السلام عليكم
كيفكم بنوتااات
اعرفكم عن نفسي اول شي
انا عمري 24 سنه قبل 3 سنين حملت وزاد وزني في الحمل من 80 الى 95:icon28::icon28:
وبعد الولاده القيصريه صار 86
مايحتاج اقول لكم كيف صار بطني مترهل مكان العمليه
الحمد لله قدرت انزل وزني لـ73
طولي 170 يعني قريبه من الوزن المثالي
بس البطن السفلي لسه طايح والجلد مترهل
حاولت رياضه بس مانفع
قلت مابدهاش راح اشوف موضوع شد البطن
فتشت في النت عن دكتور في الشرقيه ولقيت الكل يمدح في دكتور سمير سمباوه بمستشفى سعد التخصصي
اتصلت فيهم واخدت موعد اليوم الساعه 2 الظهر ان شاء الله
المشكله
ان انا وراي سفر طويل بعد اسبوعين وامي البارحه سوت لي سالفه تقول مافي عمليات وانتي وراكي سفر
انا رايحه استشير الدكتور لا قررت ولا شي
بس عشان اخذ منه معلومات عن سعر العمليه واذا اقدر اسويها قبل مااسافر ولا لا
وهل لازم انزل وزني زياده ولا كذا كويس
وهل احتاج لشفط دهون بعد ولا لا
يعني القصه كلها تقيييييييييييم
ان شاء الله اليوم رايحه واقول لكم شبيقول لي الدكتور
ادعولي بنااات:09:
The Red Rose @the_red_rose
عضوة فعالة
يلزم عليك تسجيل الدخول أولًا لكتابة تعليق.
انا ولدت أربع قيصريات ,وبعد كل ولاده يصييربطني مترهل بشكل مقرف, بس مجرد ما أطهر وابدأ اصلي واحاول اثناء الركوع والسجود ان أشفط بطني مع اطالة المدة واستمر على ذلك مايمضي شهر الا بطني مشدود بشكل لابأس فيه ومع الاستمرار يتحسن اكثر.
الصفحة الأخيرة
صادقه امك احسن شي بعد ماترجعين من السفر لانك راح تحتاجين لفترة نقاهه بعد العمليه
موفقه إن شاء الله :)