موظفه ٤ سنوات وما ادخرت شي

صدقيني اذا خصصتي جزء للصدقه هذي باذن الله أول استفادة من الراتب
خصصي مثلا 1500 اقل شي وحطيها باوقاف
ثم شوفي امك واهلك اذا احد محتاج عطيه لانه مهم تفيدين غيرك لو 500
وادعي الله سبحانه كثير يبارك لك ويسددك باستخدامه في اللي فيه الخير لك لانه الإنسان مايدري وين الخيره فيه

حملي تطبيق مصاريف و حطي فيه كل الفلوس الي تدفعينها خلال اليوم


و ترى توك 4 سنوات و راتب 9 يمكن ما تجمعين مبلغ كبير .. و حاولي تجيبين تأمين انتي أو زوجك عشان العلاج و المراجعات


إذا كتبتي مصاريفك بتعرفين وين الخلل بالضبط

مستخيل 9000 ريال تتبخر وماتعرفين وين تروح
راجعي نفسك وحياتك
وبخصوص زوجك احذري من سالفة انه يسحب يده من واجباته النفقه واغراض البيت والفواتير والسكن والكسوى
ترى كل ماسحب يده يعني الاعتماد كلي صار عليك وتجلسين تصرفين ومانتي عارفه كيف طارت الفلوس
وهو تلقينه مجمع فلوسه ومدخرها ومطمن راسه ان معك فلوس
اجلسي فكري وراجعي نفسك بهدوء وبدون تعصيب او لوم وعتاب
ثم ابدأي حطي النقط على الحروف وصححي اوضاعك وخففي تنازلات وتضحيات على الفاضي
وخصصي مبلغ شهري تدخرينه بحساب ثاني شهرياً استقطاع مبلغ ثابت ومهما حصل لا تسحبين منه
زوجك نوعيته اذا شاف مع زوجته فلوس يرفع يده من كل شي ويعتمد عليها وهذا شي مرهق كثير للزوجه وبعد كم سنه تصير مثلك تحس انها مفلسه ومستنزفه مادياً ومعنوياً وانه في شي غلط وحمل ثقيل على ظهرها

أنا مثلك وكمان لي 15 سنه
وكنت اصرف واتحمل مسؤوليات غيري
لكن خذيها نصيحه مني خلي لك حساب ثاني وادخلي جمعيات
ابعدي قد ماتقدري عن القروض تهلك هلاااااااك
خليك مع ناس ثقه ومن جمعيه لجمعيه تلقين نفسك مجمعه مبلغ زين واشتري أرض وبعدها كمان نفس الشئ واشتري أرض ثانيه وبعدين بيعي وحده وعمري بها
حتى لو زوجك وضعه تمام خلي شئ لك أنت هذا تعبك انت أحق به
والله نفسي امسك كل موظفه وانصحها لكن الحريم تحكمهم العاطفه
الله يبارك لك في رزقك
وأنصحك بكفالة الأيتام وامك وابوك

فعلا صعب تتبخر اذا مانتي راعيه مطاعم ولا تشترين ذهب ولا تسافرين
ارجعي سوي قائمه مصروفات وشوفي وين تروح فلوسك
ساعتها بتعرفين مكان الخلل