السلام عليكم ورحمة الله وبركاته
كيفكم بنات <<آنسات ومتزوجات>>
بدخل بالموضوع دغري هذا الله يسلمكم يوم من الايام رحت موعد عند دكتورتي <<مراجعة حمل>>وكمان عشان آخذ كل اورق التحاليل والاشعه حقت الحمل لانه كان اخر موعد لي عندها لاني كنت مسافره لاهلي بولد عندهم <<وحن وش دخلنا:hahaha:
المهم الموعد كان في الصباح الباكر وبعد ماخلصنا وطلعنا من المستوصف قلت لابو الشباب دخيلك وتكفى ترى تكفى تهز النفرات<<سوري اقصد الرجال:hahaha:
كنت ابي أخذ بعض الاغراض قبل السفر وبعد طلعت الروح وافق وقال يالله ادخلي وخلصي اغراضك بسرعه وانا باخذ الولد<<ولدي عمره3سنين>>وبنطلع الدور الثاني بنفس المحل قلت طيب
والله واجيكم طيران بالمحل والكرشه وش كبرها كنت بالثامن وعاد حن يالحريم إذا رحنا السوق يروح التعب والاجهاد وندخل بما يسمى باللاوعي من كثر حبنا للسوق المهم ماخذه راحتي على الاخر السوق شبه فاااااااضي فى الصباح وانا اتفرج واقضي وكنت واصله تقريبآلآخر المحل وبين الرفوف<<لازم ادخلكم جو عشان تحسووووون بالرعب اللي حسييييته>>والا اسمع هالهمس وكأن احد قاعد يتنحنح عند اذني والتفت بسرعه الا هالرجال الضخم طول بعرض:oوالله يابنات يمكن مابينه وبيني الا كم سنتيمتر وجالس يتمتم بكلام و الى سمعته بس يوم يقول كيف الحال <<يممممممممممه<<تعلوا دوروني وقتها حسيت بالطلق بدا فيني واقوله ابعد ياحيوان ايش تبغى واصيح بأعلى صوت انادي على زوجي ماحد حولي حتى العمال مادري وين طسوا من كبر المحل والمشكله جالسه اسفل فيه وانا ارجع لورى وهو يقدم جهتي ويحاول يحط ورقه بيده على مااعتقد فيها الرقم يبي يحطها بشنطتي لاويحلف يابنات من قوة عينه يقول والله تاخذينها واصيح بوجهه بكل كلمه شينه وهو مازال يحلف ويقول عليك وجه الله ان تاخذينها والله وتجيني هالفكره المتأخره واطلع جوالي واسوي اني اكلم زوجي وأاشر بيدي يعنني قاعده أاشر لزوجي وقول شوفني هنا قريب منك بس جيب معك السيكيورتي والله ماامداني اخلص كلامي الا هالشين ماشوف الاغباره والله من الخرعه وانواع المغوص ماشريت شي وطلعت برى وادق على زوجي واعلمه بكل شي قالي ماعليك اعطيني اوصافه بس وانا اوريك فيه قلتله تبي اوصافه ابشر(((طويل وعريض ولابس ثوب وغتره بيضاء معطفه وحالتها حاله له دقن ابيض ماليه الشيب عمره يمكن بالخمسينات)))
زوجي بغى ينجن على باله امزح ووالله ياخواتي هذا الحاصل قالي الحبيب خذي الولد وروحي السياره
راح زوجي عند السيكيورتي وعلمهم بكل شي تدروووون وشقالوا((قالوا هالآدمي آذاهم بالمحل واذى الناس ودايما تجيهم شكاوي من الحريم اللي يتحرش فيهم ويبلغون عنه الشرطه وينحبس فتره ويطلع ويرجع لنفس سواته اثاري الرجال طلع مريض نفسي هارب من مستشفى الامراض النفسيه ولايدرون مين اهله
وربي ذاك اليوم سلمني سلامه والله لو ذبحني ولا سوى فيني شي ماحد درى عني والمصيبه العظمى انه شايف كرشتي وحالتي حاله لكن توني ايقن انه مريض نفسي
عارفه اني طولتها ومصختها وحكيت قصتي بالتفصيل الممل لكن لازم ادخلكم جو معي وعشان تتعظون من قصتي ولاتروحون اي مكان عام موشرط السوق والا معك محرم
للامانه القصه لها حوالي سنه من يوم حصلت لكن تدرون وش اللي ذكرني فيها الخبر اللي قريته بصحيفة سبق قبل يومين عن المريض النفسي اللي نحر السيكيورتي اللي بالمستشفى يوم قريت الخبر تنافضت عظامي وذكرت ذاك اليوم قلت الحمد لله اللي نجاني منه وتوبه من ذيك النوبه
وهذي قصتي بين ايديكم والله على مااقول شهيد
ودمتم بألف خير...
القلب الكبير2011 @alklb_alkbyr2011
عضوة فعالة
يلزم عليك تسجيل الدخول أولًا لكتابة تعليق.
الله يسعدكم حبيباتي على ردودكم وعسى الضحكه دوم..
اما بالنسبه للخوات اللي يقولون وين السيكيورتي عنه المحل له مداخل كثيره ودورين وكل دور له اكثر من مدخل وانا اتوقع انه تنكر مريض نفسي الله لا يبلانا..
اما بالنسبه للخوات اللي يقولون وين السيكيورتي عنه المحل له مداخل كثيره ودورين وكل دور له اكثر من مدخل وانا اتوقع انه تنكر مريض نفسي الله لا يبلانا..
الصفحة الأخيرة
والله ضحكت غصب يوم تخيلت شكلك بس الحمد لله انه ماسولى فيك شي
وبعدين مدامي السيكيورتي عا رفينه لييييييه يدخلونه السوق او المحل:mad: