلوس وكان الله غفور رحيم راح يطلع الشكل حلو ومرتب وعلى هالشكل قيسوا باقي اللبس شوزات فلات تي شيرتات كنزات نعومة يعني لبس بسيط مافية أي نوع من التكلف .
ألحين بنروح عصرية , بنطلون جينز أو تنورة جينز مع بلوزة بوف أو تنورة قصيرة نص الساق ضيقة تحتها كيلون أسود مع قميص أو تلبس عليها جاكيت رسمي برضو يعني قطعتين مرتبة ( بدلة ) وممكن تلبس فستان نعوم وهالأيام هابين بالفساتين الماكسي قماشها جورسية يعطي نعومة وشكل حلو يصلح عصريات او عشاء مختصر يعني كل وحدة تعرف تختار اللبس المناسب على حسب المناسبة اللي بتروح لها , الزواجات لها لبسها فساتين فخمة وأنيقة واعتقد محد يجهل هالشيء.
هذا كله من ناحية الذوق والإختيار المناسب بس فية ناحية أخرى ابي اتكلم عنها ( تكلمي من ماسكك) فية ناس فاهمين التطور والأناقة غلط حطوا تحت غلط عشر طعش خط من جده إلى الطائف خطوط تحت كلمة غلط ( يالبى الشفا<- شطحة ) يعني نظل ناس لنا تقاليدنا وعاداتنا واحترامنا للي أكبر مننا وفوق هذا كلة احترامنا وتقديرنا لديننا مثلاً حف أو نمص الحواجب وحده سامعتها بأذوني تقول من باقي يشقر يااقدمكم لا ياشيخة أجل وش الموضة قالت انمصي وارتاحي ولا صلحيها تاتوه خير إن شاءالله يعني اللعن صار شيء عادي كل هذا عشان يقال عني تراي متطورة استغفر الله وربي فية ناس كذا يعني شوفي فلانة حافة حواجبها طالعة تهبل مو احنا تشقير لازم نسوي مثلها وين دينك ؟ وين اللي تعلمتية بدراستك ؟ وين عقلك ؟ ولا بس معاهم معاهم عليهم عليهم بالعربي ( أمعة ) اعتقد كل ذا الدنيا ماتسوى لو تموتين وأنتي على ذا الشيء اعوذ بالله ( حسيت اني ألقي محاضرة ) ,وغير عن الحواجب اللبس فية بعض البنات عندهم فكرة كل ماتفصختي أكثر كل ماكان أكشخ أنا ما أقول إني ملتزمة ولا متسترة بس كل شيء بحدود يعني شيء قصير حدي للركبة وأغلب الأحيان تحتها كيلونات ( هيلاهوبات لغير الناطقين باللغة البناتية ) بس الصدق المبالغة بكل شيء شينة بعضهم تنورة قصيرة مرررة ولا تحتها شيء والبنت عاد مو من زين الجسم وزنها طن يعني أي حركة شفنا اللي المفروض ما ينشاف خير عالأقل احتراماً للي جالسين فيه شيء اسمه عيب كل هذا من باب والله احنا ناس متفتحين عادي يعني ,
مايحوم كبدي إلا ذا التفتح ( موقلنا فاهمين غلط ) والله إن أغلب اللبس المستر فخم وأعتقد الأغلبية منكم يعرف الملكة رانيا الأردنية كيف أناقتها وكيف لبسها وكلة مستر ماشاءالله , عمرها الكشخة والأناقة ماكانت بالتفصخ اللي يكون فيها المكشوف أكثر من المستور الله يهدي الجميع .
عدنا<<دخلت بالدور انه بالتلفزيون
المهم <<متى قلت المهم الحين قله قرق
الحين اجل لاجت الوحده بتولد تحط ماوراه ودونه من الكشخه والبلوناتة والزين والحركات والسلال
هي ضامنه انه بتحيا والا انه ماتتعب بولادته
والا الولد سليم
والا انه يحيا الولد
وفوق ذا تسلف وتعب نفسي ماراح تاصل مواصيل غيره وتظل بنفسه انه ماسوت شئ<<يازيني وانا اكتب تظل
والا يصكونه الناس عين تخليه تتوب تسوي هالحركات <<نقطه ضعف الحريم العين ويقولون ماحست بالتعب
ياويلهم من الله اللي يحسدون الناس<<< شطحه
وخوتامن<<اخوص ياام اللغه
1_اولا ماكل شئ يسويه التجار نسويه يالطبقه الكادحه العامله نحن يالشعب السعودي هم عندهم دراهم وحنا ماعندنا الا تسلف وديون ومهنت خامس ولاهنا دبره والتجار 10%من الشعب وحنانقلدهم
2_مهما سوينا يالشعب السعودي حسيت اني مسؤل كبير
ماراح نوصل مواصيلهم ابدا
ونتعب من ديون ونفسيه نظل<<للحين تدهر نظل
نحس اننا انقص منهم مهما سوينا
3_ومن ناحيتنا الدينيه اسررراف والمسرفين اخوان الشياطين
والشيطان كان لربه كفورا
ويظل الاصل والجوهر الداخلي مثل ماقلت يا بعدي
ماضر هالمراه الله يحرمه من النار لامن مجتمع ولامظهر
زبدة موضوعنا الإهتمام بالمظهر الخارجي مع الإعتدال والترتيب والبساطة واحترام كوننا مجتمع محافظ للدين والعادات والتقاليد شيء جميل صدقوني
, اتمنى إني أفدتكم بموضوعي واتمنى إننا قدرنا نوصل لكم الفكرة واتمنى إني أصبت في التعبير عن الموضوع بالشكل المطلوب وطرحة بالطريقة السليمة واتمنى مامليتوا وأنتوا تقرونة واتمنى محد يقول ما أخس من موضوعها( كم مرة قلت اتمنى ؟ )ونهايه الاذاعه<< تذكرت ايام المدرسه على الصبح اذاعه وبعد هل تعلم <<منقهره للحين
نشكركم لتحمل تعبيرنا المنتاز<<ايه هين لوابحلف اعنونكم تصابخن ماتدرون وش نقول من كثر القرق
انطلقوو بحفظ الله بالحكي ونقبل حسناتكم على حسابنا الجاري مادمنا على قيدالحياه وحتى لمتنا
وخوتامن<<كم مره قلته جمعوه ولكم تذكره سفر للمشتري
تقبلوا تحياتي والا موضوع قادم....
كانت معكم كاتبه الموضوع/بنت أطيب إنسان
الله يجزاك خير .. بس ياكثر التعليقات بموضوعك .. لوقللتي منها افضل ..
تسلمي على الموضوع ..