شرح حديث من نفس عن مؤمن كربة أستمعوا له جزاكم الله خيرا
اليوم رحت لمستوصف الحي لما خلصت وقفت برا انتظر السيارة وكان واقف معاي حرمتين مايعرفن بعض وحده كبيرة والثانية بالعشرينات من شكلها الخارجي المهم قالت الكبيرة يووووه خلص الرصيد وتسال مافي بقاله قريبة قالت الصغيرة ماتروحين انا عندي بطاقة بعشرة ريال وشحنت لها وجت على طول سيارتها وراحت وكلمت الكبيرة ولدها وجاء اخذها وراحت وهي تدعي للبنت بالخير.
وشوي تخلص حرمة ثانية من المستوصف وركبت السيارة مع ولدها ويشغل السيارة ماتشتغل جاء رجال في سيارة ثانية قال بغيت مساعده قال والله البطارية فاضية ويبي لها اشتراك وسحبوا سلك بين السيارتين ماأشتغلت جاء واحد شباب سيارته فان قال تبي مساعدة ونزل وساعدهم وهو قبل شوي كان مساعد واحد ثاني ايضا كان واقف بعيد شوي..
يعني سبحان الله الدنيا لسى فيها خير واتمنى انكم تدعون للبنت ان الله يجزيها حسنات على اللي سوته بالعجوز والرجااال
اللي ساعدوا الولد كانت امه تبي تمشي الى البيت مشي بس الحمد لله انتبه لهم الرجال والشاب .
اللهم اغفر لهم وارحمهم وثقل موازينهم واعفو عنهم وارزقهم واشفيهم من كل سقم .
تصدقين لما قريت موضوعك تذكرت موقف صار لنا شخصيا وبعد اذنك بقولة
مرة كنا مسافرين من الدمام للجنوب بعد مامشينا 800 كيلو خربت سيارتنا في قرية بعيدة ومانعرف احد فيها ولافي صرافات قريبة جا
ولد عشريني ساعدنا الله يجزاة خير ماخلانا قعد خمس ساعات وهو يساعد زوجي يحاول يصلحون السيارة ولما ماصلحت ودانا النقل الجماعي وما راح الا لما تاكد انا مشينا معنا مانعرفة وماهو مجبور فينا
لاكن الله يجزاة الجنة الموقف قبل 5 سنين بس لما تشوفي فية لسى ناس كيذا تحسين الدنيا بخير