موقفي أنا والوالدة من ملكة اختي//تم الرد

اولا السلام عليكم ورحمة الله .


كيفكم وعساكم بخير وان شاء الله طيبين وان كُنتُم منتم طيبين على الله تزين اموركم


الحين بقولكم حاجة ، عندي ثلاث خوات اصغر مني واعتبرهم حسبة بناتي والله مو اخوات واحبهم وياما وياما ولله الحمد والمنة قمت عشانهم باشياء كثير ووقفت معاهم بمشاكلهم من هم صغار لين الواحد اشتد عوده وصار واقف على حيله .


المهم يا طويلات العمر عندي اخت اصغر مني عندها بنتين الله يحفظهم أنا مرضعه البنيتين وهي مرضعه عيالي عشان قلنا نبغاهم كلهم اخوان وأخوات ويدارون بعض ولا يحسون بفرق بين بعض.


المهم فيه اخت ثانية اصغر من اختي ام البنتين ارملة ومعهم وعندها ولد وبنت ربي يحفظهم وكمان نفس الشي أنا رضعتلها البنت وهي رضعت بنتي عشان مع بنت اختي الثانية وهي كمان رضعت بناتنا عشان الخوة بالرضاعة ، يعني لهالدرجة حنا قريبات من بعض .


صار بيني وبين اختي مشكلة وحصل فيها انها الله يهديها دخلت زوجي بالموضوع بقصد الله اعلم اللي ورآه وما تركت شي م قالته عنده والمشكلة اللي حل الموضوع هو زوجي وهي الغلطانة طلعت ولمن قالي زوجي تبغيني
أكلمها قلت له لا . بس حُزَّت بخاطري حركتها مهما يصير بين الخوات المفروض ما يطّلع لابن أمه وأختي ما تركت كلام ما قالته وحتى لمن طلعت غلطانة ما اتصلت اعتذرت الا تجاهلت الموضوع كان ما صار شي . وبعدها بشهر وربك شاهد علي أرسلت رسالة على قروبنا ان حصلها الموقف كذا وهكذا وهذا ، والكل فزعلها واكيد أنا منهم ما ارضى على اختي اي شي حتى لو بيني وبينها حزازيات.


كسرت عليها الجوال تكنسل بوجهي ولا اتصل زوجي عليها ردت عليه ، ولمن اتصلوا اخواني واخواتي ردت عليهم علما أني أنا الكبيرة فيهم . مع الحمل والتعب والدوام الطويل حقي وضغط المشاكل الاخيرة جاني سكر وضغط في حملي هذا وتعبت زيادة وصرت بس على سريري ، اختي جا المدينة اللي حنا ساكنين فيها كمن مرة علما انها ساكنة بالرياض ، وكل مرة انتظرهم يجرني ترسل بناته بس مع أمي وهي تجلس في البيت عند الوالد لوحدها وتمنع بقية اخواتي يجون . ألمهم


وهاك النهار تجيك الوالدة وبين الكلام تغلط وتقول خلاص أصلا ملكة فلانة الأسبوع الجاي والله يسهل لها واحنا جالسين نجهز ، أنا عيوني صارت كذا 😳 ، ملكة من ، انتبهت الوالدة انها غلطت بالكلام وقالت ملكة فلانة اختك الأسبوع الجاي بالصالة الفلانية والملكة بعد خمس ايام بس وكل شي محجوز ومخلص.
المهم ما أخفيكم سويت نفسي فرحانة مرة وباركت للوالدة وبوست رأسها لكن من اول ما خرجت هاتك صياح ونياح لأَنِّي حسّيت من نفسي من جد مقطوعة وغريبة عنهم ولا كأني بنتهم .


الحين الوالدة أرسلت لي تقول حسسيني انك فرحانة ، قلت الله يباركلها ويتمملها على خير ايش احسسك وصراحةغلطت عليها وقلت أنتم عديتوني غريبة ولا حسستوني ان ان بنتكم ولا رفعتم سماعه علي اجل ليش يهمني اعرف ايش سويتوا او لا وانا ما امر بيت الوالد اسلم عليه هي المفروض تجي تسلم علي .




أنا اعرف أن الوالدة من النوع اللي تحب تكذب علينا عشان تجمعنا اذا فيه مشاكل بيننا عشان تصلح بس لانها تقول ما أحب اشوف عيالي متهاوشين ومتفرقين ، ويعلم الله ان السبب الرئيسي أني شفت ان اختي ارتاحت بقطيعتها وتركتها وحتى زوجي قالي مادام هي اختارت هالطريق اتركيها مصيرها ترجع ، الحين الوالدة الزعل مو على العروسة علي ان عشاني بعيدة ولا حسستها أني فرحانة ولا ساعدتهم بشي ، طيب أنتم خلصتم كل الأمور قبل ما تعلموني ، أصلا أنا عرفت بالغلط وانتي ندمتي يما لمن علمتيني ايش تبغيني أسوي الحين .




الله يرحم والديكم بدون بس وشتم ، ترى كل إنسان مسؤول عن ما يكتب


وأتقبل كل الاّراء بواسع الصدر