موقع لتحويل صيغة الpdf إلى doc مهم للطالبات وخاصة طالبات الجامعه والكلية

مهم ي بنات هذا الموقع جدا جدا خاصة للي ماعندهم إمكانية لشراء الكتب والي خلاني أحوس بالنت حتى ألقاه هو سوء الكتب المصورة التي يتم تصويرها عند المكتبات مثل المشكلة الي مريت فيها كنت أبغى جزء معين قليل من كتاب معين واستعرت الكتاب وصورت الجزء الي أبغاه في المكتبه وكان التصوير جدا سيء الكلام نصه ممسوح وخاصة الي في الأعلى وعلى الزوايا المهم رحت أبحث عن نفس الكتاب في النت بصيغة وورد لكن ماطلعلي كل الصيغ الموجودة على النت pdf إلا ويطلعلي هذا الموقع ..
http://convertpdftoword.net/ar.aspx

هذا يحولك صيغة الكتاب من pdf إلى doc أو وورد وبمجرد مايتحول على الوورد تقدري تحذفي الصفحات الي ماتبغينها وتخلي الصفحات الي تبغينها وكأنها الكتاب نفسه مافي لا كلام ممسوح ولا شي كأنك اخذتي نفس الورقة نفس تنسيقها وتتطبعينها وعادي ..

وطبعا هذا الموقع مهم جدا لطالبات الجامعه والكلية ..

وطريقة عمل البرنامج بعد ماتحملي الكتاب وتحفظيه على جهازك تدخلي على هذا الموقع وتستعرضي الملفات على جهازك تختاري الكتاب من خانة ( اختيار الملف ) وتنقري على خانة تحويل انتظري لأنه احتمال يطول لكن مايعدي ساعه وبعد الانتهاء من التحويل يطلعلك خانة تنزيل انقري عليها وخلاص يبدأ يتنزل الكتاب وينحفظ على الجهاز ..

وأي سؤال أنا حاضره :)