جيتي قبل موعدك.. يابنت وش عجلك ؟
احرجتي القلب لارحّب وهّلابك
جيتي وفيني سؤال شلون بستقبلك
وشلون اروض جموحي قبل يهدابك
كنت استلذ الحراوي فيك واستعجلك
وارتب الشوق فيني قبل ترحابك
كم كان شوقي على لقياك يتخيلك
لآقبل حضورك يداري شرهة غيابك
كنت اغصب الدرب لو هو مايبي ياصلك
واشفق على جيتي واشره على بابك
واليوم جيتي بداعي الشوق لمدللك
من زود شوقي بغيت اقول ..وش جابك؟
حبيبتي ودي آخذ ليلتي باولك
اببتدي بك ولا ادري كيف ببدابك
بجيك غيمٍ فتقه البرق واهللك
مزنٍ يبلل ظماك ويابس ترابك
واضّيفك في حنايا الصدر واتعللك
من سرمدية هدبك.. لفجر عنابك
يا اظلم الناس بعيونك ويامعدلك
ببقى تحت رحمتين الكحل .. واهدابك
شوفي ضلوعي مواريدٍ عن منهلك
وشوفي جروحي توالت منك باسبابك
رحتي على موعدك .. بالله وش عجلك
وان قلتي الصبح .. قلت الصبح وش جابك؟
للشاعر
محمد آل دحيم
لكم مودتي
يلزم عليك تسجيل الدخول أولًا لكتابة تعليق.
الصفحة الأخيرة
لكِ مني كل الشكر والتقدير على ما نقلتِ لنا
أسعدكِ الله في الدنيا والآخرة وفتح الله عليكِ
لا عدمناكِ