*** موظفة وتبين ترضعين طبيعي؟؟ ولا تزيدين كمية الحليب؟؟***

السلام عليكم مرة ثانية :23:

نسيت اقولكم فوائد ثانية للشفط وهي انك اذا تعودتي تشفطين بعد كل رضعة لطفلك يصير صدرك يدر حليب اكثر لانه معروف عن الرضاعة الطبيعي انها تعتمد على مبدأ العرض والطلب يعني كل ما زاد الطلب من الطفل والمص زاد الحليب ( وهنا ممكن نزيد الطلب بالشفاطه ليزيد العرض ) :55:

وبعدين مهم جدا انك تبدأين تسوين لكن مخزون من الحليب ( مو كثير مره لا بس حق الاوقات اللي مو موجوده فيهم ليومين يعني 4 رضعات وتزيدين بالتدريج ) بس لا ترهقين نفسك ... اهم شي الراحة :27:

فيه اوقات ثانية ممتازة للشفط وهي لمن يكون الطفل نايم لوقت طويل وصدرك يتحجر ... او تكونين طالعة اسحبي كمية قبل تطلعين ... حاولي تحافظين على اوقات الرضاعة اما بطفلك او الشفط علشان الصدر يستمر بالانتاج

نجي لطريقة حفظ الحليب :19:

لازم يكون عندك اوعية نظيفة يفضل الزجاج لكن البلاستيك عملي اكثر

عندك اوعية التحاليل ( زي حقت المستشفيات للبول والبراز وانتي بكرامة ) تجي معقمة وعليها المقاسات علشان تعرفين كمية الحليب وهذي ممكن تشترينها من اي محل معدات طبية وبالرياض عندك شارع الضباب مليااااااان

او ممكن بأكياس خاصة من عند تويز ار اص ماركة Gerber مثل هذي


لا تستخدمي اكياس عادية لان هذي مخصصة ومعقمة وممكن اغلاقها جيدا :13:

او ممكن تستخدمين الرضاعات العادية بس تتاكدين من اغلاقها جيدا يعني مو بالحلمة والغطاء لا بالدائرة اللي تجي مع الرضاعة :31:

الحلقة الثالثة:

راح تكون عن اسئلة واجوبة

س: كم المدة الممكنة لتخزين الحليب؟؟
ج: من الممكن تخزين الحليب بالثلاجة لمدة لا تزيد عن 8 أيام وبالفريزر لمدة ما بين شهر الى 3 اشهر واذا بفريزر عميق لا يستخدم كثير ممكن الى 6 اشهر :32:

س: هل من الممكن اضافة حليب جديد الى حليب سابق؟؟
ج: نعم في بعض الاحيان يكون لديكي كميات بسيطة من الحليب وتريدين اضافتها لعبوة واحده لكن يجب مراااااعاة ان يكون الحليب الجديد والسابق بنفس درجة الحرارة يعني تبردين الجديد او تدفين السابق ثم تضيفينهم لبعض حتى لا تفسد الطبقة العليا من الحليب السابق :11:

س: كم مدة الشفط من الصدر؟؟
ج: تعتمد مدة الشفط على كمية الحليب بصدرك .. يعني اذا كان صدرك متحجر وفات وقت رضاعة الطفل راح يكون الحليب كثير ... وكقاعدة عامة اشفطي الين يخلص الحليب علشان يتم انتاج حليب جديد بنفس الكمية السابقة ... واذا حليبك كثير ما يخلص بسهوله اشفطي الين يقل
وممكن تختصرين الوقت وتخلين الطفل يرضع من صدر وتشفطين من الصدر الاخر لمدة ربع ساعة ثم تبدلين الصدر بحيث يرضع الطفل من الصدر الثاني وانتي تشفطين من اللي رضع منه الطفل

واقل مده للشفط تقريبا 10 دقائق وتمتد الين 25 دقيقة لكن اذا ما فيه حليب لا تطولين بالشفط علشان ما تتألمين :06:


تعبت الحين واللي عندها اي سؤال تتفضل :27:

دعواتكم :)

هلا Shine Star ومشكوووره على الموضوع المهم جدا وفعلا معلومات حلوه ، بس عندي كم سؤال ؟؟؟
1- هل طريقة الشفط عمليه( بالاله الاولى وكم كميه الحليب اللي تعطيها ) وكم شهر يظل الحليب يدر من الصدر ولا يجف بهالطريقه؟؟
2- سمعت عن الحلبه والطحينيه انهم من مدرات الحليب وحابه اعرف ايش نوع الطحينيه المقصوده وهل فيه اطعمه غيرها مدره للحليب افيدينا الله يعافيك.....
3-هل تغني عن الحليب الصناعي الاشهر السته الاولى والا لا بد من الحليب الصناعي؟؟ وجزاك الله الف خير

حياك الله اختي وانا قلت اسألوا والله يقدرني على الاجابة :26:
1- بالنسبة للشفط ما يجفف الحليب بالعكس يزيده لكن بشرط انه ما يكون شفط لحاله ولفترات بسيطة ... يعني الافضل انه طفلك يرضع منك علشان مع حنانك لطفلك يدر الحليب ... وفي الاوقات الثانية تشفطين وما هو اقل من 10 دقائق وكل مره تزيدين شوي علشان يتعلم الصدر يدر :27: وبالنسبة لكمية الحليب تزيد تدريجيا مع عمر الطفل ومدة الشفط اللي تدربتي عليها ... يعني كل ما كبر طفلك زادت الكمية اللي تطلع لك من الشفط وكل ما زدتي المدة حصلتي على كمية اكثر

2- وانا مثلك سمعت بس بصراحة ما عندي فكرة كبيرة بس اللي متأكدة منه وملاحظته على نفسي هو شرب السؤال بشكل عام والحليب والعصيرات بشكل خاص ... والاهم من ذلك مثل ما قلت العرض والطلب ... الرضاعة او الشفط كل ساعتين او ثلاث ساعات

3- الشفط هو علشان تستغنين عن الحليب الصناعي ... يصير ترضعين طفلك مباشرة من صدرك وفي حالة تعذر ذلك تعطينه من اللي شفطتي وخزنتي بطريقة صحيحة مثل ما هو موضح اعلاه :26:

وانا بعد استعملت الشفاطة اليدوية وعذبتني مؤلمة وماتشفط عدل يعني الكمية اللي تطلع قليلة جدا ..... قمت ما استعملها بس اعتصر الحليب بالطريقة اليدوية واخزنه بالفريزر والحمدلله ... الصبح قبل ما اطلع حق الدوام على طووول ارضعها ... واذا رحت الدوام يعطونها رضعة من الفريزر بعد مايدفونها .... واذا ياعت مرة ثانية يعطونها شاي اعشاب او ينسون وايد مفيد الى ان ارجع وارضعها ... اذا كانت نايمة او توها شاربة الاعشاب اخزنلها رضعة بالفريزر علشان اعوض اللي اخذتها ....