بكون معاك صريحة مره
الأمومة مو وظيفة مؤقتة تتغير حسب ظروف الزواج
والعيال مو شنطة تنحط عند ابوهم
لأن في زوج جديد ما يبغى يتحملهم
اللي يوجع ويقهر فعلاً مو زواجها
هذا حقها ومحد له حق يتفلسف لكن القرار اللي فيه تضحية باستقرار أطفال عاشوا معها سنين

الطفل صغير ما يفهم شروط الرجال ولا ترتيبات الكبار ولا وش يبغى زوج امه هو يفهم شيء واحد فقط ان أمي كانت معي وفجأة صارت تزورني مرة في الأسبوع

مب كل شيء اسمه حقها تعيش حياتها يكون قرار سليم ابد ابد لأن فيه أرواح صغيرة مرتبطة فيها
الأم أو الأب اللي يختارون راحتهم على حساب عيالهم لازم يعرفون أن الجرح اللي يتركونه فيهم ما ينسونه عيالهم بسهولة

الزواج من حقوقهم نعم انا معك لكن اطفالهم امانه مو اختيار

واضح انك ما فهمتي المغزى من طرح السؤال
ببساطه مو كل المطلقات يمرون بظروف موحده عشان يجي لهم جواب موحد يتعمم عليهم
في مثل هذي الامور لازم صاحبة الشأن هي اللي تراجع تفاصيل حياتها وظروفها وكيف راح تكون الاوضاع لو قبلت او رفضت وتشوف اذا يناسبها او لا
الزواج مره ثانيه بحد ذاته مو غلط ومن ابسط حقوقها
وحتى في وجود اطفال هذا الشي يكون بالتفاهم والتراضي ومراعاة المصلحه العامه للجميع
انا كشخص بظروفي وبيئتي وتفكيري يمكن ما اقبل اكون مربيه لاطفال غيري واول شرط راح افرضه للموافقه ان يكون مالي علاقه بالاطفال ولازم خادمتهم تجي قبلهم تهتم فيهم والوجه من الوجه ابيض ما اتحمل مسؤلية غيري
واكيد لو عندي اطفال وفرضنا انهم بيكونون عند ابوهم بسبب الزواج راح يبقى لي كامل الحق في استقبالهم وزياتهم في بيتي براس مرفوع
واذا ما يقبل في مليون حرمه غيري ومليون رجال غيره ماتوقف الدنيا عليه
واللي تقبل تدخل زواجه بتنازلات تحرمها من حقوقها وتجردها من انسانيتها وتفرض عليها قيود ما انزلها الله لا تشتكي ولا تتذمر بعدين لان هذا اختيارها وقرارها اللي اتخذته بكامل قواها العقليه
والزواج عمر مو يوم ولا يومين

بديتيها بقل خيرا او اصمت
طلبتي راي الجميع ومن حقنا نرد حسب مانراه
اولا منال من حقها تتزوج
لكن كيف تتخلى عن اطفالها
ليه تسمح لشخص غريب يشرط عليها
والغريب انها بتربي عياله
أرى انها ظلمت عيالها
ولحد يقول ماندري عن ظروفها
هي عاشت 6 سنوات مع عيالها والحين يوم تقدم لها شخص. على طول ضحت بعيالها
اتمنى تراجع نفسها وتبني مستقبل عيالها لاتهده
عيالها سندها وعزها
تشرط على زوجها عيالي معي
عيالي اولا
تبغى ولا مع السلامة

اصلا مفروض ليه تطلق ؟
الشرع حلل ٤ هدمت بيتها وشردت عيالها !
والحين تبي تتزوج معدد !
وتطرد عيالها من حياتها !
عشان مين ؟
عشان رجال غريب ماتدري تتوفق معه أولا .
يمكن ماتتوفق وتخسر عيالها وتعيش وحيده !
حرام والله وترى بكرى بيقولون امي تخلت عنا ويحقدون عليها ويكرهونها !

شوفي ي ااخت زمردة لان موضوعك قضية اغلب البنات... ومر علي من اللي حولي تقريبا نفس الوضع واعطيتهم رايي لما طلبو وانا ممدري بقدرة الناس وتحملهم ورغباتهم.
المطلق بعيال مدري المتزوج وعنده عيال المهم احيانا هو منتقم من زوجته وماخذ عيالها يمكن غصب واحيانا هي رمتهم عليه لان بعض البنات تحس انها ضحية وهذا شيء طبيعي انها جابت عيال وفي النهاية صار اللي صار سواء عندها عيالها او عند ابوهم بس لما عندها اهون يعني تكون ماخسرت كل ششيء زوج وعيال..
المهم راح اقول رايي اللي قلته للي اعرفها اكيد متزوجة راح تجيبي له عيال والا بس زوجة مدري المهم قولي له كنوع من اللتنازل راح جيب عيالي اربيهم معهم لان كذا والا كذا راح اجيب اطفال وتشوف وجهة نظره هو بعد يبغى منها اطفال والا كيف غرضه من هالزواج .
اللي اعرفها ماعندها اطفال وهو عنده بس بعدين انجبت وتربيهم معهم الله ياجرها ثقل مسؤولية ويوفقها ويسعدها ويصصلح حالهم وحالنا وحال كل ممسلم....لان بعض البنات تبغى بس الستر ونصيبها قليل في الزواج وتنازلاتها ماهي رضى لكنه قلة حيلة والواحد مايدري وش الله كاتب له عسى خير...
إذا قال لا لاتجيبهم تربيهم معهم تحاول تقنعه انا بعد بجيب اعيال نفس الشيء وش اللي غير....لان لو جينا للواقع والتخلي عن المثالية قرارتنا راح تكون غير وااحنا مجروحين.