لما قريت موضوعك شفتك مثالية بزياااادة


لي عودة مع مزيد من التفاصيل وعساك تستفيدي

لكن باختصار إلى أن أعود

مو شرط شغالة
ومو شرط تنظفي ولا تمسكي قشة ببيت والد زوجك واخوه

راح ارجع واشرح وقت ما افضى ان شاء الله

الغدا جهزي بالليل صينية دجاج بالفرن مع الخضار او بدون
مكرونة باشاميل
اي صواني تدخل الفرن
وصواني الدجاج فيه طرق منوعه كثيرة
واذا جيتي الساعه وحدة دخليها الفرن وسوي الرز ولو حبيتي السلطة وارتاحي شوي على جية ابو زوجك يكون الغدا استوا

العيال سوي لهم جدول بالمهمات وفيه اشارة صح وخطا وهدايا وعقوبات بالاخير لا تتهاونين فيها خليك صادقة وعند وعدك

الصحون استخدمو بلاستيك والكاسات كذلك
حتى صواني الفرن استخدمي قصدير اطبخي وارمي

الغسيل كلللله خليه خميس وجمعه

الكنس مرة بالاسبوع بيتك ومرة بيت ابو زوجك ومافي مانع تخلين زوجك يكنس بيتك بما انك بتكنسين بيت ابوه

غرفة العيال سوي لها جدول مثلا عيالك نفترض انهم ثلاثة يصير كل واحد مسؤول عنها يومين وانتي تدخلين تقيمين وتشوفين كانت افضل شي بادارة مين وياخذ جائزة واسوأ يوم بادارة مين ويتعاقب

لا تهلكين نفسك لازم الزوج والاولاد يساعدونك باعمال المنزل

واستعيني بالله والله يكتب اجرك

يووه كل ذا بتسويه ولا ودك تشتكين لا يختي جزاك الله خير على طيبتك ونيتك الزينه


البيت لازم له شغالتين وحده لك ووحده عند ابو زوجك صعبه صعبه بتلحقين

حتى والله لو ما وراك دوام بتتعبين صدقيني


وبرك بأبو زوجك كفايه تتقهوين معاه وتاكلين وتسألين عن حاله وتبتسمين بوجه هذا اعظم شي

يختي لا يكلف الله نفسا الا وسعها كل ذا بتسويه حرام بدنك له عليك حق وزوجك

عاد انتي جربي وبتذكرين كلامي

ربي يعطيك الصحه والعافيه ويعطيك على قد نيتك

الله يعييييييينك ياااااعمري مرة الشغل كثييييير
بالنسبة لغداء ابو زوووووجك زي ماقاااالت وحدة هنا او تطبخي اللحمة او الدجاج من الليل واليوم الثاااااني ترمي الرز
بالنسبة لغرف الضيييييوف انا حااااااطة قماش عليييييهاا ومغطيتها عن الغبرة حتى الطاولاااات والفااازااات ومرتااااحة بس لما احد يدق ويقووووول بنجي بس انفض الستااااارة وامسح المكيف واشيل القماااش واكنس الفرشة وامسح السرااااميك وارتحت من التنفيض ومسح الطاولات
والحمامات تبع الضيوف مع المغاسل مرة بالاسبوووووع
واخصص يومين بالاسوع للغسيل وملابس زوجي والاشمغة عند الكوااااي لااااازم حبيتي توووووديهااا لانها تاخذ مجهووووود ولما احسبها اخر الشهررررر تووووصل يمكن ٥٠رياااااال تقريبا
والمطبخ بعد مااطبخ على طوووول اغسل الموااااعين مااحب ااجلهااااا بس بالنسبة لك موضفة ممكن بعد ماتصحي من النووووم بس اتكونين حاطتها في طشت كبير فية موية
وتمسحي الفرن والرخاااام عالسريع وبالاسبووووع مرة شيلي الي عليه ونضفي من تحتة ونضفي الاشياء الي علية وبعد كم يوم مسحي السراااميك
بالنسبة للكنيس انا كل يوم او يوم بعد يوم انضف الفرشة الي احنا عليها وسراااميك البيت بعد ثلاث او اربع اياااااام
وحمامنا انا وزوجي كماااان بعد ثلاث او اربع اياااام بس كل يوم اصب شوية ديتول وكلوركس عشاااان يعطي ريحة
وتمسيح الكوميدينات التسريحة وطاولة التلفزيووووون بالاسبوووع مرتين مرة اشيل الاشياء الي عليها ومرة عالسرييييع
ولو تقدري ياقلبي اتجيبي شغلة تجي وتروووووح اتنضف بيت ابو زوووجك
وبس هذا الي قدرت افيدك بة ادعيلي اني اكممممل دراااااستي ويسخرلي زوووووجي

لبدنك عليك حق ,
حاولي تجيبي شغالة ولو ماقدرتي اهنمي ببيتك وأولادك ,وابو زوجك وأخوه اخدميهم بحدود المعقول مثلا الغداء أنتي طابخة طابخة وتنظيف شقتهم يجيبون عامل ينظفها يوم بعد يوم ,أما تداومين وتطبخين وعيال وزوج وبيتين والله تعب وبتتعب نفسيتك وبتهملين نفسك
الله يسهل أمورك