موقفين شفتهم في المستشفى .. واحد سيء والثاني يفتح النفس

السلام عليكم ورحمة الله وبركاته ..
أخواتي الغاليات..
قبل فترة رحت المستشفى عشان موعد لمتابعة الحمل..
دخلت غرفة الإنتظار وكانت زحمممه فظييعه لدرجة إن حريم كثير واقفات مالقيوا كراسي يجلسون عليها وكلهم حوامل الوحده بالقوه تشيل نفسها ..
اللي قهرني وحزنني وعصبني بعض الحريم الله يهديهم تخيلوا جالسه وجنبها بناتها صغار مره سنتين ثلاث سنوات وكل وحده منهم جالسه على كرسي !! ولافكرت تقومهم وتجلسهم على الفرش عشان يجلسون الحريم بدالهم!!
من جد انقهههرت ليش ماتعلمهم الإحترام بصراحه منظر يقههر ..
الموقف الثاني ..
في غرفة الإنتظار في قسم الأشعه نفس الشي زحممه مووت وإحنا جالسين شوي تدخل حرمه كبيره بالسن مع بنتها وبالقوووه تمشي تحزن .. والكراسي كلها مليانه 
والله يابنات بمجرد مادخلت العجوزه قاموا معظم الحريم من كراسيهم وكل وحده تقولها تعالي اجلسي مكاني ..
الصراحه انبسطت مره منهم ..
نصيحتي للأمهات علموا بناتكم إحترام الكبير والأدب والأخلاق الحسنه..
وصل اللهم وسلم على نبينا محمد وعلى آله وصحبه الأخيار