موظفه ومقصره في عيالي وزوجي وش الحل

السلام عليكم ورحمة الله

انا موظفه وعندي بنت 4 سنوات وولد3 شهور ...... احس اني مقصره مرررررررررررررررره عند زوجي لا البس ولا اتكشخ ولا لي نفس لشي ودايم صايره كسوله

بنتي ما اقدر اجلس معها ولا ساعه ... ودي اعلمها ودي احفظها قران بس مالي خلق عليها وبصراحه بنتي انصرفت للخدامه دايم تلعب وياها وهذا اللي جننيته من كسلي


طبعا اهمالي جاي من الوظيفه لاني اتعب واجي منهد حيلي ولا اقدر اجلس مع بنتي ولا اقدر اسوي شي


الله يخليكم طالبتكم طلبه ساعدوني ساعدوني ساعدوني ......... ابي بنتي تصير موهوبه لان الطفل متحمس للتعليم واهله يطفونه .......... بالله عليكم وش اسوي لمين اتفرغ لزوجي ولا لنفسي ولا لولدي الصغير ولا لبنتي



والله احيانا ودي اصيح وودي اطلع من الوظيفه بس تعرفون الحين الناس في امس الحاجه للوظيفه لان الغلاء زاد



نصيحتكم لي

كيف اعلم بنتي ما ودي اطفيها ولا اعلمها لان ما شاء الله عليها احس فيها نبوغ بس يبي لها احد متفرغ وانا عندي فراغ بس مو مرتبه مع ان عندي خدامه بس واالله مو عارفه


مشكورين مقدما (( اي وحده تبي تهزىء تهزىء استاهل .. يمكن احس على نفسي والله متضايقه كثرت المسؤليه ))