موعد مع الفرح 🥺♥️

صباح الخير لكل أخواتي
موضوعي فضفضة لاأكثر♥️
أنا إنسانة ربنا طرح فيني حنية وحب للأطفال أحبهم ويحبوني من كنت صغيرة إلى ماكبرت أجمع أخواني الصغار وأحكيهم قصص قبل النوم أجمع فلوسي وأهديهم كل بعد فترة، وكنت إذا اجتمعنا بالعائلة وفيه أطفال كثير أجمعهم وألعبهم وأحب ضحكهم برائتهم وسوالفهم وحبهم ليه♥️، وقت النجاح أشتري لهم فوق ١٠ أطفال كلهم هدايا بسيطة مايمر عيد إلا وأجهز لهم عيديات تبسطهم على حسابي وأنا طالبة، باختصار والله ماتتخيلون كثر حبي لهم وحبهم ليه أول مايشوفوني جري وأحضان عارفين إني معايه شيء يفرحهم😔♥️ أذكر مرة جاتني طفلة تشحد حزنت عليها وتركتها وهي تتمسح فيني ماكلمتها أبد! وطبعا خاصموني أهلي هذا ضعف منك وو ومرة جاتني واحدة ورحمتها وأعطيتها حاجة من شنطتي أحتاجها بس قلت يمكن تفرحها! ، تزوجت وأنا أعد اليوم باليوم عشان أحمل لو قلت لكم مدة زواجي بتقولون مستعجلة! والله من حبي وعشقي للأطفال ودي أحمل اليوم قبل بكرة موعد الفرح بالنسبة ليه هو خطين باختبار الحمل! ايوا الحمل بإذن الله هو بيكون موعد الفرح بالنسببة ليه أنا ودي أحمل وأصير أم ودي أشوف بطني تكبر يوم بعد يوم ودي أحمل قطعة مني وأكون له أحن وأجمل أم 🥺♥️


لعل فيكم من أقرب إلى الله مني ادعوا لي ♥️♥️