احتياجات الانسان العاطفية والنفسية تختلف، ما انوجدنا كلنا بنفس المخ والأفكار.. فيه ناس يناسبها تعيش بوظيفة وزواج وناس بشي واحد منهم، وناس ماتبي وظيفة تبي مشروع وعمل حر.. ف لا تقارنين نفسك بأحد وفكري أنتي وش يسعدك ماعليك من غيرك

انتبهي من كلام الصحبات
والله حريم كثار مقتنعين بحياتهم
وعايشين ببسطة وسعادة
تجى وحدة مثل صاحبتك وتلعب بعقلها الين تدمر حياتها
وصاحبتك ذي لوجاها العريس المناسب والله ان تترك الوظيفة وتقابلة

بالنهاية الوظيفة عشان الفلوس والفلوس تشتري الاغراض والاغراض تعطينا احساس بالسعادة والرضا

وانتى عندك احساس بالسعادة والرضا بدون هالمشوار الطويل

كذابة بنص عينها

ماتحكي لك عن الجانب المتعب في حياة الموظفة
وعن قومة الصبح

وشغلت اللبس والميك اب والقعدة للظهر ولا اخر اليوم برا البيت واحيانا الكرف
صاحبتك تغير ررررررررررررررررررررررررررررررررررررررررررررررررررررررررررررررر
انتبهي منها

شغل المقرنات ماله داعي موظفة مو موظفة هذا شي ما يخصها
الفطرة الطبيعية الزواج والعائلة والماجستير الناس يدرسوه باي عمر واغلبهم بالثلاثينات وفوق

سبحان الله اثبتت من كلامك ان ماحد مرتاح في هذه الدنيا انتي متجوزة وتشوفي غيرك الموظفة واحنا الموظفات نتمنى نكون مكان المتجوزات وهذا حال الدنيا ماحد راضي بنصيبه

السلام عليكم ورحمة الله وبركاته


نظرة سطحيه ( قالوا ويقولون )
اتوظف عشان مايقولون لي : عاطله !
اتزوج عشان مايقولون عانس !!






الحياة اكبر من كذا ولا مقارنة ..‼️

-◀︎ الوظيفه ، قد تكون خير ..
فيها كرامة ماليه💰 ..تخططين /تدبرين /تتصرفين بمالك
بدون مااحد يتحكّم بالميزانية او المشتريات ويسالك ..ليش تبين ؟
【 لكن هل هذي كل الحيــاة ⁉️ ...اكل واشرب واشتري ⁉️ 】


والواقع ، ان هذي الكرامة ماتحصل لكل الموظفات حتى ..
هناك المتزوجه ، اللي يرفض زوجها النفقه عليها ظلماً بحكم انها موظفه / وهناك اللي يطمع بمالها وياخذ منه .
وهناك ايضاً من الازواج يرفض ان تنفق الزوجه بالكليه على بيته و اطفاله " كما اشتكت وحده من العضوات هنا "
وهناك ايضــــاً من تمحق بركة مالها وكدّها ، بذهاب اكثر مرتبها ، مصاريف ورواتب على السائق والخدامه والحضانه والمطاعم ....الخ


فليس ضروري ان الوظيفه تعزّ صاحبتها وتُكرِم ، كل انسانه لها ظروفها المختلفه ..
ففي بعض الحالات ان ترتاح صاحبتها من الوظيفه اكرم واعزّ لشأنها كـ زوجه / انسـآنة ♥️


من جهة اخرى بعض الوظايف قد تكون وبال آخروي لصاحبتها 💔
وتسقطها في دركات من الذنوب ، والاثام التي تفسد حياتها وتخسرها النعم وتحرمها الرزق قبل الخسارات الاخرويه
فتجدينها ، تتحدث مع الرجال و لاتحفظ المساحه بينها وبينهم تتزين وتجمل يدها بالاساور وتتكحل بحجة ان الزبائن نساء
وتخضع بالقول بحجة خدمة العملاء
وتتزين بالعباءه المجسده والغير فضفاضه بحجة انها عمليه ووووالخ


فأي خير بهذي الوظيفه على صاحبتها 💔💔
بل وحده سالت عن مقابله عمل ماتصنع هنا بالمنتدى ، اجابتها وحده من الغافلات هداها الله صراحه !!
اجيبي بنعومه على الاسئله ؟؟‼️⁉️
اي تواصى هذا ؟؟ تفاجـأت هل نحن مسلمات ؟


عجيب هذا التدهور في احوال النساء








،




◀︎ الزواج
امر مختلف تماماً عن نظرة صاحبتك الجاهله
هو استقرار عاطفي ، وسنة الحياة وسنة النبي صلى الله عليه وسلم
سمي شرعاً ( سكن ) ( لباس )
لتقارب ، وهو شي مختلف تماماً
عن نظر البعض السطحي ، اللواتي ينظرن الى الزواج على انه
صورة اجتماعيه : كوني متزوجه / او مظاهر سطحيه / اطلع اشتري وبيت مستقل .....الخ
هذي امور سطحيه جوفاء ..

لا تظلمين البنت وتقولين تغيير
صدق فيه بنات مايبون الزواج وتكرف ليل نهار ودوام شفتات وعسل ع قلبها


تعب بإنجاز وشهاده حلم كل بنت شوفي هنا بالمنتدى يصايحون من ازواجهم وظلمهم وتقصير حتى بالطلعه محسوبه عليهم لازم هو اللي يطلعها
عكس الموظفه شورها بيدها وفلوسها بيدها واتحدى رجال يعطي زوجته ٣ الالاف شهري اغلبهم الف ويذلها بعد
هذا اللي بيوصلونه الموظفات ماقالوا اتركي زوجك وولدك
لما نجي نتكلم نتكلم ع العموم مانتحيز ونقول تغار ميته احد يتقدم لها بالاخير
الزواج اختيار مو اجبار واعيدد واقولك شفت بعيني اللي رافضين الزواج واعرف البنات عز المعرفه ولا هي وحده ولا ثنين
كل وحده ترسم لها حياتها فيه اللي تدفن شهادتها وتكرف للرجال وتعطي من عمرها لين مايدفنها ويهينها والمنتدى شاهد
الوظيفه امان وسند وعز بعدالله الوظيفه ماتخون ولا تهين وتسب الزوج يطلق يموت تبقى شامخه بشهادتها ووظيفتها
الزواج مكمل للبنت بس الشهاده اساس لكل بنت وفيه كثير عاشوا وتوفى بدون زواج ماضرهم ولانقص منهم
والله يهديك لا تظلمين احد فعلن صاحبه الموضوع صغيره وحامل وعندها ولد وش قدمت لنفسها ماراح تصحى الا بعد ١٠ سنوات بعدين تجي تتشكى لا دراسه ولا اهتمت بنفسها وتطارد بين زوجها وعيالها
عمرك صغير عطي نفسك حقها من التعليم وعطي زوجك بعد وعيالك ونظمي بين اطفالك افضل لك