موقع زواج مضموووون وموثوق .. ابي رأيكم في قصتي

السلام عليكم


انا وحده ما كنت اؤمن في موضوع الزواج بالنت


ولا عمري فكرت فيه




لكن من باب الصدفة وقعت على موقع مادري لو مسموح او ممنوع اذكر اسمه المهم ان الموقع لشيخ معروف .. وماسكين الموقع شيوخ ومنهم مأذونين انكحه وائمة مساجد



وهو مجاني ولا يبون شي ابد والحلو في طريقته ان العضو ممنوع يتواصل مع البنت الا عن طريق الموقع فقط يعني ممنوع الايميلات والجوالات وغيرها وممنوع العضو يتصل في البنت .. لازم العضو لو حب يتواصل مع البنت يرسل بياناته بالكامل ورقم تلفونه للمشرف على الموقع وهو شيخ والشيخ هو يتصل بالبنت وينسقون طريقة التواصل طبعا الشيخ مثل ماذكرت بعضهم مأذونين انكحة .. وياخذون صورة من البطاقة الشخصية للرجل عشان يتأكدون انه جاد


المهم اني سجلت فيه وبعد كم يوم ارسل لي شخص رسالة ان مواصفاتي اعجبته

وحابب نتواصل ..كل اللي صار لي معه الحين اسبوعين تقريبا خذيت منه معلوماته كاملة اسمه وين يشتغل دراسته وين ساكن وكل شي وهو في دولة خليجية ثانية

وانا بصراحه مواصفاته اعجبتني هو مهندس وعنده شركة وملتزم وماجستير
وقبيلي

والميزة اللي اعجبتني اكثر انه متزوج :27:


لا تستغربون اني قلت ميزة


هو متزوج وشرح لي ليه يبي ياخذ وحده ثانية

وعنده عيال

وانا اصلا حابة اخذ متزوج والسبب اني افتك من الرجال مايكون معي على طول وكل يوم غير هذا هو في ديرة ثانية

يعني بيشوفني في الشهر مرتين او ثلاث بس

وبيحط لي بيت عند اهلي وبيخليني على دراستي وشغلي وكل شي

والحلو بعد دام انه متزوج معناها ماراح يحن على الاولاد وهذا اللي ابيه

لاني وحده مابي اولاد اقصى شي افكر فيه ولد او اثنين فقطططططططططط انا ضد مبدأ الاولاد الكثير

والحلو بعد اني بعيش حياتي ودراستي بدون ازعاجات الازواج اللي انتو عارفينها ^_^

فكل شي معجبني في الموضوع


والرجال ماصار له اسبوعين ومستعجل دايما يقول بسرعه ردي علي ويقول بجي انا وامي واختي ونخطبك

فيه تفاصيل كثيرة بس ماذكرتها لكم

والرجال انا متأكده ميه بالمية انه جاد وصارحني بسبب رغبته في الزواج وقال لي ان مرته تدري وانه حاول يخطب وحده بس ماصار نصيب يعني مرته تدري انه يبي ياخذ عليها

وانا ماراح اخذه من مرته وعياله يكفيني اشوفه مرات قليلة في السنة انا مو متطلبة ولا ابي عرس ومهر كبير وحركات البنات اللي مالها داعي ماعندي شروط ابد وهذا الزوج اللي فعلا حسيت انه يناسبني وما اظن بحصل زوج بهالدنيا يناسبني مثله


ابي اعرف رايكم ونصيحتكم وطبعا انا بستخير اكثر من مرة قبل لا اقول رايي النهائي

على فكرة انا فاقدة الامل تماما اني اتزوج بالطرق التقليدية وانا الحين بمنتصف العشرينات ولا عمري انخطبت وماحد يعرف عني اي شي لقلة احتكاكي بالناس وعدم خروجي من البيت والسبب دراستي ( كل الناس تقول هالبنت تزوجت الجامعات ماعمرها بتعرس لاني على طول خلصت البكالوريوس ودخلت في الماجستير وبدخل في الدكتوراه ) وهو بعد ناوي يكمل دكتوراه ويقول ماعنده مانع اني اكمل وهذا احلا شي .. وين بحصل واحد يسمح لي اكمل دراستي !!