فسفوريه مشكورة حبيبتي عالنصيحة بس خايفة لان البنات قالو المنطقة الحساسة مانقدر نستخدملها اي شي؟؟؟ وخلطة شسالفة فيها فكس اخاف يكون حاااااار

يعني انتي جربتيها وجابت معك نتيجة؟؟؟؟؟؟؟؟ لان بعض البنات مالاحظوا تغير بلون بشرتهم؟؟

بس ولا يهمك راح استخدمها لجسمي بعد ما اخلص من هالمشكلة قووووولي آمييييييين

السلام عليكم ورحمة الله وبركاته ..

أختي اتكلي على ربك .. وروحي لطبيبه او طبيب جلديه ةقبل لاتروحين للطبيبه اهم شيء قولي لأمك اكيد راح تساعدك وتروح معك لطبيب اذا كان رجال يمكن ماتلقين طبيبه لأحسن تقولين لامك مشكلتك عشان تروح امك معك ولا راح الطبيب يشوف كل شيء فقط جزء بيسط انتي تظهرينه له ..

انا عن نفسي كانت عندي مشكله اللي هي حبوب بنيه اللون قاسيه ومستديره تكون تحت الابط تكثر في الجانبين يمكن من نوعيه من السنتيان مرت علي مده طويله مااحد يدري عن اللي فيني حتى خواتي وامي اللي خلا امي تدري ان وحده من خواتي شافت الحبوب بطريقه غير مقصوده رحت وقالت لأمي امي اصرت انها تشوفهن انا اقولها ماتوجعني ولا شيء بس مشوهه جوانبي انا وريتها امي امي انجنت الا نروح للطبيب قالت لها لا رجال لا قالت انا معك رحت للطبيبه والله ماعندها سالفه خلتني اجي وداوم عندها على كريمات ولا احس بالكريم اي تأثير في الحبوب وكل ماجيت لها بموعد تعطيني نفس الكريم تقول نزود المده اقولها مافادني تقول نزود كم اسبوع انا عاد تعبت الطبيبه زوله وش اسوي فيها قلت لها شليهن مثل ماتشيلون الثواليل قالت اول نجرب الكريمات بعدين نلجئ لكي او الليزر والله ماادري عن هالزوله تعبت من الكريمات كأني احط دوف على جسمي تركته ولا استخدمت الكريمات اللي تعطين صرت اجي لها كل موعد وكل ماشفتالحبوب تقول شوفي هذي مختفيه وتدور المختفيات والله حاله هههههههههههههه ماتدري ان تركت الكريم من زمان وانا اناظر امي وتقول والله انها ماعندها سالفه قالت امي انتي ليش تطولينها معنا نبي نخلص تعطينا كريمات مالها داعي وتقولين مختفيات وصاحبة الحبوب هي ادرا ماتغير فيها شيء اقولها ماتغير تقولي الا ..!!! جسمها ولا جسمي والله عجب ؟؟؟
طلعت هذي الطبيبه الجلديه ماعندها سالفه بمعنى الاصح كمخه راحت وجابتلي إستشاري جلديه رجاااااااااااال انا عاد نقزت قالت لامي ماابي هونت قالت امي الا الرجال احسن من الحرمه هههههههههههههه تعقدت امي من الطبيبات بعد هالسالفه :D
<< جايها طراق هههههههه
اطبيب قالي اكشفي المنطقه اللي فيهن حبوب انا طلعت له جزء بسيط مو كشفت كل شيء بس على كم حبه طبعا ً بمساعدت امي الله يخليها لنا يارب والحمدلله عطاني كريمات ازالت بعض من هالحبوب

لذلك اختي نصيحه مني روحي للطبيب لو كان رجال اتكلي على ربك واقري معوذاتك وسمي بسم الله وإن شاااااااااااااااء الله ماراح يصير الا اللي تبينه وتتمنينه ولاتنسين تقولين لأمك لان الامهات ادرا بكل شيء

اختي انا وين ،،
انا انصحك مثل ماقالو لك الأخوات انك تراجعين طبيبة هذا افضل حل حاليا وخصوصا انك تعانين من نزيف بسبب الجفاف الي تعانية المنطقة..
شوفي اختي انا ماني طبيبة بس انا حدثت لي مشكلة في بداية زواجي ، طلع لي حبوب على المنطقة رحت لأكثر من طبيبة ولكن مالقو لي حل ، ماهم عارفين وشي ، اخر وحدة قالت لي يمكن مسام شعر منتفخ!!! المهم عطتني كريم عصار، وقالت لي استخدمة بأني ادهنه على المنطقة وبعدين اراجعها بعد 5 ايام،
طيب انا بنت شطورة وسمعت الكلام واقوم في الليل وادهن المنطقة بالكريم الي قالت لي عنه ، طبعا في ذيك الليلة زوجي مسافر وامي مسافرة وانا قاعدة مع أخوي أههههه احس اني تذكرت العذاب الي مريت فيه.
المهم صحيت بالليل من نومي وحسيت كأن في عنده جفاف شديد في المنطقة وحسيت انها شادة طبعا هذا كله حسيته وانا اتقلب ..من كثر مأنا نعسانه ماعطيت الموضوع أي اهتمام.
صحيت الصباح وأنا أموت من الألم رحت وانتي بكرامة للحمام لقيت المكان شبه محروق،بغى يغمي علي ، بعدين استنيت لحد ما داوامت الدكتورة الي وصفته لي واتصلت عليها بالتلفون وقلت له صار مع كذا وكذا ، قالت لي عادي هذا يحرق الحبوب وانشالله اليوم ويخف الآلم ،صدقتها وقعدت طول يومي وانا ابكي ،ومانمت ليلتها وجا الليل والاقي المكان انعدم،
واستني لحد ماطلع الصبح واروح لطبيبة في مقر عملي ويدخلوني عليها اسعاف، ويوم شافتني قالت لي مين سوا فيك كذا ؟ ايش هذا؟
وانا اصيح واعييييط من الآلم والحسرة ، قعدت افكر ياربي وشأقول لزوجي ، وش أسوي،
المعم عطتني بيكربونات الصوديوم وقالت توضي فيها بموية دافئة في اليوم 4 مرات ،وعطتني مضاد حيوي(حبوب) وعطتني كريم عبارة عن مضاد اسمه فسودين ، الي عليه رسمت اسد وقالت لي استمري عليه ..نسيت مأقولك طلع الكريم الي وصفته لي الدكتورة السابقة دواء لايستخدم إلا بأشراف الطبيب نفسه،وهذا الدواء يقضي على الثواليل!!!!!!

.....
اختي انا عقب الأزمه هذي توقعت اني رحت فيها ،.....بالعكس الحمدالله والشكر له المنطقة عندي طلعت احسن من أول بكثير لونها ولون جسمها واحد ، وللعلم انا ماني سمرة لا بيضه

عشان كذا اختي لاتيأسي وروحي لطبيبة صاحية ، والله يكتب لك الزوج الصالح والذرية الصالحة يارب

حبيباتي والله بائعة المسك ، Jo0Jo0 والله انكم وناسة الظاهر نحن يالحريم مشاكلنا ماتخلص..... كل يوم مشكلة غير شكل؟؟؟؟؟؟؟؟
بس اخلص من موضوع الوظيفة والمقابلة وبعدين اشوف الطبيبة .. وان شالله تكون سنعة مو مثل طبيبة بائعة المسك ههههههه...
لأن من زمان كنت اعالج عن اثار حب الشباب اللي بظهري وحسيت ادويتهم ماجابت نتيجة ملمومسة.... وللحين اللآثار موجودة ؟؟؟؟؟؟؟؟؟؟

كلالالالالالالالالالالالالام سليم :icon28:
أحلى حل وبدون احراج :D



صادقه والله :)