موقفك لو سافر زوجك وماخبرك عن سفره

السلام عليكم ورحمة الله وبركاته...
راح ادخل بالموضوع على طول.... سافر ولا خبرني عن مكان أو جهة أو زمان أو مدة.. قبل السفر ب6 ساعات طلب مني اجهز له حقيبة سفره أنا رفضت اجهزها له... أنا مو عاملة عنده أو مستخدمه... هو لو عنده حياء مايطلب مني اجهز له حقيبة سفره.. هو متطوع مع الهيئة العالمية لتحفيظ القرآن الكريم... وأصحابه وأهله يعرفون هو وين رايح.... قهرني إنه ماخبرني.... ولا حتى يبغى يكلمني... أنا ما عملت له شيء... كل اللي طلبته منه أنه إذا راح يسافر ياخدني معه... بس... وعدني ثلاث مرات ياخدني ويخلف وهاذي المرة من غير مقدمات يطلب من اجهز له حقيبة سفره.. لا مستحيل.... أنا ياخواتي مضطرة ارجع بيتي بكرة.... عشان مدارس العيال... واهلي مو عارفين إني ما أدري عنه ولا عن سفره.. اتفقت مع أولادي أننا نقول كلمة وحده حتى ماحد يدري... بتقولون ليش أولادك عارفين... للأسف كل شيء باين وواضح قدامهم.. بس والله لا رجع ناوية على المحكمة... ماراح أتكلم معه ولا أعمل له أي شيء يخصه...
تدرون لأنه ناوي على السفر والله احتياجات البيت ماجابها... أولادي لاقاموا الصبح يبغون يفطرون مايلاقوا شيء ياكلونه.. وأنا اكتب له ايش نبغى في ورقة... رسلت له رساله اتفاجأ... لا شيء... اضطررت أنزل بنفسي اشتري... بس والله عيب.... يخدم الناس ويسعى في خدمتهم ونحن لكم الله.... حسبي الله ونعم الوكيل...