شي طبيعي يحب امه اكثر منك كلنا مثلك ولازعلنا تدرين ليه لان الوضع مو غريب قيسي من ناحيتين لو خيروك انتي بين امك وزوجك من تختارين؟؟؟ امك اكيد لان شي بديهي طيب من ناحيه ثانيه لو طلبتك امك شي لو انتي تعبانه بتقولين لا مستحيل طبعا كلنا بنضغط ع انفسنا عشان راحة امهاتنا عشان كذا ريحي راسك ولاتحطين مقارنات عمرك ماراح تكونين الاولى فيه

اغبى سؤال تحبني انا اكثر ولا امك ؟؟؟
حبه لامك مختلف تماما عن حبه لك ما يقارن حتى .. وتبقى الام الاهم طبعا

والله ونعم الرجل الله يوفقه ويسعده
يبشر بالخير في الدنيا والاخره


وش اللي يحبك اكثر من أمه ؟
ممكن يكون مثلما قالو طقطقه لكن انا افترض ان الكلام صحيح
لذلك اذا بغيتي ربي يبارك لك في زوجك وعيالك عيني زوجك وساعديه على طاعة أمه
بكره بتكوني ام وش تبين زوجة ولدك تطردك ويحبها اكثر منك ؟
باذن الله زوجك هذا وأي رجل مثله بيوفقه الله وبيعطيه من الخير في الدنيا والاخره ....
وانتي اسال الله لك الهدايه وراحة البال

ماعمري سألته هذا السؤال وما افكر اساله
اكيد يحب أمه اكثر
حتى لو قال لي انه يحب أمه اكثر مني
مستحيل أزعل منه هذي أمه اللي بيكون في عيونها طفل حتى لوصار شعر راْسه ابيض
وانا أحب امي اكثر من زوجي هذي ست الحبايب
زوجك ماشاء الله يحب أمه وبار فيها وزوجها ماتوفي
يعني مالها بعد الله الا هو
كوني باره في امه معه وكوني له عون على البر
واعتبريه مثل امك
قولي لزوجك بنفطر مع امك
صدقيني بينبسط منك وبتكبرين بعينه
لاتقارني نفسك بأمه
كلميه وقولي لها لزوجه حقوقه قولي لها يوديك لأي مكان تبغي
بس لاتجيبي له سيرة امه اوتقارني بينك وبينها

يالله مدري كيف تجرأتي على هالكلام ياويلي هاذي امه
تخيلي انتي ولدك يحب زوجته ويلبي لها كل شي وانتي امه لا


لا ياقلبي المعادله الي براسك خطا هاذي امه سواء كانت كويسه معك او لا
افهمي امه لو كانت كافره واجب انه يحبها ويقدسها اكثر من اي مخلوق كان سواء انتي او غيرك
الله يهديك وعذرا على كلامي لو جرحك بس تنرفزت من كلامك
ياحريم لاتقطعين زوجك من امه وابوه او تحرشين عليهم ابد ابد ابد حتى لو ظلموك انتي تقدرين بكلمه حسبي الله ونعم الوكيل تاخذين حقك بس ولدهم ابد لاتقولين له شي عنهم ربي قرن رضاه من رضاهم لاتخسرين دنياك بوساوس ابليس
امه وابوه خط احمر ماتكلم فيهم ولا اسبهم عنده ولا حتى اعلم واقسي قلب ولدهم عليهم مهما سوو فيني
وربي اشتكي لربي لو ظلمتني واقول حسبي الله ونعم الوكيل بس ولدها ماله دخل
انا افكر لبعدين بعيالي وش بيسووون فيني فكري لمستقبلك بعد 40 و50 سنه وربي توزنين الأمور صح
ورب البيت ان بيني وبين امه مشكله وقالت عني كلام ماينقال بس وش اسوي هاذي امه ولا انا اعرف اخذ حقي واعرف وش اقول بس خليتها لوجه الله وقلت حسبي الله وكفى وربي مادعيت غير هالكلمه
وربي اخذ حقي ثالث ومثلث وهي تكلمت بنفسها وقالت لزوجي اني ظلمت فلانه والله يسامحني
ماعليك والله كل شي تسوينه بهالدنيا بيرجع لك سواء زين او شين فكري فيها وفكري ان الحياه زي الحلقه (الدائره) تمشين فيها والي تسوينه باول الحلقه بتلفين وتاخذينه
عشان كذا لاتعطين ابليس مجال يوسوس فيك واكرشي الشيطان عنك وصفي نيتك وقولي اللهم لاتجعل بقلبي غل للذين امنو ورب البيت ترتاحين ويرتاح قلبك
احب صفاء القلوب وحتى لو احد لف ودار معك وانتي قلبك طيب بياخذ حقك ربي وبيجي لين عندك يعتذر ويندم بس اوثقي بالله واتركي سفاسف الامور
والعذر ثم العذر لو كلامي جرحك