الله يجزاك خير ويوفقك من حيث لا تعلمين


بسألك المعهد الي درستي فيه استفدتي ؟
من ناحية الطلاقة باللغة والجرأة ؟ صرتي تمارسين المحادثة بكل سهولة ؟
حسيتي بالاستفادة بشكل واضح ؟ وكم درستي عندهم كم شهر ؟
وكم كانت رسومهم ؟


لأن نفسي ادرس لغة اذا رجعت السعودية ومو عارفة وين ادرس ..
الله يوفقنا وياك

انا نفسي اخذ توفل بنيوهرايزن
تشجعيني وين انتي بااي منطقه والف شكر لكي

يعطيك العافيه حبيبتي
بس حبيت اسال انا دارسه 3كورسات انجلش ونفسي ادرس محادثه بعدين ارجع اكمل الكورسات عشان امشي احسن
المهم اللي ابي اقوله ينفع ادرس محادثه بنيوهورايزن ولا لازم تكون لغتك احسن من 3 كورسات؟
وشكرررررررررا

يوووه مو حلو كذا .. انا لما كنت ادور معهد ادرس فيه لازم اسأل عن جنسية المدرسات و اذا عربيات سحبت عليهم

لان المدرسات الاجنبيات غصب عنك تتكلمين معاهم انجليزي و غير كذا انا ما احب شي اسمه كورس

لان اشوف المحادثه اهم .. احس الكورسات ممله كنك تاخذين دروس في المدرسه تقعدين تكتبين و رى الابله و هي تشرح

و انتي ما يكون عندك فرصه تتكلمين عشان كذا دخلت محادثه



من ناحية الجرأه انا من قبل المعهد جريئه يعني ما استحي اتكلم بالانجليزي مع المطاعم او الدكاتره حتى لو اغلط

من ناحية الاستفاده الحمدالله استفدت .. بس انتي وشطارتك .. زي مره كانت معانا طالبه جداااا خجوله الابله تكلمها ما ترد

تسألني بالعربي تقول ايش قاعده تقول الابله .. و الابله تقول نو ارابك يعني ممنوع العربي .. و ما تركز كثير مع الابله

المفروض هي تقول للابله i didnt understand و الابله بطريقتها توصل لها المعلومه بالانجليزي

بس انا ما كملت مع المعهد لان اسعارهم غاليه بالنسبه لي .. و لقيت مواقع اقدر اتعلم منها اكثر من اللي تعلمته في المعهد

بس الحلو في المعهد انك تمارسي اللغه مع الابله .. و الحلو انه كان معي وحده تتنافس معي يعني نقعد نسأل الابله اسئله و تلعب معانا العاب بالانجليزي

و احيانا تقول لنا اختارو موضوع ندردش عنه و اذا لاحظنا كلمه جديده نقول لها لو سمحتي اكتبيها لنا في السبوره عشان نسجلها

بالنسبه للمده انا درست لمدة عشر ايام بالضبط .. الحصه ب200 ريال يعني كله على بعض الفين

عموما انا كان معي طالبه تدرس كورس عادي و كورس محادثه في المعهد و قالت لي انها ندمت لانها اخذت كورس

تقول المحادثه فادها اكثر لانها تمارس اللغه اثناء الحصه اما الكورس ممل الابله ما تعطيهم فرصه يتكلمون

ان شاء الله اكون فدتك و اذا عندك اي سؤال ثاني انا حاضره



انا بعد كنت افكر في نفس الشي

بس ما درست عندهم خفت اضيع فلوسي على الفاضي

عموما انا سألت قبل كذا و قالو انهم يعطون دروس التوفل ب4000 ريال

انصحك تدرسين التوفل اذا كان عندك خلفيه في الانجليزي يعني مو مبتدئه لاني اشوف ان اتقان المحادثه في اللغه الانجليزيه اهم من الشهاده نفسها

و اهم شي اذا نويتي تدرسي عندهم تأكدي اذا كانت بتدرسك اجنبيه يعني امركيه او بريطانيه او اوا او المهم مو عربيه

و على فكره انا بالرياض ..