موقفك من الفتانات اوالنمامات(الله يكفينا شرهم)

بسم الله الرحمن الرحيم
السلام عليكم ورحمة الله وبركاته
شخباركم بنات عساكم بخير ان شاء الله يارب بخير
وش مو قفكم من الفتانات الي يسعون وراء خراب البيوت؟ ياالله تكافينا شرهم بصراحه ما اخفي عليكم احنا عايلتنا شبه منفصلين والسبب هالفتانات استغفر الله ابي اعرف وش يستفيدون ليش ينقلون الحكي ماعمري جلست في جمعه مافيها حش ونميمه فلانه قالت وقالت وفلانه تضحك على رقصك وفلانه سبتك وقسم بالله ما كتفو بالهذا الشي قامو يتعمقون في اشياء خاصه وعيب تنقال والله وش ذا حسبي الله ونعم الوكيل حتى الخوات ما سلمو منهم خواتي تزاعلو مع بعض بسبهم
خليها تحش فيني انتي يا نمامه وش دخلك تنقلين الكلام وش بتستفيدين وياليت تنقل نفس الكلام لااااااا تزيد عليه وتحلفك وتأمنك بالله لاتدري اني قلتك
بس تبي تحرق قلبك
ابي قلكم قصه صارت لي انا وبنت عمي
والله مشتاقتلها موت ودي اضمها حيييل:06: كنا انا ويها أكثر من خوات وصديقات يوميا انا وياها مع بعض حتى اذا جت عندي وانا نايمه تقعد اتزن على راسي عشان أقوم ههههههههه يا حبي لها
المهم في فتره صرت اغيب عنها عشان كان عندنا دراسه وامتحانات وشكلها ازعلت وقالت فيني كلام انا متأكده أميه بالأميه انها ماتقصد كان قصدها عتاب او ما ادري بالضبط قالتها عند وحده وهالوحده انقلت الكلام بنفس اليوم بس قالتها بطريقه تفور الدم انا زعلت مره وضاق صدري
وكبرت السالفه وتدخلو الأهل وخلاص كلن راح بطريق
تخيلو منفصلين لنا 8 سنوات والله احبها هالأنسانه مشتاقتلها والله كل ما شفتها اتحسف على أيام زمان وتيجيني الصيحه واحلم فيها دايما :44: